Osakidetzak odola emateko deia egin die herritarrei, Gabonen ostean erreserba mailak behera egin du eta
Odol-osagaien erreserben ohiko maila baino eskasagoa da EAEko ospitaleetan, Gabonen ondoren beti gertatu ohi den bezala. Odol-talde guztietan daude erreserbak behar den mailatik behera. Hori horrela, Eusko Jaurlaritzako Osasun Sailak eta Osakidetzak odola emateko deia egin diete herritarrei.
Deialdia egiteko zabaldutako oharrean, Osakidetzak zehaztu du noizbait odola eman duten pertsonei zein urratsa ematea pentsatu baina oraindik egin ez dutenei zuzenduta dagoela eskaria, "behar duten paziente guztien arreta medikoa bermatzeko".
Ildo horretan, Transfusio eta Giza Ehunen Euskal Zentroak (TGEEZ) gogorarazi du odola emateak jarraitzen duela izaten "transfusiorako edo plasmatik eratorritako sendagaiak egiteko osagai ugari lortzeko modu bakarra, "ezinbestekoak" dira osasun zentroen eguneroko jardueran.
Odola emateko bete beharreko baldintzak zeintzuk diren ere gogoratu dute oharrean: 18 eta 65 urte bitarteko adina izatea, osasun egoera onean egotea, eta 50 kilo baino gehiago pisatzea. Odola emateko guneei eta ordutegiei buruzko informazioa, berriz, Euskadiko Odol Emaileen webgunean eta sare sozialetan aurki daitekeela erantsi dute.
Iaz, 47.000 pertsona inguruk eman zuten odola EAEn. Orotara, 79.032 donazio egin ziren, eta horrek 30.000 pertsonari lagundu zien, "haien bizitza salbatuz edo haien osasuna hobetuz".
TGEEZ zentroaren arabera, odola ematen den aldiro "dozenaka pertsonari" lagundu ahal zaie. "Odola hainbat osagaitan banatzen da, eta, osagai horien bidez, hainbat behar mediko artatzen dira: tratamendu onkologikoak, ebakuntza kirurgikoak eta larrialdiak, eta paziente kronikoentzako sendagaiak".
Albiste gehiago gizartea
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.