Euskadiko Osasun Ituna ildo estrategikoak lantzen hasi da eta ekainean aurkeztuko ditu emaitzak
Euskadiko Osasun Itunaren Mahaia osasun sistemaren ildo estrategikoak lantzen hasi da eta, aurreikusi dutenez, emaitzak datorren ekainaren amaieran aurkeztu nahi dituzte. Horrenbestez, Euskadiko Osasun Itunaren Mahaiak hirugarren fasea abiatu du. Guztira 24 lantaldek jorratuko dituzte EAEko osasun sistemaren erronka nagusiak, eta 400 adituk baino gehiagok parte hartuko dute, etorkizuneko osasuna hobetzeko adostutako estrategiak garatzeko.
Barakaldoko BECen egin den Itunaren Mahaiaren seigarren bileran, Alberto Martinez Osasun sailburuak une honen garrantzia azpimarratu du: "Pazienteen eta profesionalen ordua da".
Sei lan-arlotan banatuta (osasunaren prebentzioa, gaixotasunaren arreta, lehentasunezko osasun-arloak, kalitatea eta berrikuntza, profesionalen garapena, eta gobernantza), taldeek metodologia dinamiko batekin egingo dute lan, bilera presentzial eta telematikoen bidez. Talde guztiek osasun arloko adituen, pazienteen elkarteen, elkargo profesionalen, sindikatuen eta unibertsitateen laguntza izango dute.
Funtsezko helburuen artean daude prebentzioa indartzea, gaixotasun kronikoen arreta hobetzea, digitalizazioaren eta osasun berrikuntzaren aldeko apustua egitea, eta herritarren parte-hartzea bultzatzea erabakiak hartzeko orduan.
Emaitzak apirilean aztertuko dituzte eta ekainean aurkeztuko dira. Alberto Martinezek nabarmendu du pazienteen eta profesionalen garrantzia prozesuan, eta akordiorako prestasuna azpimarratu du.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.