Gizon bat epaituko dute emazteari eta seme-alabei tratu txarrak eman eta emakumeari sexu erasoa egiteagatik
Gizon bat auzipetuko dute, emazteari eta haren bi seme-alabei azken urteetan ustez sexu-abusuak egiteagatik eta tratu txarrak emateagatik. Fiskaltzak 13 urteko espetxe zigorra eskatu du.
Gipuzkoako Auzitegiak gizon bat epaituko du hilabete honetan, 2017tik 2019ra bitartean emazteari eta haren bi seme-alabei tratu txarrak ematea eta emakumeari sexu-erasoak egitea leporatuta.
Fiskaltzaren akusazio-idazkiaren arabera, elkarrekin bizi izan ziren azken urteetan, gizonak indarkeria fisikoa, psikologikoa eta sexuala eragin omen zien etengabe, eta, horren ondorioz, dibortziatu egin ziren 2021ean.
Ministerio Publikoak zehaztu duenez, gizonak mehatxuak eta larderiak erabiltzen zituen, emazteari hainbat eskopeta zituela gogoraraziz, eta, horrez gain, behin eta berriz sexu erasoak egiten zizkion, bereziki gauean, lo zegoela aprobetxatuz. Familia bizitza ere baldintzatzen zuen sexu harremanetara, eta sexurik ez bazegoen, ohartarazten zuen ez zituela familia jarduerak batera egingo.
Seme-alabei dagokienez, auzipetuak, ustez, indarkeriaz erantzuten zuen aginduak betetzen ez zituztenean, erratz batekin edo zuhaitz adar batekin jotzera ere iritsi zen, eta etxebizitzaren kanpoaldean baldintza desegokietan egotera behartu zituen.
Fiskaltzak delitu hauek egotzi dizkio gizonezkoari: Sexu abusu delitu jarraitua, tratu txar jarraituen lau delitu eta mehatxu arinen delitu jarraitu bat. Hori dela eta, 13 urteko espetxe-zigorra eskatu du, beste zigor osagarri batzuez gain.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.