'Aita Mari' ontziak migratzaileak zeramatzaten bi ontziri lagundu die, Mediterraneo erdialdera abiatu eta ordu gutxira
Horietako batek 15 migratzaile zeramatzan, 5 haur eta 3 emakume tartean; besteak, berriz, 30 zeramatzan, 7 adingabe tartean. Aljeriatik abiatu arren, bidaiari gehienak Saharaz hegoaldekoak dira.
Aita Mari erreskate ontzi humanitarioak lau ontzi topatu ditu ostiral honetan Mallorcatik gertu, horietako bi abandonatuta, 16. misioari ekin eta ordu gutxira.
Beste bi ontzietan migratzaileak zihoazen: batean 15 pertsona zihoazen, 5 haur eta 3 emakume tartean, eta bestean 30 zihoazen, 7 adingabe tartean. Aljeriatik abiatu arren, bidaiari gehienak Saharaz hegoaldeko Afrikakoak dira.
Aita Marik oinarrizko laguntza humanitarioa eman die (ura, barra energetikoak eta salbamendu-txalekoak), eta horien ondoan geratu da, agintariek migratzaile guztiak erreskatatu arte.
Itsas Salbamendu Humanitarioa gobernuz kanpoko erakundeak kudeatzen duen ontzia ostegun gauean abiatu zen Castelloko portutik Sirakusara, Mediterraneo erdialdera.
Erakundeak salatu duenez, Migrazioari eta Asiloari buruzko Europako Itun Berria indarrean sartu denean abiatu dute misio berria. Lege horrek, "irtenbide duinak eskaini beharrean, espres itzulketak, atxiloketa sistematikoak eta migrazio-kontrolaren kanporatzea instituzionalizatzen ditu giza eskubideak sistematikoki urratzen dituzten herrialdeetara", horren salaketaren arabera.
Aita Mari ontziko kapitainak azpimarratu du premiazkoa dela Mediterraneo erdialdean egotea, batez ere Lampedusako kostaldean dozenaka pertsona hil baitira berriki. Gainera, salatu du Libiako kostazainek ontziak atzematen jarraitzen dutela migratzaileak Libiara itzultzeko, eta han torturak eta estortsioak jasaten dituztela.
'Aita Mari' ontziko kapitaina
Mediterraneoak ibilbide hilgarria izaten jarraitzen du, eta, laguntza emateaz gain, funtsezkoa da itsasoan gertatzen dena zabaltzea
Gizarteari buruzko albiste gehiago
Eusko Jaurlaritzak 38 kutxazain automatiko berri jarriko ditu landa eremuko herrietan
Udalerri horiek bete beharko dituzten baldintzak honakoak dira: 300 biztanle baino gehiago izatea, egun hurbilen duten kutxazaina 8 kilometrora edo gehiagora egotea edota urtean 100.000 turista baino gehiago jasotzea.
Pasaiako 'Beti Aingeru' ontziko tripulazioko kideek ukatu egin dute matxinatu zirela eta patroiari eraso ziotela
Armadoreak atzo emandako bertsioa ukatu bakarrik ez, harengandik jasotako tratua salatu dute. "Zaborra gainera bota zigunean esan genuen ezin genuela gehiago", azaldu dute.
Bernedoko udalekuan egondako hiru adingabe deklaratzera deitu dituzte
Ertzaintzaren atestatuan identifikatuta agertzen diren hiru adingabe deitzea erabaki du auziaren ardura duen Gasteizko Instrukzioko 3. epaitegiak, "biktima-lekuko" gisa deklara ditzaten.
Denboralea gogor astintzen ari da Balear Uharteak
Eivissa eta Formentera uharteetan alerta gorria ezarri dute hamabi orduan metro koadroko 180 litro pilatuko direlako. Estatuko Meteorologia Agentziak (Aemet) "kontuz ibiltzeko" eskatu du, "uholdeak eta bat-bateko ur-goraldiak izan daitezkeelako".
Eider Mendoza: "Bernedoko udalekuen kasuan gertatutakoa argitu behar da, inor jomugan jarri gabe, baina arduraz"
Eider Mendoza Gipuzkoako ahaldun nagusiak Bernedoko udalekuen inguruan sortutako "kezka" izan du hizpide, eta nabarmendu du beharrezkoa dela "lehenbailehen argitzea bai udalekuetan gertatutakoa, bai auzitegietan gertatutakoa". Horrez gain, adingabeen familiei babes osoa eman die.
Walk On Project Fundazioak WOP Challenge eta XIII Estropatada egingo ditu asteburuan Bilbon
Zientziaren eta gaixotasun neurodegeneratiboen ikerketaren aldeko sentsibilizazioa lortu nahi dute, ekitaldi berezien bitartez.
'Johan de Witt' NATOren ontzi ezagunak geldialdia egin du Bilbon
Herbehereetako Errege Armadako 'HNLMS Johan de Witt' ontzi anfibioa Bilboko portuan egongo da urriaren 2ra arte, NATOk Portugalen egindako maniobra batzuetan parte hartu ondoren.
772 kokaina kilo atzeman dituzte Hendaian
Kargamentuak 31 milioi euroko balioa du. Iraileko hirugarren esku-hartzea izan da.
Mendozak Bernedon gertatutakoa "lehenbailehen" argitzeko eskatu du, "inor jomugan jarri gabe, baina erantzukizunez"
"Adingabeez ari gara, eta, horiek babesteko, Gipuzkoako Foru Aldundiak ezin du xehetasunik eman", adierazi du ahaldun nagusiak.
"Bazkari solidario hauekin, gorputza eta arima elikatu nahi ditugu"
Bizkaiko 250 sukaldarik osatutako Bisubi Fundazioak 'Utopia Isila' ekimena jarri du abian. Hilean behin, egoera zaurgarrian dauden pertsonaz osatutako talde bat gonbidatuko dute esperientzia gastronomiko batera, jankide horien “gorputza eta arima” elikatzeko helburuarekin. Lagun Artean elkartea gonbidatu dute iraileko otordura.