Egoera baretu egin da ibaietan, baina iragarrita dauden euriteek adi egotera behartzen dute
Castejonen Ebro da maila laranjan eta aurrealerta egoeran jarraitzen duen bakarra. Araban, Uribarri Ganboako urtegiak kezka eragiten du, azken orduotan hirukoiztu egin baita askatzen ari den ur kopurua.
Ibaien ur-emariari begira egon gara asteburuan, batez ere Nafarroan eta Araba aldean, eta azken orduotan egoera baretu egin bada ere, datozen egunetarako iragarrita dauden prezipitazioak adi jarraitzera behartzen dute.
Arga, Ega eta Ebro ibaiak uraz gainezka jaitsi dira asteburuan. Prezipitazio ugari egin du, euria etenik gabe bota du, eta, ondorioz, errepide batzuk itxita egon dira, eta itxita jarraitzen dute batzuek, eta erreka ondoko parke eta lursail batzuk urak hartuta daude.
Ebrok maila laranjan jarraitzen du Castejonen, aurrealerta egoeran, 6,51 metroko altuerarekin, eta maila gorrira iristekotan ere egon da. Azken orduotan egonkortu egin da egoera, baina Foruzaingoak eta larrialdi taldeak hurbiletik zaintzen ari dira.
Araban Uribarri Ganboako urtegiaren inguruko herrietan dago kezka handiena. Azken orduotan hirukoiztu egin du askatzen ari den ur kopurua, eta Zadorra ibaiak gainezka egingo ote duen erne daude.
URA euskal agentziaren arabera, ez dago arriskurik eta protokolo guztiak betetzen ari dira, baina asteburu osoan urez husten aritu izan badira ere, ur gehiago sartu da atera dena baino, dagoeneko % 89ko betetze-mailan dago, eta gaur goizean euri asko egingo duela dio iragarpenak.
Larunbatean segundoko 15 metro kubiko ur askatu zituen Uribarriko urtegiak, igande goizean 24 metro kubikora pasa zen, eta igande eguerdiaren ondoren 45 metro kubiko ur askatzen aritu zen. Baina urtegia gehiago bete da asteburuan, eta ehuneko 86tik ia 89ra igo da urtegiaren betetze maila, Ebroko Ur Konfederazioaren datuen arabera.
URA euskal agentziaren arabera, oraingoz, urtegiaren inguruan, Mendibil, Durana eta Gamarran urak ez du gainezka egin. Iragarpena bete eta gaur goizean euria gogoz egiten badu, murriztuko dute Ulibarri kanporatzen dabilen kopurua, uholderik gerta ez dadin.
Zure interesekoa izan daiteke
Metro Bilbaok zerbitzua eten du Plentzia eta Ibarbengoa geltokien artean, matxura tekniko batengatik
Antza denez, hornidura elektrikoan izandako akats baten ondorioz eten behar izan dute zerbitzua.
Alberto Martinezek 21 neurri eta kartilla digital bat iragarri ditu, iraungitako txertoen harira
Sailak 84 akats atzeman ditu, 2025ean emandako 168.841 dosi berrikusi ditu, eta indartze-plan bat aktibatu du 1,5 milioi euroko inbertsioarekin, txertaketa-sisteman "akatsik eza" lortzeko bidean aurrera egiteko.
Uholde arriskuari aurre egiteko planaren larrialdi aurreko fasea aktibatu dute Nafarroan
SOS Nafarroak abian jarri du euriteei eta ibai-emarien bilakaerari aurre egiteko plana.
Hamar polizietatik seik uste dute segurtasunik eza hedatu dela, Esan sindikatuaren arabera
Ertzaintzako eta udaltzaingoetako agenteen % 82k uste dute delitugileek "benetako ondoriorik ez" izateak sentsazio hori areagotzen duela.
Bilboko metroaren tren bat hustu dute Leioan, mugikor baten bateriak eztanda egin baitu
Gertakaria 08:30ean izan da, beteta zihoan konboi batean, eta ez da zerbitzua eten beharrik izan.
Ega Andosillan bere onera itzulita, Castejonen bakarrik jarraitzen du indarrean prealerta egoerak
Ebroren ur emaria gertutik ari dira zaintzen Castejon parean. Errepideei dagokienez, A-15eko errei bat itxita dago eta bigarren mailako bi errepide ere itxita daude Nafarroan, uholdeen eraginez.
Markitos erre dute Zalduondon, ohiturari eutsita
Makila luze batetik zintzilikatu ondoren, gurdi gainean ibili dute Markitos pertsonaia, kalean gora eta behera. Herrikoen bistan eta musikaz eta dantzaz lagunduta, urteko gaitzen erruduntzat jo eta erre egin dute ondoren.
Gizon baten gorpua aurkitu dute Aturri ibaian Gixunen, Lapurdin
Jendarmeek ikerketa abiatu dute baina oraindik ezin izan dute zehaztu biktimaren nortasuna.
Txorierriko igarobidea ireki dute Bilbora bidean
Arratsaldean istripu larria izan da. Bilborako noranzkoan zihoan auto bat bidetik atera da, eta gidaria ibilgailuan harrapatuta geratu da.