A2 mailaraino zabalduko dute euskara ikasteko doakotasuna datorren ikasturtean
Hala, 2025-2026 ikasturtean, oinarrizko A1-A2 mailetako ikasleek nahiz C1 mailan komunikazio-gaitasuna hobetu nahi duten 16-18 urte bitarteko gazteek doan izango dute ikasturteko matrikula.
Artxiboko irudia
A2 mailaraino zabalduko du Eusko Jaurlaritzak euskara ikasteko doakotasuna datorren ikasturtean. Modu horretan, aurreko ikasturteetan martxan jarritako doakotasun politikei jarraipena eman nahi dio Gasteizko Gobernuak, eta, horretarako, 4,86 milioi euro bideratuko ditu, iaz baino % 52,9 euro gehiago.
Gaurko saioan onartu du Gobernu Kontseiluak A1-A2 oinarrizko mailetan euskara ikasten duten ikasleei eta C1 mailan komunikazio-gaitasuna hobetu nahi duten 16-18 urte bitarteko gazteei dirulaguntza emateko deialdia, eta batzarraren ondoren egin duen agerraldian eman ditu gaiari buruzko xehetasunak Ibone Bengoetxea Lehendakariorde eta Kultura eta Hizkuntza Politikako sailburuak.
Esan duenez, doakotasun-programaren helburu nagusia euskara ikastea "errazagoa eta guztientzat eskuragarria" izatea da. “Gobernuarentzat euskara ikastea estrategikoa da, euskararen erabileran jauzia eman ahal izateko. Horregatik, euskara ikasteko bideak bermatzen, zabaltzen eta laguntzen jarraituko dugu”, erantsi du.
Lehendakariordearen arabera, "iazko ikasturtearekin alderatuta, aurtengo ikasturtean A1 mailako ikasle-kopurua % 30 igo da.
Doakotasun-programa maila hauetan eskainiko da:
- A1 eta A2 mailak: ikastaroa doakoa izango da, eta ikasleek ikasturte hasieran matrikularen zati txiki bat soilik ordainduko dute. Aukera izango dute maila egiaztatutakoan ordaindutakoa berreskuratzeko.
- C1 maila: 16-18 urte bitarteko gazteek euskarazko komunikazio-gaitasuna hobetzeko ikastaroa doan izango dute. Ikasleek ikasturte hasieran matrikularen zati txiki bat soilik ordainduko dute, eta maila egiaztatutakoan berreskuratzeko aukera izango dute.
Bestalde, gaurko agerraldian Bengoetxeak iragarri du hemendik aurrera Helduen Alfabetatze eta Berreuskalduntzerako Erakundeak (HABE) eskumena izango duela eskakizun asimetrikoak eta partzialak egiaztatzeko. Orain arte, simetrikoak egiaztatzen zituen soilik.
Haren hitzetan, "sektore publikoan sortzen ari diren eta sortuko diren hizkuntza-eskakizun berrien beharretara egokituko dira HABEren egiaztatze-prozesuak".
Horretarako, Euskal Sektore Publikoan Euskararen Erabilera Normalizatzeko Dekretua (19/2024 Dekretua) aldatzeko prozedura abian jarri du Jaurlaritzak, agindu bidez. "Aginduan aldaketak egin ditugu, hizkuntza-eskakizun horiek edozein herritarrek egiaztatu ahal ziateko, HABEren azterketa deialdietan".
Zure interesekoa izan daiteke
Zortzi arrantzale eta saregile bat omendu dituzte, bizi osoa itsasoari eskaintzeagatik
Gaztetatik sakrifizio handiko lana egin duten zortzi arrantzale eta saregile baten aldeko omenaldia egin dute gaur Donostian. Gipuzkoan itsasoan lan egin duten 310 lagunek erretiroa hartu dute, eta guztien omenez eman dituzte sariak.
Donostiako Udala akusazio partikular izango da hirian delituak behin eta berriz egiten dituztenen aurkako auzietan
Jon Insasuti Donostiako alkateak esan du delinkuentziaren aurkako borroka lehentasunetako bat dutela, eta akusazio partikular izateko asmoa beste urrats bat dela. Hori bai, zehazteko dago zein kasutan emango lukeen Donostiako Udalak pausu hori.
Bost lagun atxilotu dituzte Nafarroan, bizileku-baimenak manipulatzeko sare bateko kide direlakoan
Guardia Zibilak desegindako ustezko erakunde kriminalak bizileku- eta lan-baimenak lortzeko prozesua manipulatzen zuen, diru-truk. Talde kriminaleko kide izatea, Administrazio Publikoaren aurka egitea eta immigrazio irregularra bultzatzea leporatzen zaie.
Perez Iglesias: “Milioi bat pertsona baino gehiago mugituko dira eklipsea ikusiko den inguruetara, eta hori aurreikusi egin behar da”
Juan Ignacio Perez Iglesias Zientzia, Unibertsitate eta Berrikuntzako sailburua Radio Euskadiko Boulevard saioan izan da eta, besteak beste, abuztuaren 12an Euskal Herrian ikusi ahal izango den eguzki-eklipseaz mintzatu da. Sailburuak gomendatu du jendea “oinez edo garraio publikoan joatea eklipsea ikustera”, joan-etorriek trafikoan eragin oso handia izango dutelako. Halaber, eklipsea segurtasunez ikusteko aholku zientifikoei jarraitzeko beharra azpimarratu du, eta lehen neurri gisa homologatutako eklipse-betaurrekoak erabiltzea gomendatu du.
Samina nagusi da Erronkarin, herriko hiru bizilagun Ezka ibaian itota hil ostean
Asteazken arratsaldean emakume bat eta horren bi seme adingabe hil ziren Ezka ibaian itota, eta hiru dolu-egun ezarri dituzte herrian.
Eutanasia legezko izango da Ipar Euskal Herrian ere, Frantziako Parlamentuak heriotza lagundua izateko eskubidea onartu du eta
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.
Sutea izan da Monteagudon, ardo-upelak egiten dituen enpresa batean
Asteazken arratsaldean piztutako suteak ez du zauriturik eragin; bai, ordea, kalte handiak, garrek nabe bat suntsitu baitute. Suhiltzaileek lanean jarraitzen dute sutea inguruko larreetara ez hedatzeko; bitartean, sutea zerk eragin duen argitzeko ikerketa abiatu du Foruzaingoak.
Emakume bat eta haren bi seme adingabe itota hil dira Ezka ibaian, Erronkarin
Gaur arratsaldean izan da ezbeharra, presa baten alboan bainurako egokituta dagoen leku batean. Guardia Zibilak ikerketa zabaldu du, gertatutakoa argitzeko.
Lehertu da festa Baionan: Leon Erregeak bost eguneko jaia piztu du!
Jaia ofizialki lehertu da Baionan, gaur arratsaldeko 17:00etan, herriko etxeko plazan bildutako milaka pertsonaen oihuekin batera. Gakoak Marie Darrieussecq idazleak, Maya Lauqué telebista-aurkezleak eta Jean-Claude Tellechea sukaldariak jaurti dituzte, Pantxoa eta Peio abeslarien musika lagun dutela.
Bilboko Udalak metro karratuko 10 euroko zerga ezarriko du hutsik dauden etxebizitzen gainean
Udalak 2027tik aurrera ezarriko du neurria, eta ordenantza bat izapidetuko du erabili gabe dauden 1.565 etxebizitza alokairu-merkatura bideratzeko.