Bilboko Errekalde auzoko igerilekuetan bero-kolpe batengatik ospitaleratutako mutikoa hil egin da
11 urteko haurrak konortea galdu zuen igandean, eta larrialdi-zerbitzuek suspertu behar izan zuten. Hainbat ume eta gazte artatu zituzten igerilekuetan bertan, bero-kolpeak, zorabioak eta antsietate-atakeak zirela eta.
Bilboko Errekalde auzoko kiroldegiko igerilekuak. Irudia: EITB
Iragan igandean, Bilboko Errekalde auzoko Fango kiroldegiko igerilekuetan, bero-kolpeak jo ondoren ospitalera eraman behar izan zuten 11 urteko mutikoa hil egin da gaur, EITBk jakin ahal izan duenez. Hiru egun eman ditu Gurutzetako Ospitalean.
Haurrak konortea galdu zuen, eta larrialdi-zerbitzuek suspertu behar izan zuten. Bustita, baina uretatik kanpo, artatu zuten.
Era berean, hainbat adingabe artatu zituzten, bero-kolpeek, zorabioek eta antsietate-atakeek jota.
Gertakaria 16:00ak aldera jazo zen, eta igerilekuak 19:30ean zabaldu zituzten berriro.
Juan Mari Aburto Bilboko alkateak sare sozialetan deitoratu du haurraren heriotza, Valentziako parrokia bateko begiraleekin batera oporretan Bizkaiko hiriburura etorritako adingabe talde bateko kidea baitzen.
"Berri tristea. Valentziatik etorri eta Errekalden ondoezik sentitu zen haurra hil egin da. Asko sentitzen dugu beragatik, bere familiagatik eta kolektibitateagatik. Batzuetan, bizitza oso bidegabea da. Eta are gehiago hain gaztetan errotik mozten bada. Tragedia bat", idatzi du Aburtok.
Zure interesekoa izan daiteke
Errenteriako Udalak "auzibidea agortuko" du, lan-eskaintzak "aurreikusitako baldintzekin aurrera egin dezan"
Aizpea Otaegi Errenteriako alkateak iragarri du "bitarteko guztiak" jarriko dituztela eta "auzibidea agortuko" dutela, 25 administrari lanpostu hautatzeko deialdiaren aurkako helegiteak "aurkako ebazpena" izan dezan. Salatu du “bizikidetzan eta adostasunean oinarritutako orain arteko bidea zapuzteko nahi antolatua” dagoela C1 euskara mailagatik jarritako helegitearen atzean.
Etxebizitza babestua eskuratzeko premia duten 100.000 eskatzaile daude izena emanda Etxebiden; gehienak, alokairu bila
Etxebizitza eskuragarria lortzeko premia hiriburuetan eta herri handietan da bereziki nabarmena. Gainera, Etxebiden izena ematen duten hamar pertsonatik ia zortzi alokairu bila daude.
Urtaranek susmoa du Espainiako Gobernuak Gasteizko maliarrak erabiltzen dituela Arana zentroa justifikatzeko
Euskadi Irratian egindako elkarrizketa batean, Arabako Gizarte Politiketako diputatuak asilo eskatzaileentzako neurriak aztertu eta pertsona errefuxiatuentzat eraiki nahi duten azpiegitura justifikatzeko ez ote diren galdetu du.
Basurde batek 16 urteko mutil bati eraso dio Zumarragan
Egunsentian jaso zuen erasoa Mikelek, bere baserriaren inguruetan, abereei jaten ematera joan zenean. Basurdeak hozka egin zion eta kolpeak eman zizkion. Ez zion zauri larririk egin, baina susto itzela hartu zuen. Gero eta ohikoagoa da basurdeak baserri inguruetan ikustea, eta konponbide zaila du horrek.
Joxe Azurmendi zenbait autore feministarekin elkarrizketan, Sormen Bekaren komiki irabazlean
“Gizaberetxoak. Joxe Azurmendiren joanak eta etorriak” Ainhoa Olasoren, Usue Egiaren eta Mikel Urdangarinen lanak irabazi du Durangoko Azokaren Sormen Beka. 15.000 euroko saria jasoko du, eta emaitza 2026ko Azokan aurkeztuko dute.
Manuel Torres enpresaria zenari eman diote 2025eko Nafarroako Urrezko Domina
Hil ondoren eman diote aitortza, eta haren alargun Amparo Lusarretak jaso du saria, Maria Chivite Nafarroako presidentearen eskutik. Manuel Torresen semeak, Eduardo Torres Lusarretak, bere aldetik, familiaren izenean eskerrak eman dizkie Nafarroako Gobernuari eta hautagaitza proposatu zuen Nafarroako Aspace elkarteari.
Kermanen familiak samina eta haserrea agertu du Mitika diskotekako atezaina fidantzapean aske utzi ostean
Arantza Beitia Kermanen amak Radio Vitorian egindako adierazpenetan, erabakia deitoratu du, "zigorgabetasun mezua" bidaltzen ari direla uste duelako.
EAEko Auzitegi Nagusiak baliogabetu egin du Bizkaiko Foru Aldundiko herri-lanetako zeladoreen plazetan C1 hizkuntza-eskakizuna eskatzea
CC. OO. sindikatuak azpimarratu duenez, "hizkuntza- eta lan-eskubideak bateragarriak dira proportzionaltasun soziolinguistikoak errespetatuz".
Epaileak ahozko epaiketa ireki du Diaz Ayusoren bikotekidearen aurka, Ogasunari iruzur egiteagatik
Epaitegiak enpresaburuaren aurkako akusazioa egin du, Ogasun Publikoaren aurkako delitu batengatik, merkataritza-dokumentuak faltsutzeagatik, kontabilitate-delitu jarraituagatik eta talde kriminaleko kide izateagatik.
Ikusi, zuzenean, ikus-entzunezko show handia, Radio Vitoriaren 90. urteurrena ospatzeko
'Batzen gaituen ahotsa' izeneko ikuskizunak azken 90 urteetako gertaera garrantzitsuenen errepaso bisual eta erakargarria egingo du, 21:30etik aurrera, irratiaren soinuaren bidez, dantza eta musika emanaldiak biltzen dituen eszenaratzea eginda.