Pintaketa xenofoboak agertu dira Irungo Adiskidetuak elkartearen bulegoan
Hiru pintaketa xenofobo agertu dira Adiskidetuak elkarteak Irunen (Gipuzkoa) duen lokalean. Elkarteak aholkularitza juridikoa eta lan-arlokoa ematen die pertsona migratzaileei, eta Eusko Jaurlaritzaren Aholku atzerritarrei arreta juridikoa emateko sarearekin lankidetzan aritzen da.
Pintaketa, 'Stop inmigracion' eta 'Fuera moros' esaldiekin, gaztelania hutsean, Uranzu kaleko eta Palmera Montero eraikineko hormetan zeuden. Eraikin horretako bigarren solairuan Adiskidetuak eta beste elkarte batzuk daude, baina hori da pertsona migratzaileekin lan egiten duen bakarra.
Karla Zavala elkarteko idazkariak azaldu duenez, gaur goizean egin dute topo pintaketa horiekin, eta gertatzen zaien lehen aldia denez, beste sare batzuetako lankideekin harremanetan jarri dira, nola jokatu jakiteko.
Udaltzaingoak bere gain hartu du kasua, eta, beraz, ez dute salaketarik jarri Ertzaintzaren aurrean. Gaur goizean hasi da Udala pintaketak garbitzen.
Elkartearen lokalera Ignacio Fariña Eusko Jaurlaritzako Etorkinen Harrera eta Integrazioko zuzendaria joan da, eta Gorka alvarez Giza Eskubideetako zinegotziarekin eta Iosu Iguiñiz Gizarte Ongizateko zinegotziarekin bildu da.
Nerea Melgosa Ongizate, Gazteria eta Erronka Demografikoko sailburuak gaitzetsi egin du "erasoa", eta "besarkada handi bat" bidali die bulegoan zeuden pertsonei —hiru emakume; horietako bi, abokatuak, Karla Zavalak adierazi duenez—.
Gobernu Kontseiluaren ostean egindako prentsaurrekoan, Melgosak ohartarazi du Euskadi ez dagoela "populismo xenofoboetatik libre", "demagogiaren bizkar hedatzen direlako". Hala ere, goraipatu du euskal herritarrek "beti modu batu eta solidarioan" erantzun dietela pertsona migratzaileen beharrei.
Bestalde, Irungo Udalak "erabat" arbuiatu du eraso xenofobo hori, eta azpimarratu du ez dutela lekurik egungo gizartean, "bizikidetza oztopatzen dutelako".
Bizkaiko eta Arabako Aholku sareko kideek ere pintaketak kritikatu dituzte, eta babesa adierazi diete Irungo bulegoko langileei.
Zure interesekoa izan daiteke
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.