Yala Nafarroak otsailaren 21ean kalera irteteko deia egin du Palestina ahaztu ez dadin
Manifestazioa 17:00etan egingo dute, Iruñean, Israelgo Estatuaren zigorgabetasuna salatzeko. Egun horretan Osasunaren eta Real Madrilen partidara joango diren zaleek ere manisfestaziora joateko aukera izango dutela azpimarratu du elkarteak.
Yala Nafarroa Palestinarekin plataformak manifestazioa deitu du otsailaren 21erako Iruñean, Palestina ahanzturan erori ez dadin eta zigorgabetasuna eta "konplizitatea" amai daitezen eskatzeko.
Martxa 17:00etan hasiko da, Antoniutti parkean. Hasiera batean 17:30ean deitu bazuten ere, aurreratzea erabaki dute, egun horretan Osasunaren eta Real Madrilen arteko partida Sadarrera ikustera joango diren futbolzaleak ere protestan egon daitezen.
"Otsailaren 21ean, berriro ere, Nafarroako gizartea kalera irtetera animatzen dugu, genozidioa gaitzestera. Gure Gobernuari Israelekin duen harreman oro apurtzen jarrai dezala exijitzera", adierazi du Lidon Sorianok, Yala Nafarroako kideek astearte honetan emandako prentsaurrekoan.
Plataformak 2025ean egin dituen jarduerak ere errepasatu ditu Sorianok, tartean Iruñean egin diren bost manifestazio, elkartasun kanpaina bat eta 117 solasaldi Nafarroa osoan.
Gainera, Yala Nafarroak hiru mozio aurkeztu zituen, Parlamentuan aurrera atera zirenak, eta "80 udalek baino gehiagok" onartzea lortu zuten.
"Nafarroako Parlamentuaren Urrezko Domina abenduaren 2an eman ziguten, baina, uko egin genion , hurrengo egunean Nafarroako Gobernuak domina bera eman ziolako M. Torresi, Israelek erabiltzen duen F35 gerra-hegazkinaren fabrikazioan parte hartzen duen enpresari", gaineratu du.
Prentsaurrekoan, Majed Dibsi abokatu eta kazetari palestinarra ere izan da, eta azpimarratu du Israelek Hamasen 2023ko urriaren 7ko erasoa "baliatu zuela" Zisjordania eta Gaza anexionatzeko politika areagotzeko.
Nazioarteko komunitateak Palestinari "bizkarra ematen" diola esan du, eta Europar Batasunaren kasuan, ez dagoela "politika europar koherenterik" gehitu du. Azkenik, su-etenaren inguruan, egoera "lehen baino okerragoa" dela eta Israelek su-etena indarrean dagoenetik "600 pertsona baino gehiago hil" dituela adierazi du.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.