Epaiketan, bederatzi gaztek ziurtatu dute euren entrenatzaileak, Osasunako ikuskatzaile ohiak, sexu-mezuak bidaltzen zizkiela
Errioxako Auzitegiak auzipetuaren aurkako lehen saioa egin du astearte honetan, 16 urtetik beherakoei sexu-abusuak egitea egotzita.
Bederatzi gaztek adierazi dute, adingabeak zirenean, euren orduko futbol entrenatzaileak sexu-edukia zuten mezuak bidaltzen zizkiela, beraiekin bakarrik geratzen saiatzen zela, argazki biluziak eskatzen zizkiela eta, batzuei, Osasunarekin fitxatuko zutela agindu ziela. Hala ziurtatu dute astearte honetan, Logroñon, gizon horren kontrako epaiketan; sexu-abusu eta beste delitu batzuk egozten dizkiote akusatuari.
Errioxako Auzitegiak Varea Kirol Klubeko (Logroño) entrenatzaile ohi eta Osasuna Klubeko ikuskatzaile ohi baten aurkako lehen saioa egin du. Fiskalak 46 urte eta bederatzi hilabeteko espetxe-zigorra eskatu du, adingabeei sexu-abusu jarraitua, sexu-jazarpena, haur-pornografia eta sekretuak ezagutaraztea egotzita.
Gertaera horiek 2020 eta 2022 urteen artean gertatu ziren, auzipetua Logroñoko hainbat futbol taldetan entrenatzen ari zenean; biktimak 15 eta 17 urte artekoak ziren orduan.
Ama batek akusatuak semeari bidalitako sexu-mezuen berri izan zuenean sortu zen kasua. Biktimak pantaila-harrapaketen bidez eman zizkion mezu horiek bere lagun bati, auzipetuak hala eskatuta, gazteak elkarrizketa guztiak ezabatu zituelako.
2022an Espainiako Polizia Nazionalaren aurrean gertakari horiek salatu ondoren, entrenatzailea atxilotu eta beste biktima posible batzuk identifikatu zituzten, telefono mugikorretik eta tableta batetik edukia atera ondoren; besteak beste, gailu horietan dozenaka argazki zeuden, gazte batzuk biluzik, baimenik gabe kirol-instalazioetako aldageletan hartutakoak.
Zure interesekoa izan daiteke
Lezaman hilik aurkitutako gizonaren ustezko hiltzailea atxilotu dute Bilbon
Biktima 60 urteko Barakaldoko bizilaguna zen. Joan zen ostiralean aurkitu zuten hilik Lezamako Ganguren gainaren inguruan.
Yala Nafarroak otsailaren 21ean kalera irteteko deia egin du Palestina ahaztu ez dadin
Manifestazioa 17:00etan egingo dute, Iruñean, Israelgo Estatuaren zigorgabetasuna salatzeko. Egun horretan Osasunaren eta Real Madrilen partidara joango diren zaleek ere manisfestaziora joateko aukera izango dutela azpimarratu du elkarteak.
Elisa Mouliaak aurrera jarraituko du Errejonen aurkako akusazioarekin, eta laguntza eskatu die beste biktimei
Aktorearen hitzetan "arbuiagarria da" Fiskaltzak diputatu ohiaren absoluzioa eskatu izana, Mouliaak auzitik irtetea erabaki ostean. Azaldu duenez, hamar hilabetez egon da Errejonek "jazarri, umiliatu eta inbaditu" zuela "frogatzen". Errejonen beste biktima batzuei auzian "gutxienez modu anonimoan" agertzeko eskatu die.
Arartekoak kritikatu du zezenketen legeak ez dituela adingabeengan sortzen dituen eraginak kontuan hartzen
Arauak sokamuturra, errekortariak edo entzierroak bezalako ospakizunei buruz dihardu, betiere 16 urtetik beherakoentzat badira eta tutoreen baimena behar badute.
?fmt=png-alpha&qlt=80)
Euskadiko biztanleen % 10,2 atzerritar nazionalitatekoak dira eta % 14 atzerrian jaioak
Zehazki, iazko urtarrilean 226.367 biztanlek zuten atzerritar nazionalitatea Euskadin, hau da, biztanleria osoaren % 10,2; 2024ko urtarrilean baino hiru hamarren gehiago, eta Espainiako Estatuko % 14,1eko batezbestekoaren azpitik.
35 urteko preso bat hil da Arabako espetxean
Espetxeetako egoera salatzeko, elkarretaratzea deitu du Salhaketa elkarteak datorren ostiralerako, 12:30ean, Gasteizko Andre Maria Zuriaren plazan.
Errejonek ez du ahozko epaiketaren hasieraren jakinarazpena jasoko, Mouliaak salaketa erretiratu ote duen argitu arte
Elisa Mouliaak agerraldia egingo du gaur, asteartea, eguerdian, "akusazio partikularrak jarraituko duen ala ez iragartzeko". Alfredo Arrien abokatuarekin batera agertuko da kazetarien aurrean, atzo bertan "zer erabaki hartu aztertzen" ari zela jakinarazi ostean.
Gizon bat ikertzen ari dira, Beran, semearen eskola-autobuseko gidariari eraso egiteagatik
Antza denez, adingabea lo geratu zen autobusean, eta ez zen ohiko geltokian jaitsi. Ondoren, ibilgailua aparkatuta zegoen lekuan aurkitu zuten.
Gizon baten gorpua aurkitu dute Leioako etxebizitza batean
Larunbatean aurkitu zuten gorpua, eta autopsia egin ondoren, Ertzaintzak ikerketa abiatu du gertatutakoa argitzeko.