Gasteiztar baten hilketa ikertzen ari dira, Kolonbian
Iturri batzuen arabera, lapurreta egiteko hil zuten gizona, baina tokiko agintariek ez dute baztertzen gertakariek estupefazienteen kontsumoarekin zerikusia izatea.
Kolonbiako agintariak euskal herritar baten hilketa ikertzen ari dira. El Correo agerkariak zabaldu duenez, Cali hirian bizi zen gasteiztar bat da hildakoa. Eusko Jaurlaritza Kolonbiako Enbaxadarekin eta Kontsulatuarekin jarri da harremanetan, informazio zehatzagoa eskuratu nahian.
Kolonbiako Poliziak baieztatu du, oraindik ikertzen ari diren arrazoiengatik, hainbat lagunek eraso egin ziotela gizonari Cali hiriko Valle Grande auzoan, eta hil egin zutela, labankadaz.
Momentuz, gertatutakoari buruzko bertsioak ez datoz bat. Iturri batzuen arabera, lapurreta izan liteke hilketaren eragilea, baina tokiko agintariek ez dute baztertzen gertakariek estupefazienteen kontsumoarekin zerikusia izatea.
Poliziak ez du atxiloketarik egin, eta kasua polizia-ikerketapean dago uneotan.
Gizarteari buruzko albiste gehiago
Metro Bilbaok zerbitzua eten du berriro hainbat lineatan
Gaur goizeko matxuren ostean, Metro Bilbaok gorabeherak izan ditu berriro ere arratsaldean. Izan ere, zerbitzua eten behar izan dute hainbat geltokietako lineatan: Lutxana eta Abando artean; eta Gurutzeta eta San Inazio artean.
Bypass bat ezarri dute AP-8 autobidean, Deban, eta Irunerako noranzkoa zabaldu dute, baina auto-ilarak daude oraindik
Kamioi baten atoiak su hartu du, 14:00ak aldera. Autobidea itxi egin dute eta zirkulazioa N-634 errepidetik bideratu dute, suhiltzaileak lanean ari ziren bitartean. Auto-ilara luzeak sortu dira inguruko errepideetan.
Koordinazio mahai batek "udalekuen sisteman izandako akatsak" aztertuko ditu, Bernedoko salaketen ondoren
Nerea Melgosa sailburuak berretsi du Eusko Jaurlaritzak ez zuela Bizkaiko Foru Aldundiak Bernedoko udalekuari buruz 2019an egindako kexaren berririk.
Guztira, 14.330 pertsonak parte hartu dute EHUren Udako Ikastaroen 44. ekitaldiko 170 jardueretan
Juana Goizueta Gipuzkoako campuseko errektoreordearen ustez, aurtengo ekitaldiak "balantze oso positiboa" utzi du, unibertsitate publikoaren udako ikastaroak "ezagutzaren trukerako eta gizartearen erronka nagusiei buruzko hausnarketa kritikorako topagune" gisa sendotuz. 2026ko ediziorako proposamenak aurkezteko epea azaroaren 1etik 30era egongo da zabalik.
EAEn, 43.000 pertsonak baino gehiagok hitzordua hartu dute gripearen aurkako txertoa jartzeko
EAEn, gaur hasi da arrisku-taldeek eta pertsona zaurgarriek txertoa jartzeko kanpaina. 43.000 pertsonak baino gehiagok eskatu dute txertoa jartzeko hitzordua, horietatik 20.381 80 urtetik gorakoak dira, eta 2.353, haurrak. Gripearen txertoarekin batera, arrisku-taldeei covidaren aurkako txertoa jasotzeko aukera ere ematen zaie.
Arte Ederren Bilboko Museoaren 1970eko eraikina ireki dute, birgaiturik
Arte Ederren Bilboko Museoak berriro ireki ditu 1970eko eraikinaren ateak, birgaiturik dagoela, oraingoan. Irekiera ekitaldia Baselitzen 50 margolanen eta beste lan enblematiko batzuen erakusketa batekin ospatu da.
PPk Bernedoko udalekuak ikertzeko batzordea egitea eskatu dio Legebiltzarrari
Erakundeek eta alderdi politikoek salaketen aurrean izandako jokabidea kritikatu du De Andresek.
Israelek atxilotutako Global Sumud Flotillako lau ekintzaile euskal herritarrak gaur itzuliko dira
Jose Manuel Albares Espainiako Atzerri ministroak jakinarazi du astelehenean aterako direla Israeldik etxera bidean, nazionalitate espainiarra duten beste 24 ekintzailerekin batera. Igandean 21 ekintzaile Madrilera iritsi ziren.
Bilboko metro zerbitzua berrezarri dute Indautxu eta San Ignazio artean, matxura batengatik bi orduz etenda egon ostean
San Ignazio eta Sarriko artean zihoan unitate bat matxuratu egin da eta, horren ondorioz, Indautxu eta San Inazio geltokien arteko trenen zirkulazioa ia bi orduz eten egin dute. Gainera, atzerapenak izan dira gainerako trenetan. Metro Bilbaok jakinarazi duenez, pixkanaka ohiko maiztasunak berreskuratzen joango direla.
Auto-istripua izan da Tafallan, eta 17 urteko mutil bat larri zauritu da
Kopilotua Nafarroako Unibertsitate Ospitalera eraman dute, larri, eta 29 urteko gidaria, berriz, Azkoiengo osasun zentroan artatu dute.