Arartekoak adierazi du eraginkorra dela bere jardunean: kasuen % 93etan Administrazioak erantzun egin zuen
Mikel Mancisidorrek joan den ekitaldiko jarduera-txostena aurkeztu du Eusko Legebiltzarrean; 16.637 jarduketa erregistratu zituen.
Arartekoak 2025eko bere jardunari buruzko txostena aurkeztu du, eta Bakartxo Tejeria Eusko Legebiltzarraren presidenteari helarazi dio. Iaz, 16.637 jarduera erregistratu ziren, Mikel Mancisidor Arartekoak esan duenez. Horietako askok Administrazioaren jardunbide okerrarekin zuten zerikusia, eta kasu horien % 93etan baino gehiagotan aipatutako administrazioek egoera zuzentzeko edo hobetzeko neurriak hartu zituzten.
Horrela, 16.600 jarduera horien tipologiari dagokionez, 13.008 lehen bi mailatakoak izan ziren: hasierako arreta edo kontsulta (8.643) eta herritarren orientazioa (4.365), Arartekoaren bulegoak informatu duenez.
Horrekin batera, kexei eta kontsultei buruzko 3.617 aholkularitza-espediente erregistratu ziren (3. maila), Administrazioarekin kontrastatu eta azterketa juridiko sakonagoa eskatzen zuten gaiei lotuta. Halaber, 12 jarduera ofizioz egin ziren (ofiziozko espedienteak edo gomendioen betetze-mailaren jarraipena).
Arartekoak “eraginkor” jardun du
Aipatutako administrazioen erantzunari dagokionez, Arartekoaren bulegoak erakundearen “eraginkortasuna” nabarmendu du. Izan ere, Administrazioaren jardunbide okerren bat antzeman den kasuen %93,12tan, “Administrazioak azaldutako egoera zuzentzeko edo hobetzeko jardun zuen”.
Kasu gehienetan, zuzenketa espedientea izapidetuz egin zen, gomendio formalik egin beharrik gabe. Bestalde, espediente bat izapidetzeko batez besteko denbora 66 egunetik beherakoa izan zen.
Erabiltzaileen gogobetetze-mailari dagokionez, % 70ek baino gehiagok arreta ona edo oso ona dela adierazi dute; % 63k baino gehiagok esku-hartze orokorra positibotzat edo oso positibotzat jo dute; eta % 80k Arartekora jotzea gomendatuko lukete.
Zure interesekoa izan daiteke
AEK-k nabarmendu du Euskal Herriak "era masiboan" erakutsi duela "euskara garela eta euskara izan nahi duela"
24.a "Pizkundearen Korrika" izan dela azpimarratu du Ane Elordik, "pizkunde berri baterako lehen txinparta", eta horixe islatu nahi izan dutela mezua Euskal Herriko zazpi gazteren esku utzita.
Aste Santuko trafikoa: Saihestu beharreko puntuak eta orduak
Aste Santuko Trafiko Operazio Berezia apirilaren 1ean jarriko dute abian, 15:00etan, eta apirilaren 6ko 21:00ak arte egongo da indarrean. Azken egun horretan, Itzuliaren hasierak are gehiago korapilatuko du errepideetako egoera. Aurreikusi dutenez, 540.000 joan-etorri izango dira Aste Santuan.
Jaurlaritzak webgune berri baten bidez zabalduko du abuztuaren 12ko eguzki eklipsearen gaineko informazio guztia
Eklipsearen inguruan sortzen den informazio guztia herritarren eskura jarriko dute eklipsea.euskadi.eus webgune ofizialaren bidez. Aurkezpen ekitaldian, Aranzadiko kide Virginia Garciak azpimarratu du, eklipsea ikusteko, betaurreko homologatuak erabili behar direla eta leku egokiak aukeratu behar direla.
Aurreko urtean baino 6.700 haur gutxiago matrikulatu ziren 2024-25 ikasturtean Haur eta Lehen Hezkuntzan
Eustaten inkestaren arabera, nabarmen ugaritu dira Lanbide Heziketako matrikulazioak, aurreko ikasturtean baino 2.842 lagun gehiago matrikulatu baitziren, % 6,1 gehiago, beraz, azken hamabost urteko hazkunderik handiena.
Elizaren sexu-abusuen biktimei kalte-ordainak emateko protokoloak ez ditu baremoak finkatu, eta kasuz kasu aztertuko dira
Espainiako Gobernuak, Eliza Katolikoak eta Espainiako Herriaren Defendatzaileak sinatuta, protokoloak apirilaren 15a ezartzen du biktimek eskaerak aurkezten hasteko data gisa.
Zauritu bat, Getxoko Fadura futbol zelaian, zaleen arteko borroka batean
Antza denez, bi zale elkarren kontra borrokatu dira, eta horietako bat zauritu da. Larrialdi zerbitzuei abisua eman diete, eta, azkenean, ez dute osasun-zentro batera eraman behar izan.
Gizaseme bat atxilotu dute Gasteizen, pertsonen trafikoa egotzita
Lehen ikerketen arabera, furgonetan zihoazenek dirua ordaindu zuten Frantziatik atera eta Espainiako joateko.
Melgosa: "Prebentzioan eta hezkuntzan gogor egin behar da lan, kirolean indarkeria saihesteko"
Partiduetara joan aurretik "frustrazioak etxean uzteko" eskatu du Berdintasun, Justizia eta Gizarte Politiketako sailburuak, eta helduengan jarri du arreta, "haurrek ikusten dutena ikasten baitute".
Irungo Landetxa futbol taldeko jokalari eta zaleek Hernanin izandako jarrera ikertuko du Gipuzkoako Futbol Federazioak
Larunbat gauean jokatu zen partidan, irain eta mehatxuak egin omen ziren 17 urteko arbitroaren kontra, eta Ertzaintzari abisua eman behar izan zioten ezer gerta ez zedin.