Zergatik ez dute Sirian esku hartzen?
Homs hirian mendebaldeko 2 kazetari hil izanak ( bat estatubatuarra eta bestea frantsesa)Siriako Armada zenbaterainoko indarkeria erabiltzen ari den ikusteko balio izan du. Orain arte, norbaitek zalantzaren bat baldin bazuen, agerian geratu da Homs hiriaren kontrako bonbardaketa ikaragarria izaten ari dela. Hiri horretako altxamendua geldiarazteko armada artilleria eta koheteak erabiltzen ari da auzorik jendetsuenak erasotzeko. Teorian, Siriaren Askapenerako Armadako milizianoak dira bere helburu baina praktikan Homs hiriaren kontrako zigorra izaten ari dira altxamendua babesteagatik.
Egoerak oso irtenbide kaxkarra du gainera. Errusiak eta Txinak ez dute baimenik ematen Nazio Batuen Segurtasun Kontseiluak Siriaren kontrako zigorrak onar ditzan. Arabiar herrialdeetako gobernu gehienek Assad boteretik kendu nahi dute baina ez dute horretarako indarrik. Beste behin ere, badirudi estatubatuarren eta europarren zain daudela, hauek lan zikina egin dezaten, baina hori ez da komeni.
Siriar asko kexu dira, zera diote, Gadafi boteretik kentzeko Libian esku hartu bazuten zergatik ez da gauza bera egiten Al Assadekin Sirian? Agian petroliorik ez dutelako? Hori horrela da zalantzarik gabe, baina horren azpian badago beste arrazoi garrantzitsu bat ere, Libian esku hartzea erraza zen eta arriskua txikia. Siria, ordea, oso leku konplikatuan dago kokatua. Ez ahaztu inguruan dituela beste hainbat talde arriskutsu daudela: israeldarrak, iraniarrak, Al Kaida eta Libanoko Hizbola edo Siriako Armada.
Zure interesekoa izan daiteke
Iranek aurreratu du "oinarrizko akordio nuklearra" lortu duela AEBrekin
Helburu eta gai tekniko garrantzitsuenetan ados jarri dira, eta, orain, hori guztia testu batean ezarri beharko dute. Hala jakinarazi du Teherango Atzerri ministroak.
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.