Eusko Jaurlaritzak sukalde elektrikoen aldeko apustua egin du ikastetxeetan, menu osasungarriagoak eta jasangarriagoak emateko
Hezkuntza Sailak, 2027. urtea baino lehen, 28 in situ sukalde jarriko ditu, eta eremuko 16, nutrizioa, langileen lana eta jasangarritasuna hobetzeko.
Eusko Jaurlaritzako Hezkuntza Saila sukalde elektriko bertikalen eredu berri bat zabaltzen hasi da eskola-jantokietan, menuen nutrizio-kalitatea hobetzeko eta jasangarritasunean aurrera egiteko.
Begoña Pedrosa Hezkuntza sailburuak sistema aurkeztu du Aiako Lardizabal Herri Eskolara egin duen bisitan. Eskola horretan aipatutako sukalde-sistema jarri dute; Bilbo, Alonsotegi eta Hondarribian ere horrelakoak daude.
Pedrosaren arabera, koipe gutxiagorekin janaria prestatzeko aukera ematen dute sukalde horiek, barazki freskoak erabiltzea bultzatzen dute eta lurruna erabiltzeko tenorea ematen dute; gainera, langileen lan-baldintzak hobetzen dituzte, horrelako sukaldeak erabilita ez baitira ontzi astunak manipulatu behar.
Funtzio anitzeko ekipoek eta edukiera handiko labeek epeak murrizten dituzte, eta jana gauez edo edozein momentutan prestatzeko aukera ematen dute, urrutiko kontrol digitala erabilita.
Plana Hezkuntza Eraiki 2030 estrategiaren barruan dago. Horri esker, 28 sukalde ezarriko dira, eta 2027a baino lehen eremuko 16 sukalde jarriko dira martxan. Azken horiek aukera emango dute ikastetxe batean otorduak prestatu eta hurbileko eskoletara banatzeko.
Horrez gain, esparru txikiagoa erabiltzea, energia-eraginkortasuna eta eguzki-energiaz hornitzeko aukera azpimarratzen ditu Hezkuntza Sailak, eskolako jantoki-zerbitzua modernizatzea eta jasangarriagoa egitea helburu duen ereduaren gako gisa.
Zure interesekoa izan daiteke
Zupiria Sestaoko gertakariari buruz: Ertzaintzak ez badu indarra behar bezala erabiltzen, "lehenak gara salatzen"
Bingen Zupiria Segurtasun sailburuak ziurtatu duenez, Ertzaintzak "gizartearen legitimitatea du indarra modu zuzen eta proportzionalean erabiltzeko, eta hori gertatzen ez denean, hori salatzen lehenak gara". Gasteizen ekitaldi bat egin aurretik, Segurtasun sailburuak adierazi du hasiera-hasieratik izan duela zaurituen egoeraren berri. Halaber, gogorarazi du Segurtasun Batzordean agerraldia eskatu duela gertatutakoaren berri emateko.
Beste emakume batek Iñigo Errejon salatu du sexu-erasoagatik
Defentsa abokatuak, Elisa Mouliaa aktorearen abokatua ere badenak, biktima lekuko babestua izan dadin eskatu du bere identitatea babesteko .
Hamar pertsona artatu dituzte, horietako lau ertzainak, Gasteizen izandako sute batean kea arnasteagatik
Gasteizko Santiago kaleko lau solairuko eraikin bateko sukaldean piztu da sua, bitrozeramikan, Segurtasun Sailak jakitera eman duenez.
Auto-ilara luzeak Leioako errepidean, Bilborako noranzkoan, ibilgailu batek istripua izan duelako
Auto batek istripua izan du eta auto-ilara luzeak sortu dira Leioako errepidean, Bilborako noranzkoan.
Ertzaintzaren aurkako salaketa jarri dute, gizonezko bati barrabiletan lesio larria eragiteagatik Sestaon
Bingen Zupiria Segurtasun sailburuak Eusko Legebiltzarreko Segurtasun Batzordean agerraldia egitea eskatu du, gertatutakoaren inguruko azalpenak emateko.
ELAk salatu du irakasleak euskalduntzeko Irale programa bertan behera utziko duela Jaurlaritzak
Begoña Pedrosa Hezkuntza sailburuak zehaztu du programarekin jarraituko dela, baina egungo "behar berrietara" egokituta. Azpimarratu du azken urteotan sistema publikora batu diren irakasleek C1 maila dutela. "Datu horrek berak bakarrik hitz egiten du".
Martxan dago Masustegi auzora igotzeko funikularra
Masustegi auzora igotzeko funikular berria martxan da. Aldapa handiak eta eskailera ugari diren auzo horretan, aspaldian eskatua zen igogailua estreinatu berri da. 100 metroko aldapak igotakoan, herri moduko bat dago, nahiz eta hirian egoten jarraitu.
Tuterako Ospitaleko mediku egoiliar batek salatu du lankide batek sexu-erasoa egin diola
Azaldu du Larrialdialdietako zerbitzuan guardian zeudela gertatu zela erasoa, eta Osasun zentroak kasua artxibatu egin zuela, "probarik ez" zegoela argudiatuta.
Lekuko batek grabatutako irudiei esker atxilotu dituzte Berriozarreko kafetegi bateko lapurrak
Inguruan garbiketa lanetan ari zen pertsona batek bi pertsona ikusi zituen kafetegian lapurreta egin eta leihotik ateratzen. Aurre ere egin zien, baina lapurrek ihes egin zuten. Hala ere, grabatu zituen irudiak funtsezkoak izan dira ikerketa burutu eta lapurretaren ustezko egileak, aita-semeak, atxilotzeko.
Arabako ikasle nerabeen % 47,3k online pornografia kontsumitu dute noizbait
Gasteizko Udalak, Vital Fundazioak eta Euskal Herriko Unibertsitateko (EHU) PSIDES ikerketa-taldeak Arabako adingabeen online pornografiaren kontsumoari buruz egindako lan batek agerian utzi duenez, Arabako adingabeek pornografiarekin lehen harremana 12 urterekin izaten dute.