Jaiotzak % 2,4 gehitu ziren EAEn lehen hiruhilekoan, 1975etik izandako urterik txarrenaren ondoren
2024ko hiruhileko beraren aldean, % 0,6 igo dira atzerriko amak dituzten haurren jaiotzak, bai eta hirugarren eta ondorengoen jaiotzak ere, % 0,8.
2025eko lehen hiruhilekoan 3.261 haur jaio ziren Euskal Autonomia Erkidegoan, hau da, aurreko urteko epe berean baino % 2,4 gehiago (77 jaiotza gehiago). 2024. urtea 1975etik izandako kopururik txarrenarekin amaitu ondoren, (% 3,8ko jaitsiera) etorri da atzera igoera.
Aurtengo urtarriletik martxora bitartean jaiotzen kopurua % 6 gehitu zen Araban (534 jaiotza, guztira) eta % 4,6 Bizkaian (1.626), aldiz, % 2,2 jaitsi zen Gipuzkoan (1.101).
Jaiotzen ehuneko handiena 30 eta 34 urte bitarteko emakumeen artean izan zen (guztizkoaren % 34,1); 35-39 urtekoen taldean, % 33,9; 25-29 urtekoen artean, % 13,6; 40 urte edo gehiagoko amen artean, % 11,6; eta jaiotzen % 6,7 25 urte baino gutxiagoko amen artean izan ziren.
Ezkontzaz kanpoko jaiotzak (ezkondu gabeko bikoteak edo familia gurasobakarrekoak) guztizkoaren % 51,3 izan ziren, 2024ko lehen hiruhilekoaren (% 49,7) gainetik. Bizkaian Euskal Autonomia Erkidegoko batezbestekoa gainditzen dute (% 55,2); Araban eta Gipuzkoan, berriz, ehuneko hori txikiagoa da (% 46,6 eta % 47,9, hurrenez hurren).
Jaiotza-hurrenkeraren arabera, 2025eko lehen hiruhilekoan, erdiak pasatxo, jaiotzen % 50,4, (1.643 haur), lehenengo seme-alabak izan ziren; 1.151 (% 35,3) aurretik beste haur bat zegoen familietara iritsi ziren; eta hirugarren eta ondorengo jaiotzen ehunekoa % 14,3ra iritsi zen, 2024ko hiruhileko berean baino 0,8 puntu gehiago.
Urteko lehen hiru hilabeteetako jaiotzen % 26,6an amek atzerriko nazionalitatea zuten, 2024ko hiruhileko berean baino 0,6 puntu gehiago. Araban, atzerriko jatorridun amak % 32,2 izan ziren; Bizkaian, % 26,1, eta Gipuzkoan, % 24,5.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.