Pedrosa: "Segregazioaren aurkako lantaldea datorren astean bilduko da, Hezkuntzaren etorkizunari buruz hausnartzeko"
"Maiatzerako prozesua amaitu eta oinarriak ezarri nahi ditugu. Hezkuntzan etorkizunari begiratu behar zaio beti, eta adostutako erabakiak hartu egin behar dira, erronka demografiko eta aldaketa sozial oso handiak baititugu Euskadin", esan du Hezkuntza sailburuak.
Begoña Pedrosa, Hezkuntza kontseilaria
Eusko Jaurlaritzako Hezkuntza sailburu Begoña Pedrosak Radio Euskadiko "Boulevard"saioan adierazi duenez, Euskadin segregazioaren aurkako ituna landuko duen lantaldea datorren astean bilduko da lehen aldiz, hezkuntzaren etorkizunari buruz hausnartzeko.
"Maiatzerako prozesua amaitu eta oinarriak ezarri nahi ditugu. Hezkuntzan etorkizunari begiratu behar zaio beti, eta adostutako erabakiak hartu behar dira, erronka demografiko eta aldaketa sozial oso handiak baititugu Euskadin", esan du.
Iaz hitzartutako bide-orriak jasotzen duen bezala, itun horrek ikasleen ongizatea eta emaitza akademikoen hobekuntza bilatuko ditu. Zentzu horretan, sailburuak aurreratu du udazkenean argitaratuko dituzten emaitzak "iazkoak baino hobeak" izango direla.
Ikasturte hasiberriak ekarriko dituen berrikuntzei dagokienez, Pedrosak adierazi du neurri berriak hartuko dituztela, ikastetxeetan desburokratizazioa bultzatzeko urratsak emango direla eta baliabide gehiago jarriko dituztela hizkuntza indartzeko bidean.
"Hezkuntza Berezian gero eta premia gehiago hautematen dira, eta, horrenbestez, baliabide gehiago behar ditu sistemak, aniztasun horri erantzuteko eta kasuan-kasuan jardunbidea egokia izan dadin", gaineratu du.
Azpimarratu duenez, ikasgeletan geroz eta ikasle gutxiago dauden arren, haur asko ari dira heltzen beste herrialde batzuetatik. "2020-2021eko ikasturtean zehar 2.500 ikasle iritsi ziren; eta 2024-2025ekoan, berriz, ia 8.000".
Gizarteari buruzko albiste gehiago
Sanchezek ordutegi aldaketarekin behin betiko amaitzea proposatu dio EBri: "Jada ez du zentzurik"
X sare sozialean zabaldutako bideo batean, Espainiako Gobernuko presidenteak azpimarratu du ordutegi aldaketak ez duela ia laguntzen energia aurrezten, eta "eragin negatiboa" duela jendearen osasunean eta bizitzan.
Nafarroako mendizale bat hil da Panticosan, Neveras mendian
Larunbatean mendira joan eta itzuli ez zenean, abisua jarri zuen familiak eta igande arratsaldean aurkitu dute gorpua, iristeko zaila den toki batean. Tuterako 27 urteko neska da hildakoa, irakasle zebilena Elizondon.
Oroimenean gordeko dute antolatzaileek aurtengo Nafarroako ikastolen aldeko festa
Aurtengo edizioa antolatu duen Paz de Ziganda ikastolako ordezkariak oso pozik agertu dira. "Jendetsua" eta "gorabeherarik gabekoa" izan da aurten Nafarroa Oinez, eta hasiera batean ezarritako helburuak bete ditu.
Kontrolatu dute Elgeako mendilerroan piztutako sutea
Haizeak Arriola eta Narbaxa artean zabaldu ditu sugarrak. Arabako, Bizkaiko eta Gipuzkoako suhiltzaileak ari dira bertan lanean. Sutea datozen orduetan itzaltzea espero du Arabako Aldundiak. Une honetan, 25 suhiltzaile inguru omen dira kaltetutako eremua hozten, balizko txingarrek sua berpiztu ez dezaten.
Mendizale bat erreskatatu dute Atxuriko pasabidean
60 urteko pertsona bat erreskatatu dute Gorbeiako Parke Naturaleko Atxuriko pasabidean ondoezik sentitu ostean. Inguruan ziren mendizaleek gizonari laguntzea lortu dute, baina kaltetuak berak eman behar iza du abisua 112 telefonoan.
Gorrotxategin turroiak egiten hasi dira jada
Aurten 100 urte bete dituzte, eta oso produktu berezia egin dute urteurrena ospatzeko: lima, limoi eta txokolate zurizko turroi freskoa. Gabonetan gehien erosten den produktuetako bat da turroia, eta lau hilabete lehenago hasten dira prestatzen.
Ikerketa sakonagoa eta diagnostiko goiztiarragoa eskatu dituzte Bularreko Minbiziaren aurkako Munduko Egunean egindako bilkuretan
Aurreko urteetan bezala, Gasteizen lasterketa solidarioa egin dute. Donostian, berriz, gaixotasuna ikertzeko "finantzaketa handiagoa" eskatu du Iñurri elkarteak.
Bularreko minbizia dutela jakin zuteneko bizipena partekatu dute lau emakumek
Bularreko Minbiziaren aurkako Munduko Eguna da gaur. Automiaketak funtsezkoa izaten jarraitzen du, alerta-seinaleak garaiz identifikatzeko eta tratamendu arrakastatsuak areagotzeko. Erreportaje honetan, lau testigantza bildu ditu EITBk.
Epaileak espetxera bidali du Zarauzko hilketa matxistaren ustezko egilea
Eusko Jaurlaritzako Segurtasun Sailak atzo adierazi zuenez, ustezko hiltzaileak "polizia-aurrekariak ditu genero-indarkeriarekin lotuta".
Karguekin aske geratu da Bilbon gaixorik zegoen ama zabor artean giltzapetu zuen gizona
Emakumea "higiene baldintza negargarriak" zituen etxebizitza batean zegoen giltzapetuta.