Ipar Euskal Herriko hainbat tren-zerbitzu etenda egongo dira bihar, Nils ekaitza dela eta
Baionako geltokia, artxiboko irudi batean. Argazkia: Wikipedia
Ipar Euskal Herriko hainbat tren-zerbitzu etenda egongo dira gaur iluntzetik bihar arratsaldera arte, Nils ekaitza dela eta. Zehazki, Hendaia eta Akize lotzen dituen linea, eta Baiona eta Puyoo artekoa gaur iluntzetik bihar arratsaldeko lehen ordura arte egongo dira etenda. Baiona eta Donibane Garazi lotzen dituena linea, berriz, ostiral goizera arte egongo zerbitzurik gabe.
SNCF tren konpainiak oharra kaleratu du gaur, zerbitzuan izango diren gorabeheren berri emanez. Agiriaren arabera, Akitania Berria osoan izango dira mozketak, eta ez dute trafikoa berrabiaraziko, harik eta erabateko segurtasuna bermatu arte.
Aurreikuspenen arabera, bihar goizaldean iritsiko da Nils ekaitza Ipar Euskal Herrira: orduko 120 eta 140 kilometroko ufadak espero dira. Frantziako Estatuko 19 departamendu alerta laranjak daude, haizeteengatik eta euriagatik.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
