11 hildako izan dira EAEko errepideetan uda honetan, 2024an baino hiru gehiago
Trafikoko udako operazioetan, hamaika pertsona hil dira Euskadin ekaina eta abuztua bitartean, iazko udan baino hiru gehiago. Halere, istripu eta zauritu larri eta arinen kopuruak behera egin du.
Istripua, Muxikan. Argazkia: Bizkaiko Suhiltzaileak
Udako trafikoko operazio bereziaren ondorioz, Euskadin hamaika pertsona hil dira ekain eta abuztu bitartean, iazko udan baino hiru gehiago; istripu eta zauritu larri eta arinen kopuruak, ordea, behera egin du.
Eusko Jaurlaritzako Trafikoko zuzendariak, Estibaliz Olabarrik, udako ezbeharren balantzea aurkeztu du. Balantze horretan 1.154 istripuren berri eman da (ekainaren 26tik abuztuaren 31ra bitartekoak), 2024an baino % 6,7 gutxiago. Jaitsiera hori gorabehera, hildakoen kopuruak gora egin du, zortzi izatetik hamaika izatera.
Istripu hilgarrien kausa ohikoenak distrakzioak, alkoholaren kontsumoa eta gehiegizko abiadura dira. Faktore horiek gutxienez kasuen % 60an agertzen dira, Olabarriren arabera.
Heriotzen kopuruak gora egin badu ere, zauritu larrien kopuruak % 17,5 egin du behera, aurreko udan baino 66 pertsona gutxiago zauritu dira eta; zauritu arinen kopuruak, berriz, % 8,6 egin du behera, 572tik 523ra. 2025ean 30 pertsona hil dira EAEko errepideetan.
Trafikoko zuzendaria "oso kezkatuta" agertu da ezbehar-tasaren bilakaerarekin, eta erakundeen eta herritarrek erantzukizuna izan dezatela eskatu du. "Denok egin behar dugu lan", adierazi du, eta gogorarazi du kontrol- eta sentsibilizazio-kanpainek istripuak murrizteko funtsezko tresna izaten jarraituko dutela.
Udan, gainera, nazioarteko trafikoaren tasak gora egin du, 2,1 milioi ibilgailu baino gehiago ibili baitira Euskadin, Portugalera eta Afrika iparraldera joateko, 2024an baino % 5,5 gehiago. Hazkunde hori Biriatuko ordainlekuan eta A-8 autobidean nabaritu da batez ere, bertan izan baitira udako auto-ilara handienak.
Zure interesekoa izan daiteke
Sevilla abordatu eta gainezka egin du Realaren fan zoneak
Realak Errege Kopako finala jokatu du gaur gauean Atletico Madrilen aurka. Realzaleek pasioz bizi izan dute jardunaldia, Sevillan zein Gipuzkoan eta horren adierazle da han eta hemen altxatu den olatu txuriurdina.
Dozenaka pertsona elkartu dira Zizur Nagusian, irakasle batek emakumeei egindako grabazioen aurka
'Elkarrekin. Beldurrik ez' lelopean, manifestazioan zehar "Erasorik ez, erantzunik gabe" oihukatu dute. 180 urteko kartzela-zigorra ezarri diote irakasleari, eta gehienez 15 urte beteko ditu.
"Gernikako Arbola" abestu dute Urkiolan, kantu hori Euskal Herriko ereserki gisa proposatzeko
Besteak beste, Gontzal Mendibilek eta Jose Maria Esparza editoreak abestu dute, eta partaideak kezkatuta agertu dira Euskal Herriaren kohesio faltagatik. Ildo horretan, "Gernikako Arbola" euskal herritar guztien ereserkia izatea proposatu dute.
Euskal agintariak ere Sevillan dira, eta Pradales pronostikoa egitera ausartu da: "Realak 1-2 irabaz dezala"
Jarraitzaileen artean ez dira falta euskal erakundeetako ordezkariak ere, Imanol Pradales lehendakaria buru dela. Jon Insausti, Donostiako alkatea, eta Eider Mendoza, Gipuzkoako Ahaldun nagusia ere Sevillara joan direnen artean daude. Guztiak Realeko presidentearekin batera ibili dira goizean realzaleekin giroa partekatzen. Lehendakaria harro azaldu da ikusten ari den portaerarekin, herri baten izaera erakusten duen portaera dela azpimarratuz. Ziur da kopa etxera etorriko dela, eta bere pronostikoa egiten ausartu da.
Bi adingabe ikertzen ari dira Santurtziko jaietan 14 urteko mutiko bat sastatzeagatik
Biktima ospitaleratu egin dute, baina ez dago arriskuan; ustezko erasotzaileak adingabeentzako fiskaltzak deituko ditu.
Realeko eta Atleticoko 160 jarraitzaile identifikatu dituzte eta material arriskutsua konfiskatu diete
Arrisku handiko partida da bi taldeetako zaleen arteko liskarragatik, eta milaka polizia eta guardia zibil daude Sevillan.
Zer eragin izango dute trafikoan Donostiako Kopako finalaren inguruko ekitaldiek?
Donostiako Udalak segurtasun dispositibo berezi bat antolatu du larunbat honetarako aurreikusitako ekitaldien harira, bai finala dela eta, bai Realak kopa irabaziz gero egin litekeen harreragatik.
Uholde txuri-urdin batek Reala agurtu du Sevillarako bidaia ekin baino lehen
Realeko adin guztietako zaleek, mota guztietako jantzi txuri-urdinak jantzita, agur esan diote ostiral honetan talde donostiarrari, kantu, bandera, animo oihu eta bufanda artean, Sevillarako bidaiaren hasieran. Larunbat honetan jokatuko du Kopako finala Atletico Madrilen aurka.
Gipuzkoako 70 bat alkate Sevillara joan dira, ordezkari gisa, partidua ikustera
Realak berak gonbidatuta, alderdi politiko guztietako alkateak bildu ditu ekimenak. Helburua berbera da guztientzat: emaitza ona lortzea eta Kopa irabaztea.
Eusko Jaurlaritzak migratzaileen erregularizazioari buruzko gida argitaratu du
Tresna hori hainbat hizkuntzatan dago eskuragarri, eta Espainiako Gobernuak bultzatutako ezohiko erregularizazio-prozesurako sarbidea erraztea du helburu.