Zer dakigu Kordobako tren istripuari buruz? Zer dago argitzeko?
Ordu gutxi batzuk baino ez dira igaro Adamuzen zorigaiztoko tren istripua jazo denetik. Argitu gabeko arrazoiak direla eta, bart, abiadura handiko tren bat errailetik atera da, eta kontrako noranzkoan zihoan Renferen tren bat bidetik aterarazi du. Horiek dira, oraingoz, baieztatuta dauden datuak.
Istripua izan duen Renferen trena.
2026ko urtarrilaren 18a, igandea, 19:45. Data eta orduok iltzaltuta geratuko dira Espainiako tren istripuen historian. Une horretan, abiadura handiko tren bat (Malaga-Madril ibilbidea egiten ari zen) bidetik atera zen, kontrako trenbidean sartu, eta beste noranzkoan zihoan Renferen tren bat (Madril-Huelva) errailetatik ateratzea eragin zuen. Hona hemen une horretatik aurrera eskuragarri dagoen informazio egiaztatu eta ofiziala:
Biktimak
Biktimen azken balantzea astelehen goizean jakinarazi dute agintariek.
41 pertsona hil dira, baina ziurra da kopuruak gora egingo duela. Izan ere, Renferen trenaren lehen bi bagoiak amildegi batetik behera jausi dira, eta hondakinen azpian gorpu gehiago egon daitezkeela uste dute. Hildakoetako bat Alviako treneko makinista da.
Ezbeharrean zauritutako 39 pertsona Andaluziako ospitaleetan daude, 35 heldu eta lau haur, eta istripuan artatutako 122 pertsonetatik 83ri alta eman zaie.
ZIUn 13 pertsonak jarraitzen dute, guztiak helduak, atzo bertan zegoen adingabea zainketa kritikoen unitatera eraman baitute: bost Kordobako Reina Sofia ospitalean, hiru Quirón Salud ospitalean, bi Gurutze Gorrian eta hiru San Juan de Dios ospitalean.
Ospitaleetan, ohiko zainketan, 26 zauritu daude: zortzi Sofia Erreginean (tartean lau adingabeak), bi Gurutze Gorrian, sei Quiron Saluden, bost San Juan de Diosen eta beste bat Huelvako Elena Infanta Ospitalean, Sofia Erreginatik eratorria.
Abiadura handiko Iryo trenean 317 pertsona zihoazen; Alviako trenean, 100 bat.
Adifek 900 10 10 20 telefonoa jarri du biktimen senideei laguntzeko.
Larrialdi zerbitzuak, biktimen senideak artatzen. EFE
Istripuaren lekua
Ezbeharra Adamuzeko hirigunetik bost bat kilometrora jazo da, Kordobako hiriburutik 30 kilometrora.
Duela gutxi eraberritutako trenbide zatia da (lanak joan den maiatzean amaitu zituzten). Bidea zuzena da puntu horretan, eta Adamuz herrira bideratzeko irteeratik gertu dago.
Nola gertatu da ezbeharra?
Abiadura handiko trenaren azken hiru kotxeak (6, 7 eta 8. bagoiak) errailetik atera dira, ondoko trenbidean sartu, eta Renferen trena jo dute. Alvia trenaren lehen bi bagoiak errailetik atera dira eta lau metroko amildegitik behera erori dira.
Nolako trenak dira istripuan nahasitakoak?
Abiadura handiko trena, Iryo 6189, ETR 1000 motakoa da, Frecciarossa 1000 izenarekin ere da ezaguna (gorria baita). Alstom taldeak ekoitzi zuen 2022an, eta azken azterketa urtarrilaren 15ean egin zioten.
400 kilometro orduko abiaduran joan daiteke.
Iryo italiar-espainiar konpainia bat da, eta abiadura handiko operadore pribaturik handiena da Espainiako Estatuan.
Renferen trena (Alvia 2384) distantzia luzeko trena da, 120 seriekoa. CAFek eta Alstomek fabrikatu zuten 2006an. Brava izeneko bogieetan (trenen errodadura, gurpilen baliokidea) oinarritutako sistema du, eta, horiei esker, abiadura handiko zein zabalera ezberdineko trenbideetan ibil daiteke, hiru segundoan moldatzen baita.
Abiadura handiko trenaren azken hiru bagoiak irauli dira. EFE
Balizko kausak
Oscar Puente Garraio ministroak bart adierazi duenez, istripu "arraroa eta azaltzeko zaila" da Adamuzekoa, eta, beraz, egunak beharko dira arrazoiak argitzeko.
Alvaro Fernandez Renferen presidenteak baztertu egin du istripua gehiegizko abiadurak eragin duenik; izan ere, kaltetutako trenetako bat 205 km/h-ra zihoan, eta, bestea, 210 km/h-ra.
Fernandezek ez du espekulaziorik egin nahi izan, baina materialaren —trenarena berarena edo azpiegiturarena— balizko akats bat aipatu du; izan ere, linea horren segurtasun eta seinaleztapen sistema, LZB delakoa, giza akatsak saihesteko diseinatuta dago. Azaldu duenez, sistemak zirkulazioa automatikoki blokeatzen du bidean oztoporen bat dagoenean, trenaren larrialdiko balazta aktibatzea aginduta. Nolanahi ere, Iryoren trena errailetik atera eta Alviaren trenarekin talka egin arte 20 segundo baino ez ziren igaro, eta, beraz, ez zion denbora nahikorik eman LZBri larrialdiko balaztak aktibatzeko.
Azpiegitura iaz eraberritu zuten, eta Iryoren trena nahiko berria da (2022koa), eta ikuskapena egin zioten duela lau egun.
Ondorioak
Abiadura handiko trenen zirkulazioa bertan behera utzi dute Madril eta Andaluzia artean, gutxienez, ostirala arte.
Bestalde, Andaluziako Juntak Babes Zibileko Larrialdietako Lurralde Plana aktibatu du, 1. fasean.
Zure interesekoa izan daiteke
Arrigorriagako Padura klubak “irmo gaitzetsi” ditu adin-txikiko batek jasandako sexu-jazarpenari buruz zabaldutako “funtsik gabeko akusazioak”
Kirol klub horretan neska batek sexu-indarkeria eta jazarpena jasan dituela salatu dute elkarteek. Padurak “gogor gaitzetsi” du “edozein eraso mota” eta baita “bideoaren hedapena” ere, baina gertakariak klubaren jardueraren esparrutik kanpora gertatutakoak direla adierazi dute.
Euskal sukaldaritza berriaren sortzaileak, 2025eko Euskadi Gastronomia Sarien irabazleak
Mugimendu horretan aritu ziren Juan Mari Arzak, Pedro Subijana, Karlos Arguiñano, Ramon Roteta, Xabier Zapirain, Luis Irizar, Ramon Zugasti, Ricardo Idiakez, Tatus Fombellida, Patxi Quintana, Pedro Gomez, Manolo Iza eta Jesus Mangas eta Jose Juan Castillo, besteak beste.
Asteartean Santanderren hildako ikasleen zentroan lur jota daude
Hildako gazteak Kantabriako La Granja Lanbide Heziketako Ikastetxeko ikasleak ziren. Abeltzaintza eta abere-osasunari buruzko zikloa ari ziren ikasten. Bertako zuzendariak azaldu duenez, zentroan lur jota daude.
Martxoaren 8ko aldarrikapenekin bat egin dute erakundeek eta sindikatuek
Martxoaren 8aren bezperetan, udalek, aldundiek eta sindikatuek aldarrikapen feministekin bat egin nahi izan dute. Bilboko udaletxean egindako ekitaldian, oso kezkatuta agertu dira emakumeen eta berdintasunaren aurkako mezuak ugaritzen ari direlako.
Euskal emakumeek gizonek baino 2,2 ordu gehiago ematen dituzte egunean seme-alabak zaintzen
2024. urteari dagozkion datuak dira, igandean ospatuko den Emakumeen Nazioarteko Eguna dela-eta Euskal Estatistika Erakundeak ostiral honetan argitaratu duen inkestan jasotakoak.
Santanderko Udalak espedientea ireki dio pasabideari buruzko abisua jasota "bere lana egin ez zuen" udaltzainari
Asteartean Santanderko egurrezko pasabide bat hautsi eta sei pertsona hil ziren, tartean hiru euskal herritar. Halaber, Elvillarko (Araba) neska batek Zainketa Intentsiboen Unitatean jarraitzen du.
Euskal erakundeek diskurtso atzerakoiak eta antifeminismoa borrokatzeko beharra azpimarratu dute martxoaren 8aren atarikoan
Igandean, martxoaren 8arekin, Emakumeen Nazioarteko Eguna izango da. Hori ospatu bezperetan, berdintasunaren eta emakumeen eskubideen aldeko mezuek indar berezia hartu dute euskal erakundeetan.
Miren Elgarrestak (Emakunde) ez du uste feminismoak lekua galdu duenik euskal gizartean
Emakundeko zuzendariaren arabera, euskal gizartea "oso aurreratuta" dago genero berdinatasunari dagokionez, baina "horrek ez du esan nahi izan ditugun lorpenak guztiz bermaturik daudenik", gaineratu du Elgarrestak, eta ohartarazi du eskuinetik datozen diskurtso erreakzionarioek esparru digitalean lortu dutela oihartzuna.
Arrigorriagako Padura klubean neska batek sexu-indarkeria eta jazarpena jasan dituela salatu dute
Bidaure eta Urruma elkarteek "irmotasun falta" leporatu diote kirol klubari, ustez klubeko beste jokalari batzuek egindako erasoaren aurrean. Bost gazte ikertzen ari dira, eta Ertzaintzak Adingabeen Fiskaltzaren esku utzi du kasua.
8 kilometrorainoko auto-ilarak AP-8 autobidean, Zestoan hainbat ibilgailuk istripua izan ondoren
Txorierriko igarobidean gertatu den beste istripu batek auto-ilara luzeak eragin ditu Loiun. Pertsona bat zauritu da bertan.