48 urteko zigorra ezarri diete Panaman Eneritz Argintxona erandiotarra hiltzeagatik akusatutako bi gizonei
30 urteko zigorra bete beharko dute feminizidioagatik eta 18 larriagotutako lapurretagatik. Erdialdeko Amerika zeharkartzen ari zen Argintxona 2024ko udan, eta uztailean hil egin zuten, Bocas del Toro artxipelagoan zegoela. Ikerketak argitu duenez, orain kondenatutakoek kolpatu egin zuten neska "haren gauzak kentzeko asmoz", eta hil egin zuten.
Panamako auzitegi batek 48 urteko kartzela-zigorra ezarri die bi gizoni Eneritz Argintxona Fraile 30 urteko turista bizkaitarra hiltzeagatik eta lapurreta egiteagatik, Bocas del Toro artxipelagoan (Karibe), 2024ko uztailean.
Ekainaren amaieran Justiziak erruduntzat jo ostean, astelehen honetan epaia irakurri dute, eta 30 urteko zigorra ezarri diote bakoitzari feminizidio delituagatik, eta 18 urtekoa lapurreta larriagotuagatik Ministerio Publikoak (MP, Fiskaltza) prentsa-ohar batean zehaztu duenez.
Epaiketan zehar, Bocas del Toroko Fiskaltza Erregionalak bi akusatuen erantzukizun penala egiaztatzea lortu du, 2024ko uztailaren 23an Isla Carenero herrian izandako gertakariengatik egindako ahozko epaiketan. Zehazki, Fiskaltzak frogatu ahal izan du atxilotuetako batek matxete baten kirtenarekin bortizki jo zuela gaztea, eta besteak mugikorra eta argazki-kamera lapurtu zizkiola.
"50 froga baino gehiago aurkeztu dituzte, bi akusatuen erantzukizun penala egiaztatzea ahalbidetu zuten lekukotza, eta froga perizial eta dokumentalen artean", eta, horiekin guztiekin, aho batez eman du epaia auzitegiak.
Eneritz Argintxona Fraile, erandiokoa bera, 2024ko uztailaren 23an ikusi zuten azkenengo aldiz Carenero uhartean, Bocas del Toro artxipelagoan. Bi egun geroago, hilotz bat topatu zuten hondartza batean, eta egun batzuetara egiaztatu egin zuten hildakoa emakume bizkaitarra zela.
Emakumea buruan jasotako kolpe baten ondorioz hil zela argitu zuen autopsiak, eta, hortaz, hasieratik baztertu zen istripuaren aukera.
Zure interesekoa izan daiteke
25 urteko emakume bat atxilotu dute Eltziegon, bikotekidea harrapatzea leporatuta
Etxeko indarkeriaren esparruan hilketa-saiakera delitua egotzi diote. Gertaera larunbat goizean jazo da, 07:30ak aldera. Atxilotua polizia-etxera eraman dute eta, eginbideak amaitu ondoren, epailearen esku utziko dute.
20 urteko mutil bat hil da Lekeitioko Antzar Egunean, hesi batetik erorita; ospakizuna bertan behera utzi dute
Gaztea portuan zegoen, antzarren proba jarraitzen, eta bi metro inguruko altueratik erori da. Milaka lagun bildu dira gaur Lekeition, eta ekitaldia normaltasunez ari zen garatzen istripua gertatu den arte.
4.000 pertsona inguru bildu dira Donostiako Sagardo Egunean
Gipuzkoako 32 sagardotegitako sagardoak dastatzeko aukera eskaini dute. Trikitilari eta bertsolarien musikaz girotu dute eguna. Une hunkigarrienetako bat Jabier Ansorena eta Marian Matasen omenezko ekitaldia izan da.
Irailaren 5a Tokiko Memoria Demokratikoaren Egun izendatu dute Irunen
Irungo Udalak Tokiko Memoria Demokratikoaren Egun izendatu du irailaren 5a, Udaleko talde politiko guztien babesarekin. Kolpe militarra, gerra eta diktadura sufritu zituzten irundar guztiak oroitu dituzte gaur.
Ertzaintzak gizon bat atxilotu du Urdulizen, hiru pertsonari botilak jaurtitzea leporatuta
06:20 aldera jazo da erasoa, metro geltokitik gertu. 200 bat lagun bildu dira inguruetan. Atxilotua aurretik ere atxilotu dute antzeko gertakariengatik.
Behin-behineko espetxealdia ezarri diote Barakaldoko hilketaren susmagarriari
Barakaldoko lehen auzialdiko guardiako epaitegiak hartu du erabakia.
Hiru pertsona atxilotu dituzte Gernikan, 14 urteko neska haurdun bat ezkontzera behartzea egotzita
Hiru atxilotuak (adingabearen gurasoak eta 27 urteko gizon bat) behin-behinean aske utzi ditu epaileak. Hala ere, auzitegira joan beharko dute deitzen dituztenean. Halaber, 17 urteko mutil baten bila ari dira, haurraren ustezko aita, baina ez dute aurkitu.
Datorren astean hasiko dira Topoaren lurpeko pasanteko trenen probak
Azpiegitura Gabonetan egongo da erabiltzaileko prest, Eusko Jaurlaritzaren aurreikuspenen arabera.
Azpeitiko hilketaren ustezko egilea atxilotu dute Ondarroan
Ertzaintza haren bila ari zen asteartetik, eta azkenean, gaur goizaldean, ustezko hiltzaileak bere burua entregatu du ertzain-etxean. Arma bat zeraman soinean, baina oraindik ez dute jakinarazi hilketan erabilitakoa ote den.
Kontrolpean hartu dute Urzainkiko baso-sutea, abuztuaren 14an piztu eta astelehenean bizitu ondoren
Ostiral gauean brigada batek bertan jarraituko du, zaintza-lanak egiten. Joan den asteartean, itzaltze-lanek sutea perimetratzea ahalbidetu zuten, eta, horri esker, su-gune beroen gainean jardun ahal izan zuten. Ordutik, egoerak hobera egin du.