Irudigiltza: Osakidetzako proba medikoen irudietara sarbidea, errazago
Osakidetzak tresna berri bat prestatu du herritarrek errazago eskura ditzaten proba medikoen irudiak, hala nola erradiografiak, eskanerrak eta erresonantzia magnetikoak.
Irudigiltza da zerbitzu berriaren izena eta orain arte osasun karpetaren bitartez (urtero 500.000 lagunek erabiltzen dute) ematen zen zerbitzua hobetzera dator.
Gaur egun, osasun-karpetak pazienteen historia klinikorako sarbidea ematen du, eta tresna horretatik analitiken eta txosten medikoen emaitzak kontsulta daitezke, baina irudi bidezko diagnostiko-probak ikusteko aukera inplementatu beharra zegoen.
Orain, Irudigiltzaren bidez, pazienteak, bere ordenagailuan edo gailu mugikorrean miaketa baten irudia ikusteaz gain, behar duen erreferentziazko edozein profesionalekin partekatu ahal izango du, diagnostiko-gaitasuna handitzeko.
Hedapenaren lehen fase honetan, Irudigiltzara sartzeko, aurrez aurre joan beharko da Paziente eta Erabiltzaileen Arreta Zerbitzura (PEAZ) edo erreferentziako zentrora, eta sartu nahi den irudi-proba eskatu beharko da.
Une horretan, PEAZ zerbitzuko langileek dokumentu baten bidez edo posta elektronikoaren bidez emango diote eskatzaileari sarbide segururako informazioa. Informazio horrek bere gailuetatik sartzeko eta irudiak deskargatzeko gakoa dauka, eta 24 orduz egongo dira eskuragarri, eskaera egin ondoren.
Gainera, Osakidetza lanean ari da bigarren fase batean eskaera osasun-karpetatik bertatik egin ahal izateko, beste plataforma batera jo beharrik gabe. 2021ean osasun-karpeta berritu zenetik, funtzionalitate berriak sartu zirenetik, tresnaren erabiltzaile kopuruak nabarmen egin du gora.
Gaur egun, osasun-karpetak aukera ematen du, analisi eta txosten medikoen emaitzak ez ezik, tratamendu farmakologiko aktiboei, alergiei eta txertoei buruzko informazioa ere kontsultatzeko, itxaron-zerrenda kirurgikoko egoera ezagutzeko eta egiteke dauden hitzordu medikoak kontsultatzeko, baita lehen mailako arretan hitzordu bat eskatzeko ere.
Gainera, bularreko, koloneko eta zerbixeko minbiziaren baheketa-programetan parte hartzeko jakinarazpena jasotzea eta horren emaitzak ezagutzea ere sartu dira azken funtzioetan.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.