Oier Sanjurjo izango da Nafarroako Ikastolen Elkartearen lehendakari berria

Osasuna futbol taldeko jokalari izandakoak Elena Zabaleta Andresenaren lekua hartuko du. Nafarroako Ikastolen Elkartearen 14. lehendakaria izango da.

IDOIA ALBERDI ETXANIZ | EITB MEDIA

2025/03/18 - 12:06

Azken eguneratzea

2025/03/18 - 16:38

Oier Sanjurjok (Lizarra, 1986) hartuko du Nafarroako Ikastolen Elkartearen (NIE) gidaritza, eta 2019tik kargu hori izan duen Elena Zabaleta ordezkatuko du. "Bere ibilbide profesionalean eta bizitzan landutako balio kooperatiboekiko konpromisoa" eta "euskararekin eta euskal kulturarekin duen harreman estua". Besteak beste, ezaugarri horiek nabarmenditu ditu elkarteak, izendapenaren berri emateko zabaldutako oharrean.

"Sanjurjoren figurak" proiektuari "ekarpen handia" egingo diola ez du zalantzarik NIEk: "hezkuntza-komunitate osoaren ongizatean lagunduko du, euskara Nafarroako integrazio, identitate eta aurrerapen tresna gisa sendotuz". Irakasle-ikasketak ditu, eta hori ere balioetsi dute: "taldeak kudeatzeko, lankidetza sustatzeko eta proiektu komun batean batasuna sustatzeko duen gaitasunaren egiaztapena da izendapena".

Euskadi Irratian egindako adierazpenetan, lizarratarrak esan du "militantziatik" emandako urratsa dela, sinetsita dagoelako "ikastolak oso garrantzitsuak direla euskararen sustapenerako". Azaldu du kargua ilusioz hartuko duela, eta "txikitatik etxean jasotako" konpromisotik arituko dela lanean gaineratu.

Haurtzarotik, lotura estua izan du Sanjurjok ikastolarekin. Lizarrako Ikastolako ikaslea izan zen, haren gurasoak bertako langileak ziren garaian. Ondoren, San Fermin Ikastolan egin zituen batxilergoko ikasketak, eta han daude eskolatuta egun bere hiru seme-alabak. "Oierrek bertatik bertara bizi izan zituen Ikastola hezkuntza-sistemaren balioak, non euskara erabiltzen eta maitatzen, kultur aniztasunaren errespetua eta aukera berdintasunaren sustapena ikasi zituen", erantsi dute.

Kirol-ibilbidean erakutsitako "iraunkortasun, apaltasun eta konpromisoa" ere eredugarritzat jo dute, igorritako idatzian, "hezkuntza eta kultura ulertzeko moduan ere islatzen diren ezaugarriak" direla esanda. "Etengabeko ahaleginak eta taldean lan egiteko gaitasunak markatu dute bere kirol ibilbidea, eta balio horiek ezinbestekoak dira erakundearen funtzionamendurako".

1976an sortu zen Nafarroako Ikastolen Elkartea, eta erakunde horren 14. lehendakaria izango da Osasuna futbol taldeko jokalari ohia.

Atzo egindako asanblean, Artekaritza Batzordeko gainerako zazpi kideak ere berritu zituzten.

Albiste gehiago gizartea

FOTODELDÍA SAN SEBASTIÁN, 17/06/2025.- Vista este martes de la playa de La Concha de San Sebastián. Los cielos en el País Vasco estarán hoy poco nubosos en el País Vasco, los vientos serán flojos y variables, aunque por la mañana se fijarán del norte, las temperaturas mínimas no variarán y las máximas experimentarán un ligero o moderado ascenso. EFE/Javier Etxezarreta

Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik

Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.

500 ekitalditik gora antolatu dituzte 2025eko sanferminetarako

Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera Gazteluko Plazako agertokian bederatzi eguneko zoramenari.

Nafarroako Unibertsitatea eta EHU, munduko 600 unibertsitate onenen artean

Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.

Ines Ibañez de Maeztu, Ararteko en funciones EFE

Arartekoak Osakidetzan inbertsioa areagotzearen garrantzia azpimarratu du, herritarren kexak ikusita

Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.

Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina

Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.

osakidetza ambulatorio centro de salud osasun etxea gasteiz vitoria

Osakidetzak ordutegiak murriztu eta osasun-zentro batzuk itxiko ditu udan

Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.

Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"

Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.