Jaurlaritzak ezingo dizkie funtzionarioen "hizkuntza baldintza berak" eskatu azpikontratutako enpresei
CC.OO. sindikatuaren helegite bati erantzunez, EAEko Justizia Auzitegi Nagusiak emandako epai bat berretsi du Gorenak. Behin betikoa da erabakia.
Auzitegi Gorenak berretsi egin du azpikontratatutako enpresen hizkuntza-baldintzen inguruan EAEko Auzitegi Nagusiak (EAEAN) emandako epaia; hori horrela, Eusko Jaurlaritzak ezingo dizkie eskatu funtzionarioen "hizkuntza-baldintza berak" azpikontratutako enpresetako langileei.
CC.OO. sindikatuak eraman zuen gaia auzitara eta bera izan da Gorenaren erabakiaren berri eman duena, ohar batean.
Bere ebazpenean, EAEko Justizia Auzitegi Nagusiak Jaurlaritzak hizkuntza ofizialak erabiltzeko irizpideei buruz 2023ko ekainean argitaratutako hiru agindu baliogabetu zituen.
Bertan behera utzitako lehenengo agindua zen azpikontratatutako enpresek ere administrazio publikoan dauden "baldintza linguistikoak" bermatu behar dituztela.
Sindikatu espainiarraren iritzian, baldintza horren ondorioz, hizkuntza-eskakizuna egiaztatzen ez duten langileen "kaleratze-arriskua" handia litzateke.
Baliogabe utzitako beste bi aginduak sektore publikoko plantillari berari lotuta daude: batak dio lanpostuko C1 eta C2 hizkuntza-eskakizunak egiaztatuta dituzten langileek prestakuntza ikastaroak euskaraz jasoko dituztela, aukera baldin badago.
Beste irizpidearen arabera, berriz, beharginek euskara ezagutza egiaztatua badute euskarazko agiriak ez dira itzuliko gaztelaniara.
CC.OO. uste du euskara ikasteko "baliabideak eskasak" direla Euskal Administrazio Publikoan, eta gaineratu du enpresa pribatuetan "erabat pribatizatuta" eta "langileen gain" dagoela ikasketa prozesua.
Auzitegi Gorenak ez du tramitera onartu Jaurlaritzak aurkeztutako kasazio errekurtsoa, eta emandako epaia behin betikoa da. Gasteizko Gobernuak bihar egingo du balorazioa, astearteroko bileran.
Zure interesekoa izan daiteke
Bilboko Da Vinci diskotekako sabaia erori da
Bilboko Da Vinci pub ezaguna itxita dago, lokaleko sabaiaren zati bat behera etorri ondoren. Antza denez, etxebizitza taldeko ur-hodi batek huts egin du eta erorikoa eragin du. Behin behinean itxita dago diskoteka, eta konpontze lanek bi hilabete iraungo dutela aurreikusten dute arduradunek. Zorionez, ez da zauriturik izan istripuan.
Joxerramon Bengoetxea: “Plazak behin behinekoak dira, nahiz eta propio sortu zitzaien”
Joxerramon Bengoetxeak, Euskal Herriko Unibertsitateko errektoreak, adierazi du euskarazko kalifikazio baxuengatik errekurtsoa aurkeztu zuten ikasleentzako plazak "behin-behinekoak" direla, eta guzti hori "auto judizialetan jasota" dagoela ziurtatu du. Horrenbestez, plaza horiek ez dute bermatzen unibertsitatean jarraitzea; izan ere, euskarako notak batez bestekorako balioko balu, askok plazarik gabe geratuko lirateke. Gainera, errektoreak azaldu duenez, "normaltasunez" ari da aurrera egiten matrikulazio prozesua eta mozketak notak, beste urte batez.
BetiON zerbitzuak ahots bidezko abisuak bidaliko ditu, ezohiko egoeren berri emateko
EAEko Telelaguntza Zerbitzu Publikoak, betiONek, ahots-mezuak bidaliko dizkie erabiltzaileei, ezohiko egoeren berri emateko: bero-bolada bat, sute bat edo etxetik gertu izandako isuri toxiko bat, adibidez. Nerea Melgosa Eusko Jaurlaritzkao Ongizatea, Gazteria eta Erronka Demokrafikoaren sailburuak aurkeztu du ekimena.
Eklipsea ikusteko abuztuaren 12an joan-etorriak saihestea eskatu du Eusko Jaurlaritzak
Betaurreko homologatuekin eta norbera dagoen lekuan ikustea gomendatu du; hain zuzen, errepideetan trafiko sarria aurreikusten baita. Bestalde, Hiruk, garraiolari autonomoen sindikatuak, zirkulazioa debekatzeko erabakiaren aurka egin du.
Edadekoak, sanferminetako azken txanparen protagonista: adinak ez du festarako gogoa zapuzten
Gaur adinekoen eguna da sanferminetan. San Lorentzo elizan meza eman dute goizean, eta Iruñeko Udaletxean harrera ofiziala egin zaie ehun urtetik gorako herritarrei. Erritmoa eta alaitasuna Kasinora ere eraman dira ohiko Alpargataren Dantzarekin. Egunari amaiera Orquesta Mondragonen kontzertuak emango dio, arratsaldean.
Sanferminetako "Gaixoa ni", zuzenean
Udaletxeko plazatik zuzenean.
Euskadi Urdina estrategia aurkeztu du Eusko Jaurlaritzak, itsas eta arrantza-sektorearen belaunaldi-erreleboa bermatzeko
Talentu gaztea erakartzea, berrikuntza bultzatzea, portuak modernizatzea eta itsasoari lotutako aukera ekonomiko berriak sortzea dira helburu nagusiak.
Almeriako sutean hildako sei pertsona identikatu dituzte
Juanma Moreno Andaluziako presidenteak herritarrei ohartarazi die klima aldaketak bere erkidegoan duen eragina "oso handia" dela, eta kontzientziazioa eta "sentsibilitatea" eskatu die.
Ondarroan falta zen urpekari baten gorpua aurkitu dute
Ertzaintza eta larrialdi zerbitzuak Ondarroako uretan desagertutako 57 urteko gizonaren bila aritu dira igandetik.