Bularreko minbizia atzemateko baheketa programa 45 eta 74 urte arteko emakumeei egingo zaie
Orain arte, bi urtean behin baheketa egiteko Estatuko Osasun Publikoaren Batzordeak ezarritako adin tartea 50etik 69ra artekoa zen. Gaur iragarritako neurriarekin, bost urte lehenago hasiko dira azterketa egiten, eta bost urte geroago amaitu.
Artxiboko irudia. Argazkia: Europa Press
Estatuko Osasun Publikoko Batzordeak zabaldu egin du bularreko minbizia atzemateko programa; aurrerantzean, 45 urtetik 74 urtera arteko emakumeei egingo zaie baheketa. Erkidego guztietan ezarri beharko da neurria, eta horretarako, sei urtera arteko tartea izango dute pixkanaka egokitzen joateko.
Orain arte, bi urtero baheketak egiteko Estatuak ezarritako adin tartea 50-69 da. Gaur iragarritako programan ere bi urtean behin egitea aurreikusten da, baina bost urte lehenago hasiko dira emakumeei azterketak egiten, eta bost urte geroago amaitu.
Erkidego guztiek bete beharreko baldintza da hori, baina tokian-tokian programek ñabardurak dituzte. Hego Euskal Herriari dagokionez, Euskal Autonomia Erkidegoan Osakidetzak 2026 honetatik aurrera 48tik 69 urte arteko emakumeei egiten die baheketa, eta datorren urtetik aurrera, 45era jaistea aurreikusten da.
Nafarroan, bestalde, Osasunbidearen programa 45-69 urteko emakumeei zuzenduta dago. Bi erkidegoetan, minbizi kasuen aurrekariak dituztenek 40 urtetik aurrera has daitezke baheketak egiten.
Espainiako Gobernuko Osasun Ministerioak jakinarazi duenez, 2025-2029 urte artean 534 milioi euroko aurrekontua izango du gaur iragarritako neurriak. Halere, hainbat erkidegotan —EAEn eta Nafarroan, kasurako— adin tarteak zabaltzen hasita daude lehendik, eta aurrekontu hori ez da zehatza.
Osasun Teknologiak Ebaluatzeko Agentzien Sareak (RedETS) eta Europar Batasuneko Kontseiluak emandako gomendioak eta ebidentzia klinikoak hartu dira kontuan, baheketa programa egokitzeko. Estatuko datuen arabera, bularreko minbizien % 10 inguru 50 urtetik beherako emakumeei atzematen zaizkie.
Halaber, azken urteotako emaitzek erakusten dute 45-49 urte artean atzemandako kasuetan, hilkortasun tasa txikiagoa dela, tumoreak fase goiztiarretan aurkitzen direlako, oro har.
Zure interesekoa izan daiteke
Almeriako baso-sutea egonkortu dute, eta 1.000 pertsona etxera itzuli ahal izango dira
Guztira 7.000 hektarea erre ditu suak, eta 12 dira hildako pertsonak, eta 18 zaurituak, horietako bost larri.
Gasteizko Ironmaneko lehiakide bat hil da
25 urteko gizonezko britainiarra ondoezik sentitu da Uribarri Ganboako urtegiko igeriketa proban, eta bertan hil da.
Gizonezko bat hil da gaur goizean Orioko hondartzan
39 urteko gizonezkoa ondoezik atera dute uretatik, eta suspertzen saiatu diren arren, bertan hil da.
Bi pertsona atxilotu dituzte Usurbilen, botika baten 52.000 dosi atzeman ostean
Gainera, beste pertsona bat ikertzen ari dira, Gipuzkoako farmazia baten arduraduna, azken bi urteetan botika horren "eskaera handiak" egin dituena.
33 urteko gizon bat hil da Errenterian, arma zuriz egindako zauriak direla eta
Ertzaintzak 23 urteko gizon bat atxilotu du, labankada bat eman diolakoan. Gertakariak 09:00ak aldera jazo dira, Kaputxinos auzoko ostalaritza-establezimendu baten inguruan.
Entzierro zirraragarria, La Palmosillako zezenen eskutik
Une arriskutsuak bizi izan dira lasterketan, baina korrikaldi politak ere ikusi ahal izan dira bi minutu eta 23 segundo iraun duen entzierroan. Pertsona bat zauritu da ukondoan adarkada bat jasota.
Bi ikusle ospitalera eraman dituzte Tolosan, Donosti Cupeko partida batean izandako istiluengatik
Murtziako eta AEBko 10 eta 11 urte arteko umeen bi talde ari ziren lehiatzen, eta jarraitzaileak borrokan hasi ziren harmailan.
Los Gallardoseko sutea ez da hedatu eta badirudi aurki egonkortzeko modua izango dutela
Haizeak eta hezetasun mailak arnasaldia eman dute eta aukera baliatu dute suhiltzaileek hura kontrolpean hartzen saiatzeko. "Suak ez du aurrera egin gaur", jakinarazi du pozarren Bolaños ministroak.
Gizon bat atxilotu dute Santutxuko meskita batean pintaketak egiteagatik, gorroto-delitua egotzita
Gertakariak 09:30ean jazo dira. Ertzaintzak abisu bat jaso du, ohartaraziz pertsona bat pintaketak egiten ari zela komunitate musulmanaren aurkako gorroto-adierazpenekin.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.