Karrantzako gazte bat atxilotu dute gasolindegietan 950 mila euroko iruzurra egiteagatik
Atxilotuak erregaia banatzen duen empresa bateko saltzaile gisa aukezten zuen bere burua eta prezio lehiakorrak eskaintzen zituen. Ikerketan zehar enpresa eta nortasun faltsuen sare bat aurkitu du Guardia Zibilak.
Guardia Zibilak Karrantzako (Bizkaia) 25 urteko gizon bat atxilotu du asteazken honetan, Estatuko gasolindegietan ia milioi bat euroko iruzurra egin duen sare bateko ideologo eta buru izateagatik.
Hamar hilabetez aritu dira ikerketa burutzen, eta 2023ko abendutik 2024ko maiatzera bitartean egindako 17 delitu argitu ahal izan dira. Denbora horretan, 950.000 euro inguru lapurtu zituen sare horrek, baina horietatik 400.000 inguru berreskuratu ditu poliziak.
Operazioa Lizarrako gasolina-zerbitzugune batek salaketa jarri ondoren hasi zen. Banatzaile faltsuak 41.000 euroko iruzurra egin zuela salatu zuen.
Ondoren, banatzaile faltsuaren biktima gehiago aurkitu dituzte Tafallan eta Beran (Nafarroa), Calahorran (Errioxa), Basaurin (Bizkaia), Zuazo Gasteizen (Araba), Mejorada del Campon (Madril), Langreon eta Brievesen (Asturias), Torre del Burgon (Guadalajara), Noian, Boiron, Sadan, Santiago Compostelan, Laratxan (A Coruña), Lugon (Lugo) eta Gredan (Soria).
Atxilotuak prezio lehiakorretan eskaintzen zuen erregaia, eta berehala ordaintzea eskatzen zuen. Konfiantza sortzeko, dokumentazio faltsua bidaltzen zuen, eta etengabeko harremana izaten zuen posta, telefono edo WhatsApp bidez.
Gasolindegiek ordainketa egin ondoren, ordea, karga-kode faltsuak ematen zituen, eta, biktimak banku-eragiketa atzera bota aurretik, dirua ateratzen zuen hainbat konturen bidez, eta komunikazioa mozten zuen.
Ikerketan zehar, nortasun faltsuekin alta emandako ehun telefono-linea baino gehiago detektatu dira, baita hainbat banku-kontu, 'ad hoc' sortutako mezuak, VPNren erabilera eta faltsututako dokumentazio ugari ere.
Gainera, Karrantzan eta Ramales de la Victorian (Kantabria) egindako miaketetan telefonoak, ordenagailuak eta txartelak atzeman dituzte, eta horietan, atxilotua herrialde osoko iruzurrekin lotzen zuten milaka dokumentu eta elkarrizketa aurkitu dituzte.
Atxilotuarekin batera, 20 eta 71 urte bitarteko espainiar, txinatar eta errumaniar nazionalitateko hamaika pertsona ere ikertu dituzte, diru-sarrerak bideratzeko kontu korronteak ematen zizkiotelako. Dokumentu faltsuak egiten zituzten eta txartelak erosten zituzten laguntzaileak ere identifikatu ditu.
Zure interesekoa izan daiteke
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak deklaratzeari uko egin dio epaiketan
“Uste dut ondoezik nagoela eta ezin dudala deklaratu”, azaldu dio epaileari. Akusatuak deklaraziorik ez egitea erabaki du, epaiketako etenaldi batean defentsarekin hitz egin ostean.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Gizon bat atxilotu dute Arrasateko ikasle-egoitza batean emakume bati sexu-erasoa egitea leporatuta
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak deitu ditu eguerdiko 12:00etarako, unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).