Kaleko afari solidarioak debekatu ditu Donostiako Udalak
Gaurtik aurrera galarazita dago kalean otorduak banatzea Donostian, segurtasun arrazoiak argudiatuta. Kaleko Afari Solidarioak taldeak salatu duenez, 300 pertsona baino gehiago afaltzeko alternatibarik gabe utziko dituzte.
Kaleko Afari Solidarioak taldearen aldeko mobilizazioa Donostian. Artxiboko argazkia: EFE
Donostiako Udalak afariak "hiriko espazio publikoetan" banatzea debekatu du gaurtik aurrera. 300 pertsona baino gehiago afaltzeko alternatibarik gabe utzi dituztela salatu du Kaleko Afari Solidarioak kolektiboak, eta premiazko bilera eskatuko diote gaur bertan Jon Insausti Donostiako alkateari. Halaber, 12:00etan prentsaurrekoa deitu dute udaletxearen aurrean.
Bart jakinarazi dio debekua Udalak Kaleko Afari Solidarioak kolektiboari, ebazpena onartu berritan.
Udaleko hiru departamenturen txosten teknikoen ondoren etorri da erabakia: Espazio Publikoaren Erabilera Unitatea, Osasun Publikoko Saila eta Udaltzaingoa.
Donostiako Udalak segurtasun arrazoiak argudiatu ditu
Donostiako Udaleko iturriek Euskadi Irratiari azaldu diotenez, segurtasun arrazoiengatik hartu dute erabakia. Alde Zaharrean geroz eta segurtasun arazo gehiago daudela eta horri irtenbidea eman behar zaiola nabarmendu dute.
Asteroko udal gobernuaren bileraren ondotik emango ditu kazetarien aurrean azalpenak Insausti alkateak.
Noiztik ari dira afari solidarioak banatzen?
2019an hasi ziren afaria solidarioak banatzen, Donostiako Alde Zaharreko bizilagun batzuen ekimenez. Gerora, egitasmoa Egiara zabaldu zen. Hain zuzen ere, segurtasun arazoak argudiatuta, Egiako afariak debekatu egin zituen Udalak duela bi urte. Geroztik, Konstituzio plazan, Gipuzkoa Plazan eta Anoetan aritu dira otorduak banatzen. Urtean, 100.000 afari baino gehiago prestatu eta banatu dituzte boluntarioek.
Zure interesekoa izan daiteke
Madrilgo suteen mehatxua murriztu da, baina beroagatik eguraldiak okerrera egitea aurreikusten dute
Espainiako Gobernuko iturriek ohartarazi dutenez, sutea oraindik ez dago kontrolatuta eta "eguraldiak aldakor jarraitzen du".
Albiste izango dira: Espainiako eta Frantziako suteak, alerta laranja beroagatik eta kaleko afari solidarioen debekua Donostian
Gaurkoan Orain-en albiste izango direnen laburpena, bi hitzetan.
48 ordu Espainia erdialdean sua geldiarazteko, beste bero bolada bat iritsi aurretik
Madrilgo eta Avilako suteen fronteak San Juan urtegiaren parean elkartu dira. Bi suteen artean, 80.000 hektarea baino gehiago erre dira jada.
Vall d'Uixoko suteek 8.500 hektareak erre dituzte jada, baina egoerak hobera egin dezake gauean
Goizean ezin izan dituzte aire bidezko baliabideak erabili keagatik. "Gauari begira, aurreikuspen meteorologiko nahiko onekin iritsiko gara, mendebaldeko haize nahiko leunarekin, eta horri esker lan egin ahal izango dugu", azaldu du du zuzendari operatiboak.
Polemika piztu dute Palmako masifikazio turistikoaren aurkako manifestazioaren ondorengo kargek
Polizia Nazionalak gogor kargatu zuen Palman igandean, masifikazio turistikoaren aurkako protestaren ondoren. Talde bortitzei erantzun gisa justifikatu du Poliziak bere burua baina Espainiako Gobernuko ordezkariak zalantzan jarri du jokabidea. Zaurituen artean Xavier Hurtado fotokazetaria dago eta Balearetako Kazetarien sindikatuak babes osoa eman dio.
Donostiako Aste Nagusiak 416 jarduera izango ditu hiriko 30 gunetan banatuta
Donostia prest dago zortzi eguneko festari hasiera emateko. Abuztuaren 8tik 15era ospatuko dute Aste Nagusia, programa zabal batekin, eta, gainera, bitxikeria bat ere kontuan izango dute aurtengo jaietan: abuztuaren 12an izango den eklipsea.
El Bocal auziko epaileak atzeratu egin du Dragados enpresako ordezkariaren deklarazioa
Perituen azalpenak entzun ondotik erabaki zuen instrukzio epaileak enpresa kontratistako lege arduraduna ere deklaratzera deitzea, ikertu gisa.
Bi emakume zauritu dira Alesbesen trafiko-istripuz
12:36 inguruan izan da ezbeharra, NA-660 errepidean. Zauritutako bi emakumeak, 85 eta 31 urtekoak, Tuterako Reina Sofia Ospitalera eraman dituzte.
Behin-behinean espetxean jarraituko du sanferminetan emakume bat bortxatzeagatik ikertzen ari diren gizonak
Autoan, epaileak berretsi du biktimak konortea erdi galduta zuela sexu-erasoa egin ziotenean. Deklarazioan, akusatuak esan zuen emakumeak baimendutako sexu-harremana izan zela.