Zupiriak salaketa jartzeko eskatu die Bernedoko udalekuetako haurren familiei, deliturik dagoela uste badute
PPko legebiltzarkide Ainhoa Domaicak Segurtasun sailburuari aurpegiratu dio adingabeak babestu ez izana, Jaurlaritza "beste aldera" begira egon dela iritzita.
Bingen Zupiria Segurtasun sailburuak adierazi duenez, seme-alabak Bernedoko (Araba) udalekuetara bidali dituen gurasoren batek delituren bat gertatu dela uste badu, "ertzain-etxean edo epaitegi batean jarri beharko du salaketa".
Udaleku horretara joan ziren haurren senide batzuen salaketa publikoak hartu ditu hizpide Zupiriak, Eusko Legebiltzarreko kontrolerako saioan. Salaketa horien arabera, monitoreak biluzik dutxatzen ziren 13 eta 15 urte bitarteko neska-mutilekin, eta dutxak partekatzera behartzen zituzten.
PPko legebiltzarkide Ainhoa Domaicari erantzunez egin ditu adierazpenok Zupiriak. Izan ere, Domaicak aurpegiratu dio adingabeak babestu ez izana, Jaurlaritza "beste aldera" begira egon dela iritzita.
Horren aurrean, Zupiriak kritikatu du PPko legebiltzarkidearen hitzek "oinarririk ez dutela", eta kontuz ibiltzeko eskatu dio, "adingabeak baitira".
"Norbaitek arau-hausteren bat egon dela edo eskubideren bat urratu dela pentsatzen badu, polizia-etxe batera joan eta salaketa bat jar dezala, balioa izan dezan", azpimarratu du.
Gizarteari buruzko albiste gehiago
LAB, CCOO eta Steilas sindikatuek lau orduko lanuztea deitu dute Palestinaren alde urriaren 15erako
Ohar batean, aipatu sindikatuek adierazi dute "borroka, mobilizazioa eta langileen batzarrak" izango direla Hego Euskal Herriko lantokietan.
Nolako kontrolak pasa behar dituzte udalekuek?
Bernedoko udalekuen inguruan sortutako polemikaren ostean, horiek bete beharreko baldintzen inguruko eztabaida piztu da.
Arabako Foru Aldundiak adierazi duenez, inoiz ez dute kexarik jaso Bernedoko udalekuen inguruan
Ana Del Val Kultura eta Kirol diputatuak adierazi duenez, Arabako Foru Aldundia datozen egunetan bilduko da familiekin, haien testigantzak bertatik bertara ezagutzeko. Gainera, udaleku horiei buruzko informazio guztia biltzen ari direla esan du, foru erakundeak zer neurri hartuko dituen ikusteko. "Guztiz salagarriak dira gertakari horiek", gaineratu du Del Valek.
Bernedoko udalekuen erabiltzaileak: 'Dutxatzen gintuzten bitartean, monitoreak ere biluzik zeuden'
Duela 16 urte Bernedoko udalekuetan egon ziren bi neskaren testigantzak jaso ditugu. Haien esanetan, euren garaian jada gertatzen ziren salatutako gertakariak.
Gizon batek bikotekide ohia hiru egunez atxiki du Gasteizko etxebizitza batean eta eraso egin dio
Gizona atxilotu egin dute agindu judizial bat urratzea eta bikotekideari lesioak egitea egotzita.
Erdi Aroko Azoka egingo dute asteburuan Gasteizen
Aurten lehen aldiz, Erdi Aroko kanpamentua Falerina lorategian jarriko dute, eta jarduerak egongo dira bertan egun osoan zehar. Gune horretan, bandoen arteko borrokak, tailerrak eta Erdi Aroko jarduera parte-hartzaileak egingo dira.
Itun soziopolitiko berrirako eskaintza dokumentua aurkeztu du Batuz Aldatu dinamikak, euskararen ezagutzaren unibertsalizazioan azpimarra jarrita
Euskararen etorkizuna bermatzeko hizkuntza politiketan ezinbesteko jotzen duen “jauziaren” oinarriak jasotzen ditu dokumentuak, betiere adostasun soziala oinarri hartuta. Erakunde eta instituzioak interpelatu ditu “politika publiko ausart eta anbiziotsuak” egin ditzaten.
Bilboko Kontxa eskola hustu dute transformadore batean izandako sute baten ondorioz
Segurtasun Sailak jakinarazi duenez, ikastetxe barrutik ke asko ateratzen hasi da 08:50ean, eta ordu horretan barruan zeuden langileak eta ikasleak bertatik irtenarazi dituzte.
Bernedoko udalekuetako hezitzaileek “gezurrak eta eraso transfoboak” salatu dituzte
Hezitzaileek adierazpen bateratu batean argitu dute ez dela egia haur eta gazteak biluztera behartzen dituztela, eta dutxa mistoen inguruko eztabaida “transfobiaz betetako diskurtsoak” zabaltzeko erabili dela nabarmendu dute.