Lau bosgarren sarik (23112, 60649, 77715 eta 41716) 400.000 eurotik gora utzi dituzte Euskal Herrian
Lehenak, 23112ak, 180.000 euro banatu ditu Usurbilgo Urbil merkataritza-gunean eta Bilbon. 60649aren serie bat Gasteizen, Leclerc saltokian, jausi da, eta 41716ren beste bat, Donostian . 77715 zenbakia oso banatua egon da eta Iruñean, Bilbon eta Leioan jausi da.
Gasteizen, Leclerc supermerkatuko administrazioan, 60.000 euro banatu dituen loteria saltzailea. Argazkia: EITB
Gabonetako Loteriaren bosgarren sariek dirutza utzi dute aurten Hego Euskal Herrian. Zortzi sarietako lau egokitu dira gurean, eta 400.000 euro baino gehiago banatu dituzte Bilbon, Usurbilen (Gipuzkoa), Gasteizen, Donostian, Iruñean, eta Leioan (Bizkaia).
Lehen biak, 23112a eta 60649a, segidan kantatu dituzte San Ildefonsoko haurrek, sei minutuko aldearekin.
Ateratzen aurrenekoa izan da 23112a, eta 10:34an irten da. Bilbon bi serie saldu dituzte (120.000 euro) eta serie bat (60.000 euro) Usurbilen. Guztira, 180.000 euro saritan.
Bizkaiko hiriburuan, Azcarreta loteria administrazioan (Areatza 1), bi serie saldu dituzte.
Beste serie bat, Usurbilgo (Gipuzkoa) Urbil merkataritza-gunean erori da. Bertako loteria saltzaileak azaldu duenez, "genuen guztia saldu dugu, oso banatuta egon da".
Bigarren bosgarren saria ere, 60649a, Euskal Herrian tokatu da, Gasteizen, hain justu. Leclerc supermerkatuan serie bat (60.000 euro) zuten esleituta.
Hirugarren bosgarren saria handik gutxira heldu da: 77715. Oso partituta egon da, eta bi serie, 120.000 euro, saldu dituzte Iruñean, beste bi dezimo Donostian, eta dezimo bana Leioan (Bizkaia) eta Iruñean.
Berandu (13:25ean abestu dute), baina seigarren bosgarren sariak, 41716 zenbakiak, zori ona ekarri du berriro gurera. Donostian zenbaki horren serie oso bat saldu dute, guztira, 60.000 euro.
Gainerako bosgarren sariak, Espainiara
11:46an atera da laugarren bosgarren saria: 25412a. Honek ez du euro bakar ere utzi Euskal Herrian. Handik minutu batera kantatu dute bosgarrena ere: 61366. Honetan ere, ez dugu zortea alde izan, eta Espainiako Estatuan banatu dute.
Seigarren bosgarren saria, 94273a, Huescara joan da oso-osorik.
Azkenengo bosgarren saria, 18669 zenbakiari egokitu zaiona, Alcoyn (Alacant) erori da.
Zure interesekoa izan daiteke
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.
Barne ministerioak polizia-babesa jarri dio Espainiako Poliziaren buruaren sexu erasoak salatu dituen emakumeari
Kereila jarri zuen egun berean, hau da, asteartean bertan, bere izen-abizenak zabaldu zituzten WhatsAppeko hainbat polizia taldetan, bere abokatuak deitoratu duenez. Horrek antsietatea areagotu dio, eta oso ahul dago.