Abokatua eta aholkularitza debalde euskara-eskakizunen aurka egiteko, talde antolatu baten bidez
Argia aldizkariak argitaratu duenez, taldeak jendea bilatzen du lan-eskaintza publikoetara aurkezteko, interesik eduki ez arren, helegiteak aurkez ditzaten. ELA eta LAB sindikatuek gogor salatu dute plataformaren prozedura.
Oldarraldi judizialaren aurkako Kontseiluaren deialdia. Argazkia: EITB Media
Abokatua eta aholkularitza doan eta talde baten babesa, euskara-eskakizunen aurka egiteko. Horixe da Hiztunen Berdintasunaren Alde-Unidas por la Igualdad Lingüística plataformak lanpostu publikoetako euskara-eskakizunen aurka egiteko prest agertzen direnei eskaintzen diena, Argia aldizkariak argitaratu duenez.
Plazaratutako informazioan islatzen denez, gainera, plataformak jendea bilatzen du lan-eskaintza publikoetara aurkezteko, interesik eduki ez arren, helegiteak aurkez ditzaten. Helburua izango litzateke epaitegiek atzera botatzea deialdi publiko horiek, euskara-eskakizunak gehiegizkoak direla argudiatuta.
Argiak zabaldu duenez, 2024ko azaroan sortu zen plataforma horren jatorrian dagoen taldea: Grupo Unid@s por una Exención Lingüística Real. Iazko ekainean, berriz, izena aldatu zuten, eta harrezkeroztik Hiztunen Berdintasunaren Alde-Unidas por la Igualdad Lingüística plataforma deitzen da.
Harrezkero, elkarretaratzeak egin izan dituzte, baita bilerak Eusko Jaurlaritzarekin eta alderdi politikoekin ere. Hala ere, ez zegoen agerian plataformak nola funtzionatzen zuen deialdi publikoen aurrean; beste zenbait abokatuk eta taldek azken urteotan erabilitako funtzionamenduaren antzekoa da.
Argitaratutako informazioan plataforma horren funtzionamenduaren inguruko adibide esanguratsu bat islatzen da, Errenteriako Udalak berriki zabaldu duen LEP bat atzera botatzeko. “Izena eman eta helegitea jarriko duen norbait beharko litzateke, ez da beharrezkoa azterketara joatea”, zabaldu zuten WhatsApp talde baten bidez.
Errenteriako Udalak martxoaren 2an jakinarazi zuen 25 administrari lanpostu betetzeko Lan Eskaintza Publikoko deialdia “eteteko” erabakia hartu duela, herritar batek euskara eskakizunen aurkako helegitea aurkeztu baitzuen.
Alderdi eta sindikatuen erantzuna
Sindikatu nagusiek haserrea agertu dute informazioaren aurrean. ELAren arabera, argitaratutako informazioak erakusten du “euskaldunon hizkuntz eskubideen aurkako kanpaina antolatua dagoela”, eta “oldarraldi judizial euskarafoboak oldarraldi politiko eta sindikal bati erantzuten diola”.
“ELA sindikatuak aurretiaz salatu zuen CCOO sindikatuaren jarrera eta ekimen euskarafoboa. Langile gazteleradun elebakarren ustezko lan eskubideak aitzakia gisa erabili ditu langile eta herritar euskaldunon hizkuntz eskubideen aurkako kanpaina judizial orokor bat abiatzeko, eskuin muturreko Manos Limpias sindikatuaren gisara”, adierazi dute.
LABek, berriz, “berme legal sendoak” eskatu ditu “euskararen normalizazioa zapuztu eta euskaldunon hizkuntza eskubideak urratzen dituen oldarraldi politiko, sindikal eta judizial euskarafoboaren ekinbidea gerarazteko”.
Bestalde, EH Bilduk salatu du informazioak islatzen duen prozedura “larria” dela. “Herri honetan bada euskararen aurkako oldarraldia ukatu duenik. Gaur, gainera, hori guztia antolatuta dagoela egiaztatu dugu. Dei egiten diegu alderdi eta eragileei salaketarekin bat egin, eta, gertakarien larritasuna ikusita, ekimena har dezaten”, adierazi du Josu Aztiria legebiltzakideak.
Zure interesekoa izan daiteke
Ertzaintzak 255 marihuana-landare aurkitu ditu Lemoan, etxebizitza batean sutea piztu ostean
Etxean bizi zen gizonak onartu du landareak bereak zirela, eta horregatik atxilotu dute osasun publikoaren aurkako delitu bat egotzita.
Askotariko proposamenak San Prudentzio eta Estibalizko Andra Mariaren jaietarako
Tradizioa, kultura eta musika uztartzen dituzten proposamenak prestatu dituzte adin guztietako jendearentzako. Apirilaren 24an, ostirala, hasiko dira jaiak, Probintzia Plazan egingo den pregoiarekin. Antonio Altarriba saiakeragile eta eleberrigileak egingo du aurten pregoia.
Negu Gorriak elkarteak manifestazioa deitu du larunbaterako, Aranzaditik etxegabeak kanporatu izana salatzeko
Udalak emandako erantzuna kritikatu du kolektiboak, "aldi baterako konponbideekin" arazoari ez zaiolako errotik heltzen. Etxegabeentzat "egiturazko neurriak" eskatu dituzte.
Gaurtik, eskaintza osasungarri eta jasangarria izan beharko dute Hego Euskal Herriko eskola-jantokiek
Hego Euskal Herriko eskoletan, jangelek aurrerantzean derrigorrez bete beharko dute elikadura osasungarria bermatu asmo duen legea. Besteak beste, fruta eta barazkien kontsumoa bermatuko da, eta proteinen eta janari frijituen maiztasuna murritu. Horrez gain ikastetxeetako vending makinetako produktuek ere mugak izango dituzte.
Burdineria korrosioak jota zegoelako erori zen El Bocaleko pasabidea, perituaren esanetan
Peritu judizialak azaldu duenez, loturetako batean izandako akatsak beste loturen gaineko karga handitu zuen, eta horrek lehen eta bigarren mailako habeen arteko lotura guztiek huts egitea eragin zuen, eta taula erorarazi. Gainera, ondorioztatu duenez, ez dago egituraren mantentze-planik egin den ebidentziarik.
Renfek Donostiako tren-zerbitzua indartuko du, Kopako finala dela eta
Larunbat goizaldean (02:10ean) Donostiatik tren berezi bat irtengo da, Sevillako Cartuja geltokira 10:40an iristeko. Itzulerako trena Atletico Madril eta Realaren arteko partida amaitu ondoren aterako da Gipuzkoako hiriburura.
Zumaian agertutako gorpua Eibarren desagertutako 60 urteko emakume batena da
Autopsiaren arabera, pasa den igandean Itzurun hondartzan agertutako gorpuak ez zuen kriminalitate zantzurik. Apirilaren 13an, emakumearen senide batek agertu barik zegoela salatu zuen Eibarko ertzain-etxean, hilaren 11tik haren berririk ez zuelako.
Bertan behera gelditu da Lapurdin isuri gutxiko eremua sortzeko egitasmoa, eta aurrerantzean ere ez da bereizgarririk beharko
Lehen Asanblea Nazionalak egin bezala, orain Senatuak bidea itxi dio Lapurdiko kostaldean isuri gutxiko eremua sortzeko neurriari. Frantziako Gobernuak proposatutako neurriari ultraeskuinak jarritako ebazpena aintzat hartu du Ganberak.
Emakume bat atxilotu dute Bilbon, bikotekidea barruan zela lonja bati su emateagatik
Hainbat lekukok ikusi dute gertatutakoa: atxilotuak Atxuri auzoko lonja horren barrura zerbait bota du, eta sua piztu da gero. Emakumearen bikotekidea zegoen barruan, eta Basurtuko Ospitalera eraman dute.
Zabalik da erregularizazioa online egiteko aukera, eta aurrez aurre egiteko hitzordua eska daiteke
Eskabidea telematikoki egin ahal izateko, beharrezkoa da ziurtagiri elektronikoa izatea edo gaitutako profesionalen zein Atzerritarren Laguntzaileen Erregistroan inskribatutako erakundeen bitartez egitea. Eskabidea aurrez aurre egiteko hitzordua eska daiteke dagoeneko, baina datorren astelehenean, apirilaren 20an, hasiko da prozesua, tramiterako gaitutako puntuetan.