Atzeratu egin dute Strauss-Kahnen agerraldia mediku-probak egiteko
Dominique Strauss-Kahn Nazioarteko Diru Funtsaren zuzendariak aurreikusitakoa baino beranduago emango du deklarazioa epailearen aurrean. Izan ere, mediku azterketak egitea onartu du eta horrek atzeratu egin du agerraldia, William Taylor defentsa abokatuak jakitera eman duenez.
"Gure bezeroak mediku eta auzitegi-mediku azterketa egitea onartu du bart. Gobernuak eskatuta eta zein ordu den ikusita, agerraldia bihar goiza arte atzeratzea erabaki dugu", adierazi du abokatuak Manhattango epaitegiaren kanpoaldean.
Strauss-Kahnen egoerari buruz galdetuta, Taylorrek esan du "nekatuta baina ondo" dagoela. Nazioarteko Diru Funtsaren zuzendaria New Yorkeko JFK aireportuan atxilotu zuten Parisera abiatu aurretik, gaua igaro zuen hoteleko langile bat bortxatzen saiatzea leporatuta.
Ez die Euroguneko erreskateei eragingo
Dominique Strauss-Kahn Nazioarteko Diru Funtsaren zuzendariaren atxiloketak ez omen die Euroguneko zorraren krisiak jota dauden herrialdeen erreskateei eragingo, Europako Batzordeko bozeramaile baten esanetan.
"NDFren erabakiak hartzeko prozesuan erabateko jarraipena egongo dela espero dugu", adierazi du Amadeu Altafaj Ekonomia eta Moneta Gaietarako bozeramaileak prentsaurreko batean.
Dena dela, "ez da zalantzan jartzen erreskateen inguruko erabakiak alda daitezkeela" Satrauss-Kahnen atxiloketaren ondoren, gaineratu du.
Kazetari frantziar batek ere sala dezake
Tristane Banon kazetari eta idazle frantziarra Dominique Strauss-Kahn NDFren zuzendariaren kontrako salaketa jarri ala ez pentsatzen ari da duela urte batzuk ustez sexu erasoa egin ziolako, David Koubbi emakumearen abokatuak azaldu duenez.
Idazlearen arabera, Strauss-Kahnek sexu-erasoa egin zion 2002an etxebizitza batean elkarrizketa bat egiten ari zirenean. Banonek telebista-saio batean eman zuen horren berri bost urte geroago, 2007an, baina familiaren egoeragatik (Alderdi Sozialistari lotuta zegoen) ez zuen erasotzailearen izena eman eta ez zuen salatu.
Bortxaketa saiakera
Frantziako politikaria, Nicolas Sarcozyri presidentzia kentzeko aukera gehien duen hautagaitzat hartu izan dutena, New Yorkeko poliziak John Fitzerald Kennedy aireportuan atxilotu zuen, Air France etxeko hegazkin baten barruan zegoela, Parisera abiatzeko prest.
Strauss-Kahn, 62 urtekoa, Manhattaneko Biktima Berezien Unitatera eraman dute eta han galdeketa egin diote, Paul Browne New Yorkeko Polizia bozeramaileak azaldu zuenez. Momentuz, Diru Funtseko agintari nagusiaren aurkako kargu formalik ez dute aurkeztu. Edozein kasutan, Manhattaneko iturri judizialek iragarri dutenez gaur pasako da epailearen aurretik, emakume bat bortxatzen saiatzea egotzita, besteak beste.
Kalez jantzitako agenteak Air France etxeko hegazkinera joan ziren larunbatean 16:45ak aldera (hemen 20:45ak aldera), eta Strauss-Kahn atxilotu zuten, New Yorkeko Polizia Departamentuan ordu batzuk lehenago Manhattan erdian dagoen Sofitel hoteleko garbitzaile baten salaketa jaso baitzuten.
Gaztearen kontakizuna
Polizia Departamentuko bozeramaileak adierazi zuenez, 32 urteko emakumeak salatu du Strauss-Kahnen gelara sartu zenean, biluzik aurkitu zuela eta bere (emakumearen) gainera bota zela, felazio bat egitera behartzen saiatuz.
Zerbitzariak ihes egitea lortu eta lankideei gertatutakoaren berri eman omen zien; laster Poliziari deitzea erabaki zuten. Agenteak hotelera heldu zirenean, Strauss-Kahn ez zegoen bertan, eta presaka samar alde egin zuen susmoa dute, logelan hainbat objektu pertsonal utzi baitzituen, tartean telefono mugikorra.
Aurrekaria, 2008an
Ez da Strauss-Kahnek horrelako arazoak dituen lehen aldia. Nazioarteko Diru Funtsako presidentea ikerketu egin zuten, erakundearen barruan, langile batekin izandako harremanetan botere-abusua egin zuen ala ez erabakitzeko.
Strauss-Kahn errugabea zela erabaki zuten orduan.
Strauss-Kahnen ibilbidea
Gertatutakoak kalte handia egingo lioke Strauss-Kahnek dituen helburu politikoei. Izan ere, oraindik hautagaitza formalki aurkeztu gabe daukan arren, jakintzat ematen da Nazioarteko Diru Funtsan duen kargua uztekotan zela datorren urtean Frantzian egingo diren hauteskunde presidentzialetara aurkezteko.
Frantziako legediaren arabera, Strauss-Kahnek ekainaren 13ra arte du bere helburu politikoen berri emateko epea. Inkestek orain arte abantaila nabarmena eman diote Nicolas Sarkozy egungo Presidente kontserbadorearen aurrean.
Dominique Strauss-Kahn Frantziako Alderdi Sozialistako kidea da eta 2007tik Nazioarteko Diru Funtsaren buruzagitzan dago. Urte horretan Frantziako hauteskunde presidentzialetara hautagaitza aurkeztea zen bere helburua, baina Segolene Royal aurkeztu zen azkenean. Ekonomiako Katedraduna ogibidez, ibilbide politikoa Frantziako Parlamentuan hasi zuen Ekonomia ministro moduan, Lionel Jospin lehen ministroa gobernuan zegoela, 1999ra arte.
Zure interesekoa izan daiteke
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.