Abokatua eta aholkularitza debalde euskara-eskakizunen aurka egiteko, talde antolatu baten bidez
Argia aldizkariak argitaratu duenez, taldeak jendea bilatzen du lan-eskaintza publikoetara aurkezteko, interesik eduki ez arren, helegiteak aurkez ditzaten. ELA eta LAB sindikatuek gogor salatu dute plataformaren prozedura.
Oldarraldi judizialaren aurkako Kontseiluaren deialdia. Argazkia: EITB Media
Abokatua eta aholkularitza doan eta talde baten babesa, euskara-eskakizunen aurka egiteko. Horixe da Hiztunen Berdintasunaren Alde-Unidas por la Igualdad Lingüística plataformak lanpostu publikoetako euskara-eskakizunen aurka egiteko prest agertzen direnei eskaintzen diena, Argia aldizkariak argitaratu duenez.
Plazaratutako informazioan islatzen denez, gainera, plataformak jendea bilatzen du lan-eskaintza publikoetara aurkezteko, interesik eduki ez arren, helegiteak aurkez ditzaten. Helburua izango litzateke epaitegiek atzera botatzea deialdi publiko horiek, euskara-eskakizunak gehiegizkoak direla argudiatuta.
Argiak zabaldu duenez, 2024ko azaroan sortu zen plataforma horren jatorrian dagoen taldea: Grupo Unid@s por una Exención Lingüística Real. Iazko ekainean, berriz, izena aldatu zuten, eta harrezkeroztik Hiztunen Berdintasunaren Alde-Unidas por la Igualdad Lingüística plataforma deitzen da.
Harrezkero, elkarretaratzeak egin izan dituzte, baita bilerak Eusko Jaurlaritzarekin eta alderdi politikoekin ere. Hala ere, ez zegoen agerian plataformak nola funtzionatzen zuen deialdi publikoen aurrean; beste zenbait abokatuk eta taldek azken urteotan erabilitako funtzionamenduaren antzekoa da.
Argitaratutako informazioan plataforma horren funtzionamenduaren inguruko adibide esanguratsu bat islatzen da, Errenteriako Udalak berriki zabaldu duen LEP bat atzera botatzeko. “Izena eman eta helegitea jarriko duen norbait beharko litzateke, ez da beharrezkoa azterketara joatea”, zabaldu zuten WhatsApp talde baten bidez.
Errenteriako Udalak martxoaren 2an jakinarazi zuen 25 administrari lanpostu betetzeko Lan Eskaintza Publikoko deialdia “eteteko” erabakia hartu duela, herritar batek euskara eskakizunen aurkako helegitea aurkeztu baitzuen.
Alderdi eta sindikatuen erantzuna
Sindikatu nagusiek haserrea agertu dute informazioaren aurrean. ELAren arabera, argitaratutako informazioak erakusten du “euskaldunon hizkuntz eskubideen aurkako kanpaina antolatua dagoela”, eta “oldarraldi judizial euskarafoboak oldarraldi politiko eta sindikal bati erantzuten diola”.
“ELA sindikatuak aurretiaz salatu zuen CCOO sindikatuaren jarrera eta ekimen euskarafoboa. Langile gazteleradun elebakarren ustezko lan eskubideak aitzakia gisa erabili ditu langile eta herritar euskaldunon hizkuntz eskubideen aurkako kanpaina judizial orokor bat abiatzeko, eskuin muturreko Manos Limpias sindikatuaren gisara”, adierazi dute.
LABek, berriz, “berme legal sendoak” eskatu ditu “euskararen normalizazioa zapuztu eta euskaldunon hizkuntza eskubideak urratzen dituen oldarraldi politiko, sindikal eta judizial euskarafoboaren ekinbidea gerarazteko”.
Bestalde, EH Bilduk salatu du informazioak islatzen duen prozedura “larria” dela. “Herri honetan bada euskararen aurkako oldarraldia ukatu duenik. Gaur, gainera, hori guztia antolatuta dagoela egiaztatu dugu. Dei egiten diegu alderdi eta eragileei salaketarekin bat egin, eta, gertakarien larritasuna ikusita, ekimena har dezaten”, adierazi du Josu Aztiria legebiltzakideak.
Zure interesekoa izan daiteke
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu du, "bizikidetza arazoak" sortzen dituela eta "delinkuentzia igotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.
HIES kasuak 125etik 95era jaitsi dira aurten, baina adituek zuhurtzia eskatu dute
HIES kasu berrien kopuruak behera egin du aurten, iazko 125etatik 95era. Zuhurtziaz hartu beharreko datua da Harribeltza elkartearen esanetan, lehen aldia delako eta beheranzko joera urteekin ikusten delako. Bereziki kezkagarritzat jo dute gainontzeko sexu-bidezko infekzioek izan duten "izugarrizko" gorakada.
Busturialdeko eta Lea-Artibaiko 21 udalerritako ur-kontsumoa mugatzea gomendatu dute
Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz-Arteaga, Ibarrangelu, Kortezubi, Mendata, Mundaka, Murueta, Muxika, Sukarrieta, Ispaster, Berriatua, Etxebarria, Markina-Xemein eta Ondarroa dira ur-eskasiak kaltetutako herriak.
Sarek eta Donostiako Piratek abuztuaren 14rako mobilizazioa deitu dute euskal preso, iheslari eta deportatuen alde
Bi eragileak elkarrekin aritu dira lanean lehen aldiz, eta indarrak batu dituzte “gatazkaren ondorioei konponbide integrala" emateko beharra azpimarratzeko.
Gizon bat atxilotu dute Bartzelonan, bikotekidea hiltzea egotzita
Hilketa atzo arratsaldean gertatu zen. Erasotzaileak labankadaz hil zuen emakumea, Bartzelonako Sant Marti barrutiko etxebizitza batean, eta, ondoren, ihes egin zuen. Etxebizitzan, bikotearen bi seme-alaba adingabeak zeuden.
Elikagai bankuetako erabiltzaileen narriadura fisiko eta mentala agerian utzi du Nafarroan egindako ikerketa batek
Nafarroako Elikagaien Bankuen Fundazioak eta Nafarroako Unibertsitate Publikoak bultzatutako ikerketa baten arabera, elikagaiak jasotzen dituzten erabiltzaileen eta gainerako herritarren arteko osasun arrakala "sakona" da.
Gasteizko jaietako bi protagonista gazteak: Haizea Lauzirika eta Ekain Gonzalez, Edurne eta Zeledon Txiki izateko prest
Ekain Gonzalez eta Haizea Lauzirika kuadrilletako kideek ilusio handiz bizi dituzte jaiak, eta hunkituta hartu dute abuztuaren 7an Andre Maria Zuriaren plazan izango duten erantzukizuna. Maider Etxebarria alkateak lanabesak eman dizkie: euritakoak eta ardo-zahatoa. Zeledonen, Zeledon Txikiren eta Edurneren panpinak ere egun handiaren zain daude Goiuri jauregian.
Albiste izango dira: Sute arriskua beroagatik, Osakidetzako sindikatuen mobilizazioak eta Ekialde Hurbileko gerra
Gaurkoan Orain-en albiste izango direnen laburpena, bi hitzetan.