Dolumin mezu ugari, Oihane Mateos gogoan
Orain EITBren albiste zerbitzu digitaleko burua bart zendu da, eta zorigaiztoko albistea jaso eta berehala, erreskadan etorri dira samin agurrak.
Atsekabean lagun, asko eta asko izan dira dolumin mezuak Oihane Mateos EITBren albistegi digitaleko buruaren heriotzaren ostean. Bart zendu da, 45 urte zituela. EITBko profesional eta lankideak, euskal politikari eta ordezkari publikoak, kirol elkarteak, baita herritar xehe askok ere. Denek adierazi dute euren atsekabea.
Larunbat gau batez, abuztu betean, eman dugu zoritxarreko albiste horren berri. Orain EITBren albiste zerbitzu digitalaren sare sozialetan zabaltzearekin batera, bata bestearen ondotik iritsi dira dolumin mezuak.
EITBko bere lankide eta kide ohien artean samina da nagusi, eta horren erakusgarri dira gaur sare sozialak.
Etxe honetatik kanpo ere, kazetari ugarik helarazi dituzte doluminak:
Euskarazko toki komunikabideen federazioak, Tokikomek, EITBren batera abiatutako Saretzen proiektuaren zutarri ezinbestekotzat hartu du.
Imanol Pradales lehendakariak ere helarazi dizkio doluminak Oihane Mateosen familia, lagun eta EITBko lankideei.
Ibone Bengoetxea lehen lehendakariorde eta EITBko gerente izandakoak Instagrameko bere kontuan zabaldu du dolumin mezua.
Iñigo Urkullu lehendakari eta eAtlantic fundazioko presidenteak ere bat egin du samin agurrekin. Instagram bidez partekatutako mezuan irakur daitekeenez, atsekabean lagun ditu Mateosen senitarteko, gertuko eta EITBko zuzendari nagusia ere. Nabarmendu du Orainen zuzendari izandakoak “beti begirunez artatu” izan zuela.
Urkulluk Instagramen partekatutako mezua.
Euskal Herriko politikagintzatik ere heldu dira mezuak. Besteak beste, Eider Mendoza Gipuzkoako diputatu nagusiak (EAJ), Maddalen Iriarte EH Bilduren Gipuzkoako bozeramaileak eta Laura Garrido PPren legebiltzarkideak argitaratu dituzte babes mezuak.
Orio Arraun Elkarteko zuzendaritzako kide izan zen Mateos zazpi urtez, 2006tik 2013ra, eta taldeak samina adierazi du Instagramen zabaldutako mezu batean.
Oihane Mateosen aldeko hileta elizkizuna bihar, astelehenarekin, egingo dute jaioterrian, Ibarran (Gipuzkoa). San Bartolome parrokian izango da, 19:00etan.
Zure interesekoa izan daiteke
Gaur hasiko da Parisen errugbi jokalari ohi Federico Martin Arambururen heriotzaren epaiketa
Epaiketan, Loik Le Priol eta Romain Bouvier ultraeskuindarrak eseriko dira akusatuen aulkian, jokalari argentinarra tiroz hiltzea egotzita biak.
Euskotrenek neguko ordutegia berrezarri du tren eta metro zerbitzuetan
Berrikuntza gisa, Gipuzkoan hobetu egingo dira larunbat gauetako zerbitzuak Donostia eta Hendaia artean, eta areagotu egingo dira asteburuan Amara eta Errenteria eta Oiartzun arteko maiztasunak.
Gaur hasiko dute ikasturtea Euskadin 280.386 ikaslek
Iaz baino 59.200 ikasle gutxiago izango dira 2026-2027 ikasturtean. Hain zuzen ere, 339.586 ikasle zeuden pasa den urtean.
Freedom Flotillako Bilboko kolaboratzaileek Palestina "berriro fokuan" jartzeko eskatu dute
Ontzia asteartera arte egongo da Bilbon. Egun hartan, Vigora abiatuko da, eta, ondoren, Mediterraneoan zehar nabigatuko du, Gazara iristeko asmoz.
10 minutuko isilunea Lekeition, Antzar Egunean hildako gaztearen familiari babesa adierazteko
Udalak eta Jai Batzordeak deitu dute elkarretaratzea. Portuan, festa ikusten ari zela, ondoezik sentitu zen atzo hildako gaztea, eta bi metroko altueratik erori zen.
Antzar Egunean hildako mutila gogoratu dute Lekeition, elkarretaratze isil batekin
10 minutuko isilunea egin dute 19:00etan, udaletxe aurrean, hildako gaztea gogoratzeko eta haren ingurukoei elkartasuna adierazteko. Horrez gain, gaurko jai-egitarauak aldaketa batzuk izan ditu.
Agertu da Bedian desagertutako 82 urteko gizona
Euskadiko Larrialdi Zerbitzuetako langileek gizona erreskatatu eta ospitale batera eraman dute, mendian aurkitu ondoren.
Maite Barnetche, telebistan euskaraz aritu zen lehen kazetaria, omendu dute Bidarrain
Duela 55 urte entzun zen lehen aldiz kazetari bat euskaraz telebistan. Maite Barnetcheren hitzak izan ziren. Nafarroa Behereko komunikatzailea, Euskal Telebista sortu aurretik, 1971n hasi zen telebistan lanean, France 3 katean. Duela 40 urte zendu zen, oso gazte, eta gaur lagun, familia eta gertukoek omenaldia egin diote euskarazko telebistaren aitzindari honi, bere sorterrian, Bidarrain
Itzali dute Bermeoko San Migel auzoan piztu den sutea
13:45 aldera piztu da sua, eta tarteko, BI-631 errepidea itxi behar izan dute, bi noranzkoetan.
Abuztuaren 27an Bilbon desagertu zen 37 urteko gizon baten bila ari da Ertzaintza
Jakinarazi dutenez, begi marroiak ditu, ile beltza, 171 eta 180 zentimetro arteko altuera eta 71 eta 80 kilo arteko pisua. Gorpuzkera argala dauka.