Metro Bilbaok zerbitzua berrezarri du Zazpikaleetatik Plentziara eta Kabiezesera, itzalaldiaren ondoren
Euskal Autonomia Erkidegoko tren bidezko garraioa erabat gelditu behar izan da astelehen honetan Iberiar penintsulan eta Europako zenbait herrialdetan izan den itzalaldiaren ondorioz. Hala ere, arratsaldetik aurrera zerbitzua apurka-apurka berrezartzen ari da.
Metro Bilbao
Metro Bilbaok jakinarazi duenez, 20:00etan geltokiak ireki ditu eta zerbitzua berrezarri du Zazpikaleak geltokitik Kabiezesera eta Plentziara. Hala ere, gaineratu du zerbitzua amaitu arte ez dela trenik egongo Zazpikaleak eta Basauri artean.
Halaber, bihar, asteartea, Boluetako eta Arizko azpiestazioetan hornidura etorri ezean, zerbitzua Zazpikaleetatik Kabiezesera eta Plentziara egiten jarraituko dela jakinarazi du, baina ohikoa baino maiztasun txikiagoarekin egin beharko dutela.
Euskotren
Gipuzkoan, 15:00 aldera jarri du martxan Euskotrenek Deba eta Hendaia arteko zerbitzua. Ondoren, tarteka zerbitzua berrezarri duten eta ohiko martxan ibili dira.
Bizkaian, Larreinetako funikularraren zerbitzua izan da berrezarri den lehenengoetako bat. Arratsaldean zehar, berriz, Euskotreneko beste hainbat tarte ere martxan jarri dira, hala nola Kukullaga/Etxebarri eta Lezama arteko E3a eta, beraz, baita Bilboko Metroko 3. linea ere, eta Amorebieta eta Bermeo arteko E4 linea. Une honetan Ermua eta Durango arteko tartea da zerbitzurik gabe dagoena.
Alabaina, Bizkaiko Aldundiak Bizkaibusen autobus zerbitzua indartu du eta autobus gehiago jarri ditu zerbitzu ematera hainbat ibilbideetan, adibidez, Durangoko linean ordezko zerbitzua emateko: 3911 (Elorrio) y A3912 (Ermua/Eibar).
Balmasedako A0651 linean ere beste autobus bat jarri dute eta zerbitzua ematen jarraituko du behar den arte.
Ezkerraldeko ibilbideetan ere errefortzuak jarri dituzte: 3 autobus Bilbo-Santurtzi joan-etorria egiten (A3115), eta beste hiru Barakaldoko lineetan (A3136, A3137 eta A3144).
Eskuin ibarrean ere bi autobus gehiago jarri dituzte, Getxora doazen A3411 eta A3414 lineetan.
Bizkaiko Foru Aldundiak erabilgarri zeuden autobus guztiak ateratzeko eskatu dio Bizkaibusi eta langileei "behar beste aparteko ordu egiteko" eskatu die, "herritarren beharrei erantzun" ahal izateko.
Tranbiak
Gasteizko eta Bilboko tranbiak ere bere onera etorri dira arratsaldeko 18:00ak aldera.
Renfeko aldirikoak
Bestalde, Renfek iragarri du Aldiriko trenak ez direla gaur martxan jarriko.
Alabaina, behin zerbitzua ezarrita, bihar asteartean, txartelak doakoak izango direla iragarri du. Azaldu duenez, sarrera libre utziko da aldirietako trenetara; "ez da beharrezkoa izango txartela erostea, baina sarbide-kontrolak egingo dira", azaldu du.
Zure interesekoa izan daiteke
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.