Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren kontrako sexu-abusuekin lotutako edukiak sortzeko helburu bakarra duten adimen artifizialeko sistemak debekatu egingo dira 2026ko abenduaren 2az geroztik. Grok X sare sozialeko AAko tresnak sortutako ika-mikaren ondoren adostu dute neurria.
EBren betoa AArekin sortutako irudi sexualizatuak sortzeko. Argazkia: Orain
Europar Batasuneko erakundeak akordioa egin dute ostegun honetan, inoren baimenik gabe adimen artifizialarekin sortutako irudi sexualizatuak debekatzeko.
Goizaldean lortutako akordioaren arabera, debekatu egingo dira mota horretako irudiak eta haurren sexu-abusuarekin lotutako edukiak sortzeko helburua duten adimen artifizialeko sistemak. Era berean, hainbat helburutarako erabil daitezkeen sistemak ere debekatuko dira, baldin eta eduki hori zabaltzea eragozteko «arrazoizko segurtasun-neurririk» ez badute.
Debekua 2026ko abenduaren 2an sartuko da indarrean, eta Grok X sare sozialeko adimen artifizialeko tresnarekin sortutako irudiek piztutako eztabaidaren ondoren adostu dute neurria. Ordura arteko epea izango dute babes-neurri egokiak diseinatzeko.
«Gure enpresek eta herritarrek bi gauza nahi dituzte adimen artifizialaren gaineko araudietan: berritzeko aukera izatea eta seguru sentitzea. Gaurko akordioak bi helburu horiek betetzen ditu», adierazi du sare sozialetan Henna Virkkunen Europako Batzordearen presidenteordeak.
Horrela, EBk beste muga bat ezarri dio eduki mota horri, estatu kideetako zigor-zuzenbideek dagoeneko zigortzen duten jardunaren aurrean.
Gainera, Europar Batasuneko erakundeek 2026ko abendura arte atzeratu dute adimen artifizialarekin sortutako eduki guztiei —argazkiei, bideoei eta audioei— ur-markak jartzeko betebeharra, erabiltzaileek erraz identifika dezaten makina batek sortutako edukiak direla.
Zure interesekoa izan daiteke
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da, tenperatura altuek eragindako arazo teknikoengatik.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertuko sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko erreietako bati eragin dio suteak, eta, ondorioz, arazoak izan dira zirkulazioan. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.