Egoera baretu egin da ibaietan, baina iragarrita dauden euriteek adi egotera behartzen dute
Castejonen Ebro da maila laranjan eta aurrealerta egoeran jarraitzen duen bakarra. Araban, Uribarri Ganboako urtegiak kezka eragiten du, azken orduotan hirukoiztu egin baita askatzen ari den ur kopurua.
Ibaien ur-emariari begira egon gara asteburuan, batez ere Nafarroan eta Araba aldean, eta azken orduotan egoera baretu egin bada ere, datozen egunetarako iragarrita dauden prezipitazioak adi jarraitzera behartzen dute.
Arga, Ega eta Ebro ibaiak uraz gainezka jaitsi dira asteburuan. Prezipitazio ugari egin du, euria etenik gabe bota du, eta, ondorioz, errepide batzuk itxita egon dira, eta itxita jarraitzen dute batzuek, eta erreka ondoko parke eta lursail batzuk urak hartuta daude.
Ebrok maila laranjan jarraitzen du Castejonen, aurrealerta egoeran, 6,51 metroko altuerarekin, eta maila gorrira iristekotan ere egon da. Azken orduotan egonkortu egin da egoera, baina Foruzaingoak eta larrialdi taldeak hurbiletik zaintzen ari dira.
Araban Uribarri Ganboako urtegiaren inguruko herrietan dago kezka handiena. Azken orduotan hirukoiztu egin du askatzen ari den ur kopurua, eta Zadorra ibaiak gainezka egingo ote duen erne daude.
URA euskal agentziaren arabera, ez dago arriskurik eta protokolo guztiak betetzen ari dira, baina asteburu osoan urez husten aritu izan badira ere, ur gehiago sartu da atera dena baino, dagoeneko % 89ko betetze-mailan dago, eta gaur goizean euri asko egingo duela dio iragarpenak.
Larunbatean segundoko 15 metro kubiko ur askatu zituen Uribarriko urtegiak, igande goizean 24 metro kubikora pasa zen, eta igande eguerdiaren ondoren 45 metro kubiko ur askatzen aritu zen. Baina urtegia gehiago bete da asteburuan, eta ehuneko 86tik ia 89ra igo da urtegiaren betetze maila, Ebroko Ur Konfederazioaren datuen arabera.
URA euskal agentziaren arabera, oraingoz, urtegiaren inguruan, Mendibil, Durana eta Gamarran urak ez du gainezka egin. Iragarpena bete eta gaur goizean euria gogoz egiten badu, murriztuko dute Ulibarri kanporatzen dabilen kopurua, uholderik gerta ez dadin.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.