Izotzarekin, zaparradekin eta elurrarekin joango da negua
Asteburuan, iparraldeko haizea nagusituko da, zaparradak botako ditu, eta tenperaturak nabarmen egingo du behera. Tenperatura maximoak 7-11 ºC artean izango dira, eta elur-kota 800 metrotik behera kokatuko da.
Larunbatean, giro hotza helduko da. Tenperaturak aurreko eguneko balio berdintsuetan geldituko dira. Zaparradak eta prezipitazioak, oro har, ahulak izango dira, eta lurraldearen mendebaldean izango dute eraginik handiena. Ekialdean, ateri egongo da leku gehienetan, eta hodeitza zulatuago egongo da, batez ere Nafarroan. Elur-kota 700-800 metro inguruan mantenduko da egunaren erdiko orduetan, eta 500-700 metroan, berriz, goizean eta egunaren azken orduetan. Gainera, barnealdeko hainbat lekutan izotza egin dezake. Hori dela eta, elurragatiko abisu horia aktibatuko da Araba, Bizkaia eta Gipuzkoa osoan.
Igandean, zerua hodeitsu egongo da. Zaparradak botako ditu han-hemenka, bereziki isurialde atlantikoan. Baliteke elur-kota 700-800 metro inguruan kokatzea. Ipar-ekialdeko haize ahul-bizia ibiliko da. Ez da tenperatura aldaketarik izango, eta egotekotan, gutxi igoko da. Izotz txikia egin dezake mendi inguruetan eta Arabako zenbait tokitan. Abisu horia indarrean egongo da barnealdean tenperatura minimoengatik eta izotzagatik, gauerditik 10:00ak arte. Barnealdean, izotz txikia egingo du, bereziki Araban eta mendi inguruetan.
Elur-kota 600-800 metro inguruan mantenduko da, eta 800-1.000 metrora igoko da arratsaldean.
Astelehenean, goiz-lanbroa izango da, eta lainoa. Zerua hodeitsu egongo da tarteka. Ekialdeko haize ahul-bizia ibiliko da. Elur-kotak gora egingo du, eta egunaren bigarren partean 1.000 metro inguruan egon daiteke. Tenperatura gutxi igoko da.
Asteartean, zeru hodeitsua izango dugu. Egunaren bigarren partean, baliteke euri txikia egitea, bereziki barnealdean. Hego hego-ekialdeko haize bizia ibiliko da, bolada gogorrekin. Tenperatura minimoak gutxi igoko dira, eta maximoak nahikoa edo nabarmen igoko dira.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.