Rangersen zaleen topagunea Iparragirre kaleko lehen tartea izango da, Guggenheimetik gertu
Bilboko Udaltzaingoak, Ertzaintzak eta Athletic Clubek segurtasun dispositibo zabala jarriko dute martxan datorren ostegunean, San Mamesen, 21:00etatik aurrera, talde zuri-gorriaren eta Glasgow Rangersen arteko UEFA Europa Ligako final-laurdenetako itzulerako partida dela eta. Polizien arteko lankidetzak bi taldeen jarraitzaileen arteko "bizikidetza bermatzeko" helburua du.
Horrela, ohiko prozedurari jarraituz, zale eskoziarrei topagune batera joan daitezela eskatuko zaie, Ertzaintzak lagunduta eta guztiak batera joan daitezen futbol-zelaira. Hala, Rangersen jarraitzaileentzako bilgunea Iparragirre kaleko lehen tartean egongo da, Guggenheim Museotik gertuen dagoen tartean, hain zuzen ere, eta handik 18:00 aldera San Mamesera abiatzea espero da.
Udalak ohar baten bidez jakinarazi duenez, diseinatutako dispositiboak San Mamesen inguruetan izango du eragina, eta zaleen eta herritar guztien segurtasuna bermatzeko neurriak hartuko dira.
Hiriko zirkulazioan eragina
Partidak, ohi bezala, zirkulazioan eta garraio publikoan enbarazu egingo du. Errepideetan arazoak Moyua Plazaren eta Carlton Hotelaren inguruan eta San Mames inguruan izango dira, eta zale eskoziarren ibilbideak ere eragingo ditu mozketak.
Horrela, 18:00 aldera, Felipe Serrate, Sabino Arana, Euskalduna Zubia eta Jesusen Bihotza kaleetako zirkulazioa murriztu edo itxiko da. Hala ere, ordu erdi lehenago, 17:30etik aurrera, lehen mozketak ezarriko dira Carlton hotelaren inguruko kaleetan.
Zerbitzu publikoa
Tranbiaren zerbitzuari 18:00etatik aurrera eragingo dio norgehiagokak, Pio Baroja eta Casilla geltokien artean. Era berean, baliteke Bilbobusen eta Bizkaibusen zerbitzuan eragina izatea, eta, beraz, aldaketak pantailetan edo webgunean kontsultatzea eta zer aukera dagoen ezagutzea gomendatzen da.
Horregatik guztiagatik, bertako zaleei gomendatzen zaie, bai futbol-zelaira hurbiltzeko garraio publikoa erabiltzea, bai behar besteko aurrerapenarekin sartzea.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.