"Ahots Batuak", kultura- eta hizkuntza-aniztasuna babesteko ekimena

"Ahots Batuak" kultura eta hizkuntza aniztasuna babesteko ekimena aurkeztu du astelehen honetan Eusko Jaurlaritzak. Jaurlaritzaren 2030 Agendak dakarren ekimenak hizkuntza eta kultura aniztasuna sustatu nahi ditu gizartea eraldatzeko eragile gisa, Exekutiboak ohar bidez aditzera eman duenez.

"Ahots Batuak" deituriko Garapen Jasangarrirako 18. Helburuaren aurkezpena astelehen goizean egin dute, Donostiako Tabakaleran. Ibone Bengoetxea Eusko Jaurlaritzako lehen lehendakariordea eta Kultura eta Hizkuntza Politika sailburua eta Asier Aranbarri Eusko Jaurlaritzako Gizarte Berrikuntzarako eta 2030 Agendarako zuzendaria izan dira bertan, zenbait arlo eta lurraldetako aditurekin batera (hala nola Hawaii eta Brasilgo Parana estatukoak).

Bengoetxearen hitzetan, "Euskadin argi daukagu: herritar guztiek dute eskubidea kultura euskaraz sortzeko eta jasotzeko". "Herri baten garapen pertsonala eta kolektiboa ez da osatua izango bere hizkuntza eta kultura kontuan hartu gabe", gaineratu du. Horren harira, "Ahots Batuak" proiektua "munduari egiten diogun ekarpena da". Ildo berean mintzatu da Aranbarri. "Kultura- eta hizkuntza-aniztasuna agenda globalaren erdigunean jartzeko apustu ausarta da", azpimarratu du.

Hizkuntzek eta kulturek gizarte-kohesio, ekitate, ongizate eta berrikuntzako elementu gisa betetzen duten funtsezko zeregina aitortzea du helburu Jaurlaritzaren ekimen horrek. Hori dela eta, kultura eta hizkuntzaren arloan lurraldeen arteko aliantzak eta itunak bilatuko dituzte, erronkak eta estrategiak partekatu ahal izateko, nazioarteko politika publikoetan eragiteko helburuz.

"Ahots Batuak" kultura eta hizkuntza aniztasuna babesteko ekimena aurkeztu du astelehen honetan Eusko Jaurlaritzak. Jaurlaritzaren 2030 Agendak dakarren ekimenak hizkuntza eta kultura aniztasuna sustatu nahi ditu gizartea eraldatzeko eragile gisa, Exekutiboak ohar bidez aditzera eman duenez.

"Ahots Batuak" deituriko Garapen Jasangarrirako 18. Helburuaren aurkezpena astelehen goizean egin dute, Donostiako Tabakaleran. Ibone Bengoetxea Eusko Jaurlaritzako lehen lehendakariordea eta Kultura eta Hizkuntza Politika sailburua eta Asier Aranbarri Eusko Jaurlaritzako Gizarte Berrikuntzarako eta 2030 Agendarako zuzendaria izan dira bertan, zenbait arlo eta lurraldetako aditurekin batera (hala nola Hawaii eta Brasilgo Parana estatukoak).

Bengoetxearen hitzetan, "Euskadin argi daukagu: herritar guztiek dute eskubidea kultura euskaraz sortzeko eta jasotzeko". "Herri baten garapen pertsonala eta kolektiboa ez da osatua izango bere hizkuntza eta kultura kontuan hartu gabe", gaineratu du. Horren harira, "Ahots Batuak" proiektua "munduari egiten diogun ekarpena da". Ildo berean mintzatu da Aranbarri. "Kultura- eta hizkuntza-aniztasuna agenda globalaren erdigunean jartzeko apustu ausarta da", azpimarratu du.

Hizkuntzek eta kulturek gizarte-kohesio, ekitate, ongizate eta berrikuntzako elementu gisa betetzen duten funtsezko zeregina aitortzea du helburu Jaurlaritzaren ekimen horrek. Hori dela eta, kultura eta hizkuntzaren arloan lurraldeen arteko aliantzak eta itunak bilatuko dituzte, erronkak eta estrategiak partekatu ahal izateko, nazioarteko politika publikoetan eragiteko helburuz.