Ekaitzek Euskal Herriko eremu zabalak astindu dituzte, eta toki askotan txingorra bota du
Ekaitzen ondorioz gogotik bota du gaur arratsaldean Araban, Nafarroan eta Gipuzkoan. Tafallan (Nafarroa), zehazki, Puiun, 50 litro pilatu dira ordubete eskasean. Dulantzin (Araba), kazkabarrak zuriz estali ditu kaleak, 60 minutuan 21 litroko prezipitazioarekin, eta gauza bera gertatu da Araian eta Ilarduian (Asparrena, Araba), ordubetean 60 litro pilatu baitira metro koadroko. Gasteizen ere 29 litro bota ditu ordubetean.
Foru Erkidegoko erdigunean alerta laranja zegoen ezarrita bota behar zuen prezipitazio handiagatik, eta Euskal Autonomia Erkidegoan, abisu horia.
Euriak ur-putzu handiak sortu ditu Gasteizko hainbat gunetan, estoldek gainezka egin dutelako. Gainera, urak Arabako hiriburuko hainbat tunel hartu ditu.
Dulantzin, haur-eskolako sabaia erori da. Zehazki, 16:00ak aldera ekaitzak gogor jo du, txingor eta guzti, eta barrualdean sabaiak ezin izan dio eutsi. Irakasleek eurek, familia batzuen laguntzarekin, 50 bat umetxo, 3-5 urte artekoak, bertatik atera eta beste eraikin batera eraman behar izan dituzte.
Tafallan hainbat errepide itxi behar izan dituzte ur pilaketagatik eta txingorragatik, baina dagoeneko zabalik dira. Horrela, Guardia Zibilak zirkulazioa N-121 errepidetik bideratu behar izan du, ibilgailuak NA-8607an sartzea eragozteko. Trafikoa AP-15era bideratu dute, errepidea Puiu parean itxita izan baita, txingorra dela eta. Era berean, NA-132A errepidea urak hartu du, Murietan.
Altsasu eta Iruñea arteko tren zerbitzua eten behar izan dute Etxarri Aranatzen. Zerbitzua berrezarri dute dagoeneko, Adifek X sare sozialean jakinarazi duenez.
Gainera, Arantzazuko Gesaltza auzoan (Gipuzkoa) ura sartu da hiru baserritan, eta Arantzazurako errepidea itxita dago.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.