Adinekoen Euskal Estrategiak lehen aldiz landuko du sexu aniztasuna
Adinekoen ongizate integrala sustatzeko, 16 proiektu biltzen ditu Jaurlaritzaren estrategia berriak. Horien artean, berritasunetako bat da Sexu Aniztasunaren eta Generoaren Estrategia, pertsona guztiek, adina edozein dela ere, beren sexualitateari dagokionez aske bizi daitezen.
"Adinekoei bizimodu osoa, autonomoa eta zentzuduna eskaintzea da, komunitate inklusiboak eta jasangarriak sustatuz, luzaroko bizia izango duen biztanleriaren egungo eta etorkizuneko beharrei erantzuteko". Helburu hori du Eusko Jaurlaritzak prestatu duen Adinekoen 2026-2029 Euskal Estrategiak. Donostiako Tabakalera eraikinean aurkeztu dute plana, 100 bat eragileren aurrean, gaur goizean. Azaldu dutenez, adinekoen, erakunde publikoen eta adituen ekarpenekin ondutako estrategia da.
Aurkezpenean, Nerea Melgosa Ongizate, Gazteria eta Erronka Demografikoko sailburuak adierazi du "estrategia berri honek adinekoen ongizate integrala bermatu" nahi duela. "Hau da, garapen osoa dimentsio fisiko, emozional eta sozialean. Hori guztia belaunaldien arteko elkartasunaren eta komunitate inklusiboen testuinguruan. Bizitza osoa autonomia, partaidetza eta bizi-zentzuko prozesu dinamiko gisa nabarmentzen da, eta belaunaldien arteko elkartasuna gizarte kohesionatu eta erantzukide baterako oinarri gisa", zehaztu du.
Datuak ere eman dituzte agerraldian. Demografia joeren arabera, Euskal Autonomia Erkidegoko biztanleen % 25,4k 65 urte edo gehiago dituzte, eta ehun urtekoen kopurua nabarmen handituko da 2038rako. Eustaten azken datuen arabera, bizi-itxaropena handitu egin da EAEn: emakumeena, 87 urtera arte, eta gizonena, 81,7 urtera arte.
16 ekintza-lerro
Estrategiak 16 ekintza-lerro biltzen ditu, horietatik batzuk lehendik datoz eta beste batzuk berriak dira. Horien artean daude beti ON zerbitzua, Biziaria proiektua eta Bizihabi programa.
Berritasun modura, lehen aldiz landuko da sexu aniztasunaren ikuspuntua, Sexu Aniztasunaren eta Generoaren Estrategia planaren bidez. Pertsona guztiek, adina edozein dela ere, beren sexualitatea modu askean bizi ahal izatea bilatu nahi da.
Nahi ez den bakardadearen aurkako borrokan ere ekimen berriak garatzea aurreikusi da, hala nola Solelab eta Landa-eremuetako Bakardadearen aurkako Proiektua. Lehenengoa, "nahi ez den bakardadea neurtzeko tresna bat da, bizitzako etapa guztietan bakardadeari heltzeko programa espezifiko bat garatzeko proposamena. Bigarren proposamena, berriz, landa eremuetara dago zuzendua; "gizarte-zentroak erreferentzia gune komunitario gisa" egituratzea da asmoa, "kultura, aisia eta gizarte partaidetzako jarduerak uztartuz".
Zure interesekoa izan daiteke
Booking.com plataformak hainbat bezeroren datuak agerira atera ditu, zibereraso bat jasan ostean
Konpainiak mezu bat bidali die bere erabiltzaileei, ohartarazteko "baimenik ez zuten hirugarren pertsonek" erreserbei lotutako informazioa eskuratzeko aukera izan dutela; izen-abizenak, helbideak, telefono zenbakiak eta bezeroek ostatuei emandako beste zenbait datu. Hala ere, enpresak ziurtatu du zibererasoak ez duela bankuko datuetan eraginik izan.
Ertzaintza Donostiako Alde Zaharrean izandako sexu-eraso bat ikertzen ari da
Martxoaren 31n gertatutako beste eraso baten ondoren jakin da honen berri; kasu hartako ustezko egilea espetxean dago jada.
Ander Aldazabal, Lekeitioko alkatea: "Justiziak arrazoi eman digu, eta alde horretatik oso pozik gaude"
Halere, Lekeitioko alkateak onartu egin du pena handiz hartu duela Udalak inguruko herrietako bizilagunei EAEko Auzitegi Nagusiak ezarritako muga. "Horri irtenbidea emateko ditugun aukerak aztertzen gabiltza, baina orain legea bete behar dugu, eta, aurten, behinik behin, ezingo dute egoiliarren txartela eskuratu", erantsi du.
Hainbat lagun atera dituzte Iruñeko Aranzadiko komentu zaharretik, birgaitze lanak hasi behar dituzte eta
Udalak aldi baterako bizitoki aukerak eskaini dizkie agustindarren komentu zaharrean lo egiten zuten (75 ziren) lagun gehienei. Bertan, sendatze neurologikorako osasun-zentro bat egongo da.
Auzitegi Nagusiak onartu egin du Lekeitioko aparkaleku sistema, baina herrigunea egoiliarrentzat utzita
Udalak ezarritako aparkaleku sistema egokitzat jo du, beraz, EAEko Auzitegi Nagusiak, nahiz eta ebatzi duen puntu batean orain arteko araua "diskriminatzailea" zela, Munitibarko, Aulestiko, Gizaburuagako, Amorotoko, Mendexako, Ispasterko eta Eako bizilagunek bazutelako herrigunean aparkatzeko aukera; gainerako ez-egoilarrek ez bezala.
Butroeko gazteluaren zaharberritzea azken fasean sartu da, eta uda baino lehen amaituko dituzte lanak
2024an hasitako lanek egitura-arazo nagusiak konpondu dituzte, eta gaur egun barruko akaberekin dabiltza lanean.
Osakidetzak telerrehabilitazio zerbitzua jarriko du martxan, aurrez aurreko eta online saioak uztartzen dituen eredu hibridoa
Sorbaldako, lunbarreko eta lepoko patologia duten gaixoak izango dira telerrehabilitzazioa jasotzen lehendabizikoak. Araban hasiko da oraingoz, baina asmoa da lurralde guztietara zabaltzea.
Martxan da Astigarraga ospitaleekin eta unibertsitateekin lotzen dituen Lurraldebus BU14ren linea berria
Lineak astelehenetik ostiralera emango du zerbitzua, orduero. Lehen bidaia 07:15ean aterako da, Astigarragatik, eta, azkena, 21:25ean. Kontrako noranzkoan, lehen autobusa 08:00etan aterako da unibertsitateetatik, eta azkena, 22:00etan.
Zabalik da Haurreskolak Partzuergoko ikastetxeetan izena emateko epea
Familiek eskabidea online zein aurrez aurre aurkeztu ahal izango dute, haur-eskolen sare publikoko edozein ikastetxetan, lehentasunaren arabera ordenaturik, maiatzaren 4ra bitartean. Behin betiko zerrendak ekainaren 26an argitaratuko dira.