Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Artxiboko irudia.
Z belaunaldiko lau gaztetik batek frankismoari buruzko pertzepzio positiboa du, azken Deustobarometro Sozialak ohartarazi duenez; egonkortasun ekonomikoa eta gizarte-ongizatea ekarri zituela iritzita, txostenak azpimarratu du datu hori bereziki garrantzitsua dela memoria demokratikoari buruzko eztabaidaren testuinguruan.
Etxebizitza eskuratzea da, oraindik ere, EAEko herritarren kezka nagusia. Hala erakusten du ikerketak, arazo hori nabarmenena dela (% 50), azken urtean goranzko joera argia izan baitu. Herritarrek, gainera, etxebizitza-politika publikoei nota eskasa ematen diete, 10etik 3,8ko batez beste.
Etxebizitzarekin batera, erosketa-saskiaren prezioa bigarren kezka da inkestatuen artean (inkestatutako pertsonen % 40k aipatu du). Aldiz, osasunarekiko kezkak behera egiten jarraitzen du (% 33), eta Osakidetzaren balorazioaren (5,4) eta osasun-sistema publikoarekiko konfiantzaren (6,1) errekuperazioa sendotu da.
Halaber, azken sei hilabeteetan segurtasunarekiko eta migrazioarekiko kezkak behera egin duela egiaztatzen du azterlanak. Herritarrek segurtasun-politikak onartzen dituzte (5) eta Ertzaintzarekiko konfiantza handitzen dute (5,5). Herritarren erdiak baino gehiagok uste du, gainera, polizia autonomikoa modu egokian ari dela lan egiten ordena publikoa babesteko eta ultraeskuinarekin lotutako istiluetan adierazpen-askatasuna bermatzeko.
Demografiari dagokionez, Deustobarometroak adierazten du jaiotza-tasa txikia batez ere lan-kontziliazioko arazoekin eta gazteen soldata baxuekin lotzen dela, etxebizitzaren prezioaz gain. Gizartean adostasun handia dago ( % 70) jaiotza-tasa eta hazkuntza bultzatzeko laguntza publikoak handitzearen alde, eta % 69k uste du gizarte-presioak gurasoei baino inplikazio handiagoa eskatzen diela.
Adimen artifizialak ere leku nabarmena du azterketan. Herritarren erdiek baino gehiagok IAko tresnak erabiltzen dituzten arren, kezka eta mesfidantza nagusitzen da. Gehienek ez lukete Adimen Artifizialean konfiantzarik izango erabaki kritikoak kudeatzeko, eta erabilera zorrotz arautzea eskatzen dute.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.