Emakumezkoen Women Itzuliak trafikoan eragina izango du ostirala eta igandea bitartean
Ostiraletik igandera jokatuko da emakumeen Itzulia Women 2025 txirrindulari lasterketa, eta Zumarran hasi eta Donostian amaituko den hiru etapako probak eragina izango du euskal errepideetan.
Eusko Jaurlaritzak koordinatuko du txirrindularitza-probako segurtasun-dispositiboa eta laguntza. Bertan, Ertzaintzako 340 agente (Trafikoko lurralde-unitateak, Brigada Mugikorra, Zaintza eta Erreskateko lurralde-unitateak eta ertzain-etxeetako agenteak) eta Udaltzaingoko 64 agente arituko dira.
MAIATZAK 16, OSTIRALA: 1. ETAPA, ZUMARRAGA - AGURAIN
Ostiralean, Zumarragatik abiatuko da etapa, eta herri barruko trafikoan eragina izango du lasterketak 09:00etatik aurrera.
GI-2630 errepidean, GI-627raino, 09:30etik aurrera izango dira mozketak, eta 10:10etik aurrera, GI-627 eta A-627 bitarteko zatian.
AP-1ean ere eragina izango du lasterketak, N-636 errepidera doan 130 irteeran, 09:50etik aurrera, eta 131 irteeran, 10:00etatik aurrera.
Araban, A-1 errepideko 379 eta 380 irteeretan izango du eragina lasterketak, 11:00etatik aurrera, eta 375 irteeran, 12:40tik aurrera.
A-132 errepidean ere izango du eragina, Santikurutze Kanpezu eta Egileta artean, 11:40tik 13:10era.
MAIATZAK 17, LARUNBATA: 2. ETAPA, UGAO-MIRABALLES - IGORRE
Larunbatean, etenak izango dira AP-68ko 2 eta 3 irteeretan, 10:00etatik aurrera, eta AP-8ko 100 irteeran, 11:30etik aurrera.
Mozketak izango dira Ugao-Miraballes eta Areta arteko BI-625 errepidean, 10:00etatik aurrera, eta Laudio eta A-2522 artean, 10:10etik aurrera.
N-240 errepidean, 10:50etik aurrera, Areta eta Areatza artean; 11:00etatik aurrera, Igorre eta Lemoa artean, eta Lemoa eta Igorre artean, 12:40tik aurrera.
N-634 errepidean ere eragingo ditu arazoak, Zornotza eta Gernikarako irteeraren artean, 11:20tik aurrera, eta Erletxe eta Zornotza artean, 12:30etik aurrera.
BI-635 errepidean, N-634 errepidearen eta BI-2121eko Muxikako bidegurutzearen artean, mozketak egongo dira 11:35etik aurrera, eta N-637 errepideko 27 irteeran, 12:25etik aurrera.
Igorreko helmuga dela eta, gorabeherak izango dira herri barneko trafikoan 13:20tik aurrera.
MAIATZAK 18, IGANDEA: 3. ETAPA, DONOSTIA - DONOSTIA
Igandean, Donostiako etaparen irteeran, zirkulazioan gorabeherak izango dira 10:07tik aurrera.
AP-8ko 7 irteeran, mozketak izango dira 10:30etik aurrera; 11 irteeran, Errenterian, 11:30etik aurrera, eta 33 irteeran, 12:30etik aurrera.
GI-20 errepidean, mozketak egongo dira 10 irteeran 09:30etik aurrera, eta N-634 errepidean, Añorga eta Orio artean, 12:15etik aurrera.
Eusko Jaurlaritzak herritarrei dei egiten die garraio publikoa erabil dezaten, eta, gidatu behar izanez gero, ordezko ibilbideak erabil ditzaten, denboraz ibil daitezen eta agenteen jarraibideei jaramon egin diezaieten, bai eta trafikoaren egoera begiratzeko ere bidera atera aurretik.
Albiste gehiago gizartea
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.