Errejon, epaitegiaren atarian: "Errugabea naizela defendatzera nator"
Iñigo Errejon Sumarren diputatu ohi eta Podemosen sortzaileetako bat dena epailearen aurrean deklaratzen ari da, Elisa Mouilaa aktoreari sexu erasoa egitea egotzita. Epaitegira heldutakoan, adierazpen laburra egin die kazetariei: "Erabat konfiatzen dut justiziaren jardunean; errugabea naizela defendatzera nator".
Errejonek kazetari eta kamera ugari zituen zain Gaztela Plazako epaitegi atarian. Izan ere, auzia lehertu zenetik, desagertuta egon da Sumarren buruzagi ohia.
"Epaileari emango dizkiot eman beharreko azalpenak", erantsi du.
Aurrez, biktimak deklaratu du. Elisa Mouliaa aktorea adierazpenik egin gabe sartu da epaitegira. Hain justu, horrek eskatuta, epaileak protokoloa ezarri du —ohikoa, indarkeria matxista kasuetan— biek epaitegian elkar ez ikusteko.
Emakumezko aktoreak duela ia hiru hilabete salatu zuen politikaria, 2021ean pairatutako erasoak zirela eta.
Errejonek urriaren 24an politikagintza utzi zuela iragarri zuen. Aurretik, baina, haren kontrako salaketa anonimoak egin zituzten hainbat emakumek sare sozialetan.
Ohar bidez jakinarazi zuen Errejonek bere dimisioa, eta adierazpenean, egindakoa onartu ordez, politikagintzak fisikoki eta psikologikoki "higatu" zuela argudiatu zuen, eta "pertsonaren eta pertsonaiaren arteko kontraesanek" goia jo zutela.
Gau horretan bertan, politikariaren kontrako salaketa aurkeztu zuen Elisa Mouilaa aktoreak. Polizia-etxean aurkeztutako salaketaren arabera, Errejonek hiru aldiz egin zion eraso gau berean.
Aktoreak beste abokatu batekin egingo dio aurre prozesuari. Izan ere, hasieran aukeratutakoa amatasun bajan dago. Hain justu, egoera horrek hilabetez eten zuen auzia.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.