33 pertsona artatu behar izan dituzte EAEn beroagatik
EAE eta Nafarroako Erribera abisu horian egon dira beroagatik 13:00etatik 20:00etara. Igandean ere abisu horia errepikatuko da ordu tarte horretan. Gueñesen eta Laudion erregristratu dira eguneko maximoak: 38,5 eta 38 gradu, hurrenez hurren.
Busturiako Abiña hondartza. Erabiltzaile batek eitb.eus-i bidalitako argazkia.
Larrialdi zerbitzuek 33 pertsona artatu behar izan dituzte larunbat honetan Euskadin, tenperatura altuen ondorioz. Tenperatura, izan ere, 35 gradutik gorakoak izan da EAEko hainbat herritan, Osasun Sailak jakitera eman duenez.
2 eta 96 urte bitarteko pertsonei eman zaie arreta. Horietako bost tokian bertan atenditu dituzte eta alta eman diete, eta beste 28ak anbulantzian eraman dituzte osasun-zentroetara, baina inor ez dago larri.
Euskadin, abisu horia egon da aktibatuta 13:00etatik 20:00etara, muturreko tenperatura altuengatik, eta bihar ere ordu berean aktibatuko da.
Euskalmeten estazio meteorologikoetan bildutako informazioaren arabera, EAEko udalerri gehienetan tenperaturak 30 gradutik gora igo dira larunbat honetan, baina hainbat tokitan 35etik gora igo dira termometroak eta 38ra ere iritsi dira. Gueñesen izan da eguneko "errekorra", 38,5 gradurekin Sodupe-Cadaguako estazioan, Laudion 38 gradu erregistratu ditu Gardeako estazioak, Sopuertan ere 38 Jarraltako estazioak eta Zallan 36,7 gradu.
Gipuzkoan ere 35 gradutik gora erregistratu dira Bergaran (36,2), Alegian (35,7) eta Arrasaten (35,5), nahiz eta beroak lurralde osoa astindu duen.
Nafarroan ere abisu horia ezarri dute, baina Nafarroako Erriberan bakarrik.
AEMETeko estazio meteorologikoen sareak 18:10ak arte jasotako datuen arabera, Kasedak izan du eguneko tenperaturarik altuena 35,8 gradurekin, eta Larragak 35,2 ºC-rekin.
Iruñeko aireportuko estazioak 34,9 gradu erregistratu ditu, Los Arcosek 34,6 eta Errege Bardeetan dagoenak 34,5 gradu.
Zure interesekoa izan daiteke
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak gora egiten jarraitzen du, eta dagoeneko euskal herritarren % 60 kezkatzen du
Ikerketa Soziologikoen Zentroaren (CIS) datuekin alderatuta, etxebizitzak sortzen duen kezka 11 puntu handiagoa da Euskadin Espainian baino.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.
Bi atxilotu Bilbon, gazte bat jipoitu eta konorterik gabe uzteagatik
Erasoa 03:30ean gertatu da, Mazarredo kaleko gaueko aisialdirako lokal baten kanpoaldean. Anbulantzia batek Basurtuko ospitalera eraman du biktima, eta buruan hainbat puntu eman behar izan dizkiote.
Bi gazte atxilotu dituzte eta hiru agente zauritu dira Etxebarriko jaietan izandako liskarretan
Bart izan dira istiluak, San Antonioko jaietan. Udaltzainek gazte bat atxilotu dute, eta jendetza batu da agenteei eraso egin nahian. Hori dela eta, Ertzaintzari laguntza eskatu die Udaltzaingoak. Ertzainak bertaratu direnean, kristalezko botilak jaurti dizkiete eta agenteetako bat zauritu dute. Bi udaltzain ere erasotuak izan dira.
Bi pertsona atxilotu dituzte Ordiziako zenbait garajetan lapurtzeagatik
Patruila batek antzeko delituetan nahasita zegoen ibilgailu susmagarri bat aurkitu eta geldiarazi du, eta, autoa miatu ondoren, barruan hiru maleta, hozkailu bat, jantziak, erremintak, eskola materiala eta beste hainbat objektu aurkitu ditu.
Udan ere odola ematen jarraitzeko eskatu dute Odol-emaileen Nazioarteko Egunean
Euskal Autonomia Erkidegoan, herritarren %3k ematen dute odola. Iaz Euskadin, 79.000 odol-emate erregistratu ziren. Ez dago gaizki, baina gehiago beharko litzatekeela ohartarazi dute odol emaileen elkartetik, ospitaleetan eguneroko jarduera mantendu ahal izateko. Udan asko jaisten dira emateak, eta gogorarazi dute keinu txiki batek, odola emateak, bizitza ugari salba ditzakeela.