Gizon bat epaituko dute Gipuzkoan, Errenterian beste bat hiltzen saiatzea eta ospitalean hiltzeko mehatxua egitea egotzita
Gipuzkoako Auzitegiak gizon bat epaituko du hilabete honetan, Errenterian beste gizon bat hiltzen saiatzea eta, ondoren, Donostia Ospitalean osatzen ari zela mehatxu egitea egotzita, erasoa salatu ez zezan. Fiskaltzak hamar urteko espetxe-zigorra eskatu du auzipetuarentzat, giza hilketa saiakera eta justizia administrazioaren aurkako delitua egotzita.
Ministerio Publikoaren behin-behineko akusazioaren idazkiaren arabera, gertakariak 2024ko irailaren 24ko 00:20 aldera izan ziren. Akusatua eta biktima kalean elkartu ziren, eta eztabaida bat hasi zuten, aurrez izandako desadostasunengatik. Liskarrak iraun zuen bitartean, auzipetuak beste gizonari eraso egin zion objektu zorrotz batekin, eta hainbat zauri eragin zizkion toraxean eta besaurrean.
Biktima Donostia Unibertsitate Ospitalera eraman zuten, eta bertan ingresatuta geratu zen. Ebakuntza kirurgikoa egin behar izan zioten, lesioek bere bizitza arriskuan jartzen baitzuten. Ordu batzuk geroago, Fiskaltzaren arabera, zaurituak akusatuaren hainbat dei jaso zituen, gertaerak ez salatzeko, eta mehatxu egin zion "lepoa moztuko" ziola hala eginez gero.
Espetxe zigorraz gain, Ministerio Publikoak sei urteko zaintzapeko askatasuna, urruntzeko agindua, 6.000 euroko isuna eta biktimarentzat 5.623 euroko kalte-ordaina eskatzen ditu.
Zure interesekoa izan daiteke
Berrizen emaztea labankadaz larri zauritzeagatik atxilotutako gizonak polizia-etxean jarraitzen du, epailearen aurrean deklaratzeko zain
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.
Zelan eragingo du trafikoan Itzuliaren gaurko etapak?
Asteazken honetan Basaurin izango du abiapuntua eta helmuga, eta tartean 152,8 kilometro egingo ditu. Etapak eragina izango du trafikoan, besteak beste A-68an.
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
"Erasoen aurrean, autodefentsa feminista" aldarripean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.