Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Azken urteotan hedatu egin da melatoninaren erabilera insomnioari aurre egiteko. Pilula edo gominola moduan, farmazietan eskura daitezke, medikuaren errezetarik gabe, betiere dosia bi miligramotik gorakoa ez bada. Dosi handiagoak eskuratzeko, medikuaren agiria behar da.
Orain, Ameriketako Estatu Batuetako kardiologoen elkarte baten ikerketa batek eztabaida bizia piztu du. Melatonina luzaroan hartzen duten pertsonek (gutxienez, urtebetez) arrisku handiagoa omen dute bihotz-gutxiegitasuna garatzeko, horren eraginez ospitaleratzeko eta hiltzeko.
Lanak bost urtez aztertu ditu insomnioa duten 130.000 heldu, eta ikusi da melatonina kontsumitzen zutenek % 90 aukera gehiago zituztela bihotz-gutxiegitasuna izateko. Hala ere, egileek azpimarratu dute ikerketak ez duela erakusten kausa-efektuko erlaziorik dagoenik, eta gogorarazi dute emaitzak aurretikoak direla, oraindik ez baitituzte berrikusi, ezta ezein aldizkari zientifikotan argitaratu ere.
Ikerketaren helburua "naturaltzat eta segurutzat" jotzen den lagungarri batek dakartzan arriskuei buruzko hausnarketa zabaltzea dela diote ikertzaileek. "Harritu egiten gintuen osasun-arazo larrien gorakada etengabea eta horren nabarmena ikustea", adierazi du Ekenedilichukwu Nnadi ikerketaren egileak.
Carlos Egea Loaren Medikuntzako Elkarteen Federazioko presidenteak "berehala erabakirik ez hartzeko" eskatu du, eta azpimarratu du "azterketa gehiago" behar direla "ikuspegi zabalagoa izateko". Ildo beretik, beste aditu batzuek gogorarazi dute lanak mugak dituela eta ez dagoela argi zehaztuta parte-hartzaileek zenbateko dosiak hartzen zituzten.
Nolanahi ere, adituak bat datoz honetan: komeni da zuhurrak izatea eta medikuaren jarraibideak betetzea melatonina kontsumitu aurretik, batez ere denbora luzez egingo bada.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.