Sustoa Noainen: bizilagunak etxetik atera dira berriro, abisu faltsu baten ondorioz
Noainen (Nafarroa) leherketak izan ziren kalean, bizilagunak etxetik atera dira berriro arratsaldean, gas usaina sumatu ostean, baina abisu faltsua izan da azkenean, Sebastian Marco alkateak EITB Mediari baieztatu dionez.
Antza denez, etxera itzulitako familia batek gas usaina nabaritu du. Hori dela eta, etxetik ateratzea erabaki dute, larrialdietako profesionalek arriskurik ez zegoela egiaztatu arte.
Zehazki, 17:38an, Zabalegi kontzejua kaleko 14. zenbakia duen atariko bizilagun batek 112ra deitu du, gas usain handia sumatzen zuelako, SOS Nafarroak jakitera eman duenez.
Suhiltzaileak bertaratu dira, eta eraikin hori hustu dute, baina ez gainerakoak. Hala ere, batzuk euren borondatez atera dira etxetik, eta kalean itxaron dute probak egin arte.
Cristian Gomez bizilagunen bozeramaileak, alkateak berak eta Amparo Lopez Nafarroako Barne kontseilariak hedabideen aurrean agerraldia egin dute alarma faltsua zela egiaztatu ondoren. Gomezen hitzetan, "ustel" usaina edo antzeko zerbait izan da, baina gasa hornitzen duen enpresak eta suhiltzaileek egindako azterketen ostean, "orain askoz lasaiago gaude".
Alkateak berretsi duenez, "ez da gas-ihesik egon", baina egun batzuk lehenago gertatutakoagatik "bizilagunen alarma ondo ulertzen dut", esan du: "Guztiz ulergarria da".
Leherketa gertatu eta ia bi egunera, Lostra etorbideko eta Zabalegi kontzejua kaleko bizilagun gehienek etxera itzultzeko baimena jaso zuten asteazkenean. Zehazki, Lostra etorbideko 1-19 atarietako eta Zabalegi kontzejua kaleko 2-18 atarietako bizilagunak etxera itzuli ahal izan ziren.
Eztandaren ondorioz hustutako 20 ataritako 80 familiak etxera itzultzeko baimena jaso zuten, "arriskurik ez zegoela egiaztatu ondoren". Hala iragarri zuten alkateak, Nafarroako Gobernuko Barne kontseilariak eta Alicia Echeverria Espainiako Gobernuak Nafarroan duen ordezkariak.
40 etxetako bizilagunak bueltatzeko baimenaren zain daude oraindik. Leherketatik gertuen dauden bi atarietako 8 etxebizitzek "kalte larriak" dituzte. Gainerako 32 etxebizitzetako bizilagunak kalteak konpondutakoan bueltatuko dira, baina agintariek, kasu horretan ere, ez dute data zehatzik eman.
Bestalde, atariko fasean dagoen ikerketan, gas-ihesa zuen hodia aurkitu dute, 24. atariaren inguruan.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.