Getxoko alkateak salatu du herriko jaietan Poliziaren lana oztopatu izana, eta errespetua eskatu du
EITBk jakin duenez, Udaltzaingoak dei bat jaso zuen, pertsona batek adingabe bati ukituak egin zizkiola salatzeko. Gazte talde batek ustezko erasotzailea identifikatzea eragotzi zuen.
Amaia Agirre Getxoko alkateak salatu du hainbat pertsonak galarazi egin diotela Getxoko Udaltzaingoari San Inazio jaietan behar bezala lan egitea. Agirrek nabarmendu du oraingoz ez dagoela sexu-erasoengatik salaketarik jarri izanaren berririk, baina azpimarratu du agenteek ezin izan dutela haien lana egin.
EITBk jakin ahal izan duenez, Udaltzaingoak dei bat jaso zuen joan den uztailaren 29an, pertsona batek adingabe bati ukituak egin berri zizkiola salatzeko. Gazte talde batek ustezko erasotzailea identifikatzea eragotzi zuen.
Ildo horretatik, herritarren segurtasuna zaintzen duten udaltzainen eginkizun horiek ez oztopatzeko eskatu dio Agirrek gizarteari, eta "getxotarrek gozatu ahal izango dituzten jai alai eta baketsuen aldeko aldarria" egin du.
Getxoko Udalak ohar bat argitaratu du gertakarion aurrean. Bertan, "erabateko babesa eta aintzatespena" adierazten dio Udaltzaingoaren eta Ertzaintzaren lanari, haien lanak "egunero bermatzen baitu gu guztion segurtasuna, askatasuna eta bizikidetza ".
"Ez dago indarkeriazko ekintzarik, ezta legea betetzea oztopatzeko ahaleginik ere, babesa aurkitu dezakeenik gurea bezalako gizarte demokratiko eta plural batean", azpimarratzen du Udalaren oharrak.
Halaber, Getxoko Udalak gogorarazten du beti gaitzetsi izan duela "irmotasun osoz" edozein eraso, eta bereziki pertsonen sexu-askatasunaren aurkako erasoak.
Ildo horretatik, herritarrei dei egin die "jaiak alaitasunez, errespetuz eta lasaitasunez gozatzeko. Jaiak elkartzeko, partekatzeko eta gozatzeko unea dira. Ez diezaiogun utzi gutxi batzuei guztiona dena lausotzen".
Gizarteari buruzko albiste gehiago
Trafiko handia EAEko errepideetan ostiral honetan, udako joan-etorriengatik
Goizean auto-ilara txikiak sortu dira AP-1ean, Gasteiz parean, Madrilerako noranzkoan. Gainera, bi ibilgailuk talka egin dute AP-8an, Orion, Zarautzerako eta Bilborako noranzkoan, eta errei bat itxi dute.
Zizurko Mugimendu Feministak indarkeria matxistaren aurkako egiturazko neurriak eskatu ditu
Talde feministak elkarretaratzea deitu du Zizur Nagusian udalerriko emakume baten hilketa gaitzesteko. Berdintasun Ministerioak gaur baieztatu du genero indarkeria kasu bat dela.
Zikloturista bat harrapatu eta ihes egin zuen gidari bat atxilotu dute Erandion
Istripua eragin ondoren, ihes egin zuen eta ibilgailuari su ematen saiatu zen, atxiloketa oztopatzeko.
Williams anaiek ukatu egin dute "inolako deliturik egin izana" luxuzko auto bat erostean
Erosketarekin lotutako ustezko iruzur bati buruz Agoitzeko epaitegi batean jarritako salaketa asteazkenean zabaldu zuten hedabide batzuek, Iñaki Williams Athleticeko kapitainak ultraeskuinari buruz egindako adierazpenen biharamunean.
Tigre-eltxoek kutsatzen duten chikungunya gaitzaren kasu bat agertu da Lapurdin
Hendaian bizi den gizon bat da gaixoa. Azken 15 egunetan ez du bidaiatu eta, beraz, bertan kutsatu dela susmatzen dute. Ez dago larri. Hendaiako Udalak iragarri du desinfekzio lanak egingo dituela larunbat gauean. Eusko Jaurlaritzako Osasun Sailak kontrol neurriak areagotzeko eskatu die Bidasoaldeko udalei.
Zaramagak horma-irudi berri batekin gogoratuko du 1976ko martxoaren 3a
30 pertsonako artista taldea ari da Gasteizko auzo horretan zegoen aurreko murala ordezkatuko duen irudi berria prestatzen.
42 urteko gizon bat atxilotu dute Gasteizen, bikotekide ohiari botilaz mehatxu egiteagatik
Biktimaren arabera, biek eztabaida izan zuten, haren etxebizitzan, eta elkarrekin borrokatu ziren. Gizonak mehatxu egin zuen eta liskarrak kalean jarraitu zuen, oinezko batzuek gizonari alde eginarazi zioten arte.
Berdintasun Ministerioak baieztatu du Zizur Nagusiko hilketa genero indarkeria kasu bat dela
Aldez aurretik ez zegoen indarkeriagatiko salaketarik ustezko erasotzailearen aurka. Espainiako Estatuan indarkeria matxistak aurten hildako emakumeak 23 dira dagoeneko, eta, guztira, 1.317 dira biktimak zenbatzen hasi zirenetik, 2003tik.
Sei haur gazatar artatuko dituzte Euskal Herriko ospitaleetan
Horietatik hiru Gurutzetako Ospitalera eramango dituzte, bi, Donostiako Ospitalera, eta seigarren bat Nafarroako Ospitalean artatuko dute. Zaragozako aireportu militarrera iritsiko dira arratsaldeko 18:00ak inguru, gaur goizean Jordaniako hiriburutik, Amanetik atera den hegaldi batean.
Amaitu egin da EuskarAbentura, Getxon, Euskal Herrian zehar hilabete eman ondoren
15 eta 17 urte bitarteko ehun gaztek baino gehiagok Euskal Herria oinez zeharkatu dute, euskararen erabilera sustatu, kultura ezagutu eta hizkuntzaren etorkizunarekin konprometitutako hiztun sarea eraikitzeko.