Arartekoak dei egin du "emakumeak eta neskak kosifikatzea eta merkantilizatzea" galaraz dezagun
Astearte honetan Emakumeen aurkako Indarkeria Desagerrarazteko Mundu Eguna dela eta egindako adierazpen instituzionalean, EAEko Defentsa Erakundeak salatu du indarkeria matxistak "urtero errugabeen bizitzak kentzen" jarraitzen duela, eta "indarkeria hori zuzenean nozitzen duten emakumeen osotasun fisiko eta moralaren eta duintasunaren kontra eraso egiten" duela.
Arartekoak bere egin du Reem Alsalem Emakumeen eta Nesken aurkako Indarkeriari buruzko Nazio Batuen kontalari bereziak egindako eskaera, eta dei egin du "emakumeak eta neskatoak kosifikatzearen eta merkantilizatzearen kontra" borroka gaitezen.
Astearte honetan, Emakumeen aurkako Indarkeria Desagerrarazteko Mundu Eguna dela eta, Arartekoak adierazpen instituzional batean jaso ditu NBEko kontalariaren hitzak, eta emakumeen duintasunaren aldeko aldarria egiteko eta sexuagatiko diskriminazioa debekatzeko beharra ere nabarmendu du.
EAEko Defentsa Erakundeak salatu duenez, indarkeria matxistak "urtero errugabeen biziak kentzen jarraitzen du", eta "indarkeria hori zuzenean nozitzen duten emakumeen osotasun fisiko eta moralaren eta duintasunaren kontra eraso egiten" du.
Baina, gainera, adierazpenak dakarrenez, indarkeria matxistak "zauri moral sakona eragiten die emakume guztiei, emakume izate hutsagatik segurtasunik ezaren espazio sinbolikoan kokatzen ditu eta".
Indarkeria mota horri aurre egitea, Arartekoak gaineratu duenez, gizarte osoaren eta erakundeen lana da, eta azken horiei, bereziki, eskatu die "behar den bezala jardun dezatela, ez ditzatela emakumeak bazter utzi haiek babesteko eta artatzeko zereginean, eta galdegin die "irmo joka dezatela eraso matxisten aurka".
Tratu txar matxisten aurkako borrokak berekin dakar, halaber, "emakumeek beren sexuagatik, direnak direlako betetzen duten espazio sinbolikoari beste adiera bat eman behar izatea". Oharrean Arartekoak zehaztu duenez, "emakumeak ahalduntzeak eta indarkeriazko matxismoaren aurka emakume eta neskato guztientzat gune seguruak sortzeak berez dakartzate munduan toki propioa okupatzeko eskubidea aitortzea eta berdintasuna eta duintasuna babestuko direla bermatzea".
Zure interesekoa izan daiteke
Osasun Itunak ez dituela Osakidetzako arazoak konpondu salatu dute osasun publikoaren aldeko plataformek
Elkarretaratzea egin dute EAEko hiriburuetan, murrizketak salatzeko. Osasun sailburuari hobekuntzaz hitz egiteari uzteko eskatu diote. Mediku falta, itxarote zerrendak, hizkuntza eskubideen urraketak edota psikologo falta daudela salatu dute eta manifestazioak deitu dituzte apirilaren 18rako.
Donostia osoa txuri-urdinez janzteko deia egin du Udalak
Jon Insausti alkateak eta Realak hiritarrei eta Gipuzkoako gizarteari dei egiten diete eraikinetako balkoi eta leihoak bandera txuroi-urdinez apaintzeko. Xabi Prieto eta Aintzane Encinas jokalari ohiak ilusioz beteta agertu dira finalarekin eta Gipuzkoak egunotan bizi duen giroarekin.
Kutxa Fundazioak atzera egin eta Eureka! zientzia museoa zabalik mantenduko du
Erakundeak jakinarazi du azken asteotan egindako "entzute-prozesu" baten emaitza dela erabakia. "Kutxa fundazioak Eurekarekiko babes eta afektu adierazpen ugari jaso ditu, museoak Gipuzkoako herritarrentzat duen balioa berresten dutenak", esan dute.
Bi pertsona ikertzen ari dira, Ean piztutako baso sutearekin zerikusia dutelakoan
Ertzaintzak uste du kobrea lortzeko kablea batzuk erretzen hasi direla, eta ezin izan dutela erreketa kontrolatu. Sua inguruko baso batera zabaldu da, eta 2,7 hektarea inguru kiskali ditu.
Zainketa aringarrien estrategia berria onartu dute
Hemendik aurrera, zainketa aringarrien protokoloa ez zaie soilik sei hilabete baino gutxiagoko biziraupena duten gaixo terminalei. Gaixotasunak eragindako sufrimendua izango da kontuan hartuko dena.
"Gernika" Euskadira lekualdatzea, arazo teknikoa ala politikoa?
Picassoren Gernika Euskadira ekartzea arazo teknikoa da, ala politikoa? Hortxe dago koska, eta erantzun bila, EITBk Luis Beltran arte-zaharberritzailearekin eta Fernando Castro arte-kritikariarekin hitz egin du. Bat datoz, eta biek diote artelana garraiatzeak erronka tekniko handia dakarrela berekin, kontuan izanik koadroaren egoera eta tamaina. Hori oinarri, batzuen ustez, kalteak eragiteko arriskua handiegia da, eta ez du merezi; beste batzuen aburuz, aldiz, egin, egin izan dira halakoak lehen ere, eta borondate kontua da.
Haurreskolak Partzuergoak apirilaren 13an irekiko du izena emateko epea, 8.940 plazarekin
Familiek eskabidea online zein aurrez aurre aurkeztu ahal izango dute, Haurreskolen sare publikoko edozein ikastetxetan. Izena emateko epea maiatzaren 4an amaituko da, eta behin betiko zerrendak ekainaren 26an argitaratuko dira.
Basauri eta Portugaleteko futbol taldeei ezarritako betoa kendu du Bizkaiko Arbitroen Batzordeak
Ohar batean Bizkaiko Arbitroen Batzordeak adierazi duenez, "egoera bideratutzat" eman dute, erasorik ez errepikatzeko klubek "neurriak hartzeko" konpromisoa hartu baitute. Ondorioz, Basauri Bea eta Portugaleteko hurrengo partidetarako epaileak izango dituzte. Hala ere, inplikatutako hirugarren taldearen (Berangoko Karabigane) gaineko betoak indarrean jarraituko du, klub hori ez baita arbitroekin harremanetan jarri.
19 urteko neska batek sexu-erasoa salatu du, Santurtzin
30 urteko ustezko erasotzailea atxilotu zuen Ertzaintzak eta ondoren aske utzi zuen epaileak. Udalak elkarretaratzea deitu du ostiral honetarako, 12:00etan.
Urtebetean 320.000 trafiko isun Euskadin, non egiten dira arau-hauste gehien?
AP-8 eta A-8 errepideetan izan ziren zigor gehien iaz, eta gehiegizko abiadura nagusitu zen arau-hausteen tipologiari dagokioenez.