Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Eusko Jaurlaritzako Osaun Sailak iraungitako bi txerto motarekin lotuta egon daitezkeen kasu berriak identifikatu ditu, guztira 78 pazienteri eragin diezaieketenak.
Zehazki, gorabehera horietako bat tetrabalentearekin lotuta dago (difteria, tetanosa, kukurruku-eztula eta poliomielitisa), 49 kasu potentzial egon daitezkeelarik, eta, bestea, txerto hirukoitz birikoarekin (elgorria, errubeola eta parotiditisa), 29 kasu egon daitezkeelarik. Kasu horietako bakar batean ere ez dago arriskurik pazienteentzat, eta historia medikoak aztertzen ari dira, kasuz kasu, berriro txertatzea beharrezkoa den argitzeko.
Testuinguru horretan, hexabalentearen (difteria, tetanosa, kukurruku-eztula, poliomielitisa, B hepatitisa eta B motako Haemophilus influenzae) iraungitako dosiak jaso zituzten 30 pertsona baino gutxiago txertatu behar ditu berriro Eusko Jaurlaritzak.
Historia medikoak kontratatu ondoren, ondorioztatu da "kasu askotan ez dela beharrezkoa berriro txertoa jartzea", erregistro arazo bat gertatu delako.
Alberto Martinez Eusko Jaurlaritzako Osasun sailburuak eta Lore Bilbao Osakidetzako zuzendari nagusiak txertoen kudeaketari buruzko informazioa eguneratu dute gaur, osteguna, Bizkaiko Osasun Lurralde Ordezkaritzan (LEDO) bildu ostean. Azkenik, 30 pertsona baino gutxiago txertatu beharko dira berriro hexabalentearen harira, gaur arratsaldean elkarrekin emandako prentsaurrekoan jakinarazi dutenez.
"Akats larria" da, eta, horren ondorioz, historia medikoak aztertu behar izan dira "kasuz kasu", beharrak baloratzeko eta berehala jarduteko. Kasu askotan, "ez da beharrezkoa berriro txertatzea"; erregistro akats orokorra baita.
Osakidetzak pertsona guztiei deitu die jada, eta adingabeetako asko berriro txertatu dituzte dagoeneko. Horrela, pazienteekin kontaktuan jartzea bideratuta dago, eta "ez dago ondorio kaltegarriak izateko arriskurik".
Orain, gertatutakoaren arrazoietan sakontzeko unea da, Martinezen arabera, helburua akatsik ez egitea izan behar baita. Horretarako, informazio guztia biltzen ari dira, eta Txertoen Ikerketa eta Trazabilitate Batzorde bat eratu da. Nondik norakoak argitzea eta neurri zuzentzaileak ezartzea da lehentasuna.
Zure interesekoa izan daiteke
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.
Ikastetxe publikoen itxierak "lanpostuen amortizazioa" duela helburu salatu dute sindikatuek
Steilasek, ELAk eta CCOOk adierazi dutenez, Eusko Jaurlaritzak hurrengo ikasturtean ikastetxe batzuk fusionatu eta itxi nahi izatea "Hezkuntza Sailak azken urteotan darabilen utzikeriaren isla da". Gainera, gogor kritikatu dute Segregazioaren aurkako Mahaia "ekiteko asmorik" ez duela, lau aldiz bildu den arren.
Albiste izango dira: iraungitako txertoak, traktoreak kalera Bilbon, Gasteizen eta Iruñean eta Iran eta AEBren arteko tentsioa
Gaurkoan Orain-en albiste izango direnen laburpena, bi hitzetan.