Osakidetzak 4.500 plaza baino gehiago eskainiko ditu hurrengo lan-eskaintza publikoan, birjartze tasa onartu ondoren
Hautaketa-prozesua datorren urtean egingo da, betetzen zailak diren lanpostuen lan-eskaintza publiko berri batekin batera.
Osakidetzako Mahai Sektorialak 2025eko birjartze tasa onartu du ostiral honetan, hurrengo ohiko lan-eskaintza publikoari bidea emateko. Horrela, 4.500 plaza baino gehiago eskainiko dira, 2023ko eta 2024ko lan-eskaintza publikoekin batera. Hautaketa-prozesua datorren urtean egingo da, betetzeko zailak diren postuen lan-eskaintza publiko berri batekin batera.
Osasun Sailak nabarmendu du datorren urtean ohiko lan-eskaintza publiko berria egiteko "urrats berriak" egin direla ostiral honetan behin-behinekotasuna % 8tik behera murrizteko.
Osakidetzako Mahai Sektorialak egindako bileran, 2025eko birjartze tasa onartu da: 1.247 plaza. Beraz, lan-eskaintza publiko berrian deituko den plaza-kopurua, 2023, 2024 eta 2025. urteei dagokiena izango dela berretsi da, hau da, 4.500 plaza ingurukoa. Kopuru hori are gehiago handitu daiteke, Osakidetzak datorren urterako onartzea aurreikusten duen plantilla handitzearen inguruko espedientearekin.
Lan-eskaintza publiko berri honetan, Mahai Sektorialean onartutako eredu berria aplikatuko da. Eredu horrek, batez ere, hautaketa-prozesuak arintzea eta parte-hartzea erraztea du helburu, Osakidetzak adierazi duenez. Berritasun nagusi gisa, gai-zerrendarekin zerikusia duten eta, halaber, aurreko azterketetatik ateratako galdera batzuk ematea aurreikusten du horrek, betiere baliogabetu ez badira, baita nota hiru urtez mantentzeko aukera ere. Lan-eskaintza publiko honekin batera, beste hautaketa-prozesu bat ere deituko da, Lehen Mailako Arretan betetzeko zailak diren plazak betetzeko.
Egitura berri horri jarraiki egingo den bigarren prozesua da, eta, ostiral honetan Mahai Sektorialean jakinarazi den bezala, plaza lortzen dutenei gutxienez bi urtez bertan egotea eskatuko zaie, lanpostu hori kolokan gera ez dadin eta osasun-zentro horietako erabiltzaileei zerbitzu hobea eman diezaieten. Osasun-zentro horiek landa-eremuetako kontsultategiak, Etengabeko Arretako Gunekoak eta hiriguneetan kokatutako osasun-zentroetako arratsaldeko txandak dira nagusiki.
Mahai Sektorialean, halaber, 2026ko urtarrilean lekualdatze-prozesuan izena emateko epea irekitzeko asmoaren berri eman dute, Osakidetzako langile finkoen barne-mugikortasuna errazteko asmoz, eta, horrela, Euskal Osasun Zerbitzuak enplegu publikoarekin eta kalitatekoarekin hartutako konpromisoari erantzuteko.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.